loader

ខេត្តបាត់ដំបង៖ យុវជនទទួលបានចំណេះដឹងថ្មីៗពេលចូលរួមកម្មវិធីបោះជំរុំប្រព័ន្ធផ្សព្វផ្សាយ

បាត់ដំបង៖ យុវជនខេត្តបាត់ដំបងចំនួន ១៥អង្គ នាក់ក្នុងនោះស្រីចំនួន ៩នាក់ បានចូលរួមកម្មវិធីបោះជំរុំប្រព័ន្ធផ្សព្វផ្សាយ(Bar Camp)កាលពីថ្ងៃទី០៣ ខែកញ្ញា ឆ្នាំ២០២២ ដែលរៀបចំឡើងដោយអង្គការមណ្ឌលព័ត៌មានស្ត្រីកម្ពុជា (WMC) សហការជាមួយ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM) និងក្រុមសមាគមយុវជនខ្មែរ (KYA)។

លោក អ៊ូ រិទ្ធី ចែករំលែកចំណេះដឹងពីកម្មវិធី សួរមួយ និង វិធីសាស្រ្តក្នុងការចាប់យកឱកាសនានាក្នុងការបន្តការសិក្សាថ្នាក់ឧត្តម។

 

កម្មវិធីនេះដែលប្រព្រឹត្តិទៅនៅក្នុងអាហារដ្ឋាន ជ.ឃ ស្ថិតក្នុងក្រុងបាត់ដំបង ខេត្តបាត់ដំបងនេះ មានគោលបំណង ផ្តល់ឱកាស និងចែករំលែកឲ្យដល់ប្រជាពលរដ្ឋ សិស្ស និស្សិត ជាពិសេសយុវជនយល់ដឹងពីសារៈសំខាន់នៃការទទួលបានព័ត៌មាន សុវត្ថិភាពក្នុងការបញ្ចេញមតិ ព្រមទាំងការទទួលបានព័ត៌មាន និងរបៀបថតរូបអោយបានស្អាតជាដើម។

កម្មវិធីនេះទៀតសោត អ្នកចូលរួមនឹងទទួលបានចំណេះដឹងថ្មីៗតាមរយៈការចែករំលែករបស់វាគ្មិនស្តីពីវិជ្ជាជីវៈព័ត៌មាន បទពិសោធន៍របស់អ្នកព័ត៌មានជាស្រ្តី និងជជែកពិភាក្សាពីគន្លឹះស្វែងរកអាហារូបករណ៍ទាំងក្នុងនិងក្រៅប្រទេស។

មួយវិញទៀត អ្នកចូលរួមក៏បានទទួលចំណេះដឹងថ្មីស្តីពីរបៀបក្នុងការផ្ទៀងផ្ទាត់ព័ត៌មានក្លែងក្លាយ យល់ដឹងបន្ថែមពីគន្លឹះស្វែងរកប្រធានបទសរសេរព័ត៌មាននិងរបៀបថតរូបថតវីដេអូជាដើម។

សិក្ខាកាមកំពុងធ្វើការងារក្រុមដេលគ្រូដាក់ឱ្យ។

 

អ្វីសំខាន់មួយទៀតនោះ គឺធ្វើឱ្យយុវជនកាន់តែមានទំនាក់ទំនងស្និតស្នាលជាមួយវាគ្មិនជំនាញ ដើម្បីពិភាក្សា និងរៀនសូត្របន្ថែមលើការធ្វើយ៉ាងណាដើម្បីអោយមានសុវត្ថិភាពក្នុងការបញ្ចេញមតិ។

យុវជនដែលបានចូលរួមបានថ្លែងក្រោយពេលចប់កម្មវិធីថា ពួកគេសប្បាយរីករាយដែលបានចូលរួមក្នុងកម្មវិធីបោះជំរុំប្រព័ន្ធផ្សព្វផ្សាយ(Bar Camp)នេះ ព្រោះកម្មវិធីនេះ បានផ្តល់អត្ថប្រយោជន៍ជាច្រើនដល់ពួកគេ។ យុវជនទាំងនោះបន្ថែមថា ចំណេះដឹងក្នុងកម្មវិធីនេះ អាចធ្វើឱ្យគេមានមូលដ្ឋានក្នុងការគិតពិចារណាកាន់តែប្រសើរជាងមុនក្នុងការស្វែងរកអាហារូបករណ៍ទៅសិក្សានៅក្រៅប្រទេស ថែមទាំងបានយល់ដឹងពីព័ត៌មានពិតនិងក្លែងក្លាយ ជាមួយការថតរូបកាន់តែល្អជាងមុន។

សិក្ខាកាមកំពុងស្តាប់ការចែករំលែករបស់វាគ្មិនជុំវិញបទពិសោធន៍ទទួលបានអាហារូបករណ៍រៀននៅបរទេស។

 

សូមបញ្ជាក់ថា​ វគ្គបណ្តុះបណ្តាលនេះស្ថិតនៅក្រោមគម្រោងសំឡេងយុវជនមានសារៈសំខាន់ ដែលទទួលបានការគាំទ្រដោយសហភាពអឺរ៉ុបប្រចាំកម្ពុជា(EU) និង DW Akademie រៀបចំដោយអង្គការមណ្ឌលព័ត៌មានស្រ្តីកម្ពុជា(WMC) និង មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM)  សហការរៀបចំជាមួយសមាគមយុវជនខ្មែរ(KYA) និងក្រុមប្រឹក្សាយុវជនកម្ពុជា (YCC)៕​

អត្ថបទខ្លីនេះសរសេរដោយ មាំង ចាន់ឌឿន ជាសិក្ខាកាមក្នុងវគ្គបណ្តុះបណ្តាលស្ថិតក្នុងគម្រោងសំឡេងយុវជនមានសារៈសំខាន់ គាំទ្រដោយសហភាពអឺរ៉ុបប្រចាំកម្ពុជា(EU) និង DW Akademie។

ខាងក្រោមជាកម្រងរូបភាពនៃកម្មវិធីបោះជំរុំប្រព័ន្ធផ្សព្វផ្សាយ(Bar Camp)៖

 

 

4.5 2 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជាបានប្រារព្ធជាថ្មីក្រោយកូវីដ១៩

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជា[...]

កម្ពុជាឈ្នះក្តីពីគណៈកម្មការអឺរ៉ុបដែលដកហូតការអនុគ្រោះពន្ធ សម្រាប់ការនាំចូលអង្ករពីកម្ពុជា

ភ្នំពេញ៖ កម្ពុជាបានឈ្នះក្តីលើបណ្តឹងតវ៉ា ចំពោះ[...]

សម្តេច  ហ៊ុន សែន៖ បណ្ដាញទីក្រុងឆ្លាតអាស៊ាន (ASCN)  កំពុងរួមចំណែកសំខាន់ ឈានទៅសម្រេចនូវចក្ខុវិស័យអាស៊ាន២០២៥ និងផែនការអភិវឌ្ឍទីក្រុង

សម្តេច ហ៊ុន សែននាយករដ្ឋមន្ដ្រីនៃកម្ពុជាបញ្ជាក[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x