ស្ត្រីជាច្រើនចូលចិត្តយកកៅស៊ូចងសក់មករុំកដៃ ពីព្រោះវាងាយស្រួលនៅពេលពួកគេត្រូវការយកវាមកចងសក់។ ប៉ុន្តែពួកគេមិនបានដឹងទេថា ការរុំកដៃដោយកៅស៊ូចងសក់នេះធ្វើឲ្យប៉ះពាល់ដល់កដៃយ៉ាងណានោះទេ។
នាង Audree Kopp បានជួបបញ្ហាត្រង់កដៃរបស់នាង ដោយសារទម្លាប់ដែលនាងឧស្សាហ៍យកកៅស៊ូចងសក់ពាក់នឹងកដៃ។ កដៃរបស់នាងឡើងប៉ោងធំនិងប្រែទៅជាពណ៌ក្រហម ព្រមទាំងធ្វើឲ្យនាងមានការឈឺចាប់។
នាងបានទៅជួបវេជ្ជបណ្ឌិត ហើយលោកវេជ្ជបណ្ឌិតនិយាយថាបញ្ហានេះបណ្តាលមកពីកៅស៊ូចងសក់។ លោកវេជ្ជបណ្ឌិតបានពន្សល់ថា ស្ត្រីទាំងទ្បាយគួរមានការប្រុងប្រយ័ត្ននិងមិនគួរពាក់កៅស៊ូចងសក់ជុំវិញកដៃញឹកញាប់ឡើយ ពីព្រោះវាបង្កឲ្យមានបញ្ហាលើស្បែក និងផលប៉ះពាល់ផ្សេងៗទៀត។
នាង Audree Kopp មិននឹកស្មានថាកៅស៊ូចងសក់អាចធ្វើឲ្យមានបញ្ហាបែបនេះឡើយ តែជាសំណាងល្អដែលការឈឺចាប់លើកដៃរបស់នាងគឺដោយសារមកពីបាក់តេរីប៉ុណ្ណោះ មិនទាន់ឈានដល់មានបញ្ហាធ្ងន់ធ្ងរ។ កដៃរបស់នាងបានជាធម្មតាវិញបន្ទាប់ពីបានទទួលការការវះកាត់។
ប្រែសម្រួលដោយ៖ អ៊ុង គឹមអ៊ាន់ / ប្រភព៖ Elitedaily
