en     km
en     km

កូរ៉េ​ខាង​ត្បូងថានឹងឆ្លើយតបខ្លាំងក្លា​ក្នុងករណី​កូរ៉េ​ខាង​ជើង​ធ្វើ​តេស្ត​នុយក្លេអ៊ែរ

Share

ទីប្រឹក្សាសន្តិសុខជាតិរបស់កូរ៉េខាងត្បូង បាននិយាយថា កូរ៉េខាងត្បូង និងសមភាគីអាមេរិក និងជប៉ុន បានព្រមព្រៀងគ្នាថា នឹងមិនមានការឆ្លើយតបទន់ភ្លន់នោះទេ ប្រសិនបើកូរ៉េខាងជើង ធ្វើការសាកល្បងនុយក្លេអ៊ែរម្ដងទៀត នេះបើយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់ នៅថ្ងៃសុក្រ ទី០២ ខែកញ្ញា។

 

ទីប្រឹក្សាសន្តិសុខជាតិប្រទេសកូរ៉េខាងត្បូង អាមេរិក និងជប៉ុន បានប្រជុំពិភាក្សាត្រីភាគីនៅរដ្ឋ Hawaii ចំពេលមានសញ្ញាថាកូរ៉េខាងជើងបានត្រៀមលក្ខណៈធ្វើការសាកល្បងនុយក្លេអ៊ែរជាលើកដំបូងចាប់តាំងពីឆ្នាំ 2017 ។

លោកKim Sung-han ទីប្រឹក្សាសន្តិសុខជាតិប្រទេសកូរ៉េខាងត្បូងបានប្រាប់អ្នកយកព័ត៌មានកាលពីថ្ងៃព្រហស្បតិ៍ បន្ទាប់ពីកិច្ចពិភាក្សាត្រីភាគីនេះថា “ប្រសិនបើកូរ៉េខាងជើងធ្វើការសាកល្បងនុយក្លេអ៊ែរលើកទីប្រាំពីររបស់ខ្លួន នឹងមានការឆ្លើយតបខុសគ្នាពីលើកមុនៗ” ។

 

លោក គីម ត្រូវបានគេដកស្រង់សម្តីថា “យើងបានព្រមព្រៀងគ្នាថា មិនគួរមានការគិត ឬការឆ្លើយតបដោយទើសទាល់ទេ ចំពោះកូរ៉េខាងជើងបានធ្វើតេស្តនុយក្លេអ៊ែរម្ដងទៀត។កូរ៉េខាងជើង​ដែល​មាន​អាវុធ​នុយក្លេអ៊ែរ​​បាន​ធ្វើ​ការ​សាកល្បង​កាំជ្រួច​ក្នុង​ល្បឿន​មិន​ធ្លាប់​មាន​ក្នុង​ឆ្នាំ​នេះ។

 

កាលពីពាក់កណ្តាលខែសីហា ប្រទេសកូរ៉េខាងជើងបានបាញ់មីស៊ីលឆ្លងទ្វីបចំនួនពីរគ្រាប់ពីឆ្នេរសមុទ្រភាគខាងលិច បន្ទាប់ពីកូរ៉េខាងត្បូង និងសហរដ្ឋអាមេរិកបានធ្វើសមយុទ្ធលើទីលានដ៏ធំបំផុតក្នុងរយៈពេលប៉ុន្មានឆ្នាំកន្លងមកនេះ។

ប្រភព៖ C N A ថ្ងៃទី០២ ខែកញ្ញា ឆ្នាំ២០២២

Share

ព័ត៌មានទាក់ទង

Image