loader

តៃវ៉ាន់​រង​ការ​រញ្ជួយ​ដី​បន្ថែម​ទៀត

 

 

 

យោងតាម C N A គ្រោះរញ្ជួយដីបានវាយប្រហារភាគអាគ្នេយ៍កោះតៃវ៉ាន់នៅថ្ងៃចន្ទ ទី១៩ ខែកញ្ញា កម្រិត ៥.៥ រ៉ិចទ័របន្ថែមទៀត ដែលធ្វើអោយញ័រដល់រដ្ឋធានីតៃប៉ិ មួយថ្ងៃបន្ទាប់ពីការរញ្ជួយដ៏ខ្លាំងមួយបានសម្លាប់មនុស្សម្នាក់ និងរបួសប្រហែល ១៥០ នាក់ផ្សេងទៀត។

 

ទីភ្នាក់ងារស្ទាបស្ទង់ភូគព្ភសាស្ត្រសហរដ្ឋអាមេរិក (USGS) បាននិយាយថា ការរញ្ជួយដីចុងក្រោយបំផុតបានវាយប្រហារនៅម៉ោងប្រហែល 10 ព្រឹក ម៉ោងក្នុងស្រុក ចម្ងាយ 66 គីឡូម៉ែត្រពីភាគនិរតីនៃទីក្រុងឆ្នេរសមុទ្រ Hualien ក្នុងជម្រៅ 13 គីឡូម៉ែត្រ។

 

ការិយាល័យអាកាសធាតុរបស់កោះតៃវ៉ាន់បានដាក់កម្រិត ៥.៩រ៉ិចទ័រចំពោះការរញ្ជួយដីថ្មីនេះ។នៅតំបន់ជនបទនៅភាគអាគ្នេយ៍នៃកោះតៃវ៉ាន់ បានទទួលរងការញាប់ញ័រជាបន្តបន្ទាប់ចាប់តាំងពីថ្ងៃសៅរ៍។

 

គ្រោះរញ្ជួយដីកម្រិត ៦.៩ រ៉ិចទ័រ បានវាយប្រហារកាលពីរសៀលថ្ងៃអាទិត្យ ដោយបានធ្វើឱ្យខូចផ្លូវថ្នល់ និងបំផ្លាញផ្ទះមួយចំនួននៅក្នុងទីក្រុង Yuli ដែលយ៉ាងហោចណាស់មនុស្សម្នាក់បានស្លាប់។មនុស្សបួននាក់ផ្សេងទៀតត្រូវបានជួយសង្គ្រោះពីអគារដែលដួលរលំ ខណៈដែលអាជ្ញាធរបាននិយាយថា សរុបចំនួន 146 នាក់បានរងរបួស។

 

ទីក្រុង Hualien ដែលជាតំបន់ទេសចរណ៍មួយរបស់តៃវ៉ាន់ត្រូវបានវាយប្រហារដោយការរញ្ជួយដីកម្រិត 6.4 រិចទ័រក្នុងឆ្នាំ 2018 ដែលបានសម្លាប់មនុស្ស 17 នាក់ និងជិត 300 នាក់រងរបួស។នៅខែកញ្ញា ឆ្នាំ 1999 តៃវ៉ាន់មានការរញ្ជួយដីកម្រិត 7.6 រិចទ័របានសម្លាប់មនុស្សប្រហែល 2,400 នាក់ដែលជាគ្រោះមហន្តរាយធម្មជាតិដ៏សាហាវបំផុតក្នុងប្រវត្តិសាស្រ្តកោះតៃវ៉ាន់។

ប្រភព៖ C N A ថ្ងៃទី ១៩ ខែ កញ្ញា ឆ្នាំ ២០២២

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ប្រជាជនអាហ្វហ្គានីស្ថាន១៦២នាក់ បានស្លាប់ដោយសារអាកាសធាតុត្រជាក់ខ្លាំង

  អាជ្ញាធរអាហ្វហ្គានីស្ថានបានរាយការណ៍កាល[...]

ក្រោមការគ្រប់គ្រងរបស់យោធាភូមាការដាំដុះអាភៀនមានការកើនឡើង

  របាយការណ៍របស់អង្គការសហប្រជាជាតិបានឱ្យដ[...]

សម្តេចសង្ឃកាតូលិកអំពាវនាវ​ឱ្យ​លុបចោលនូវច្បាប់​ប្រឆាំង​នឹងក្រុម​អ្នកស្រឡាញ់​ភេទ​ដូចគ្នា

  សម្តេចសង្ឃកាតូលិកបានចេញមុខបដិសេធច្បាប់[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x