loader

រាជរដ្ឋាភិបាលបានបញ្ជាឱ្យក្រសួងវប្បធម៌ពិនិត្យឡើងវិញ ការប្រឡងបរវកញ្ញាក្រោយរងការរិះគន់ខ្លាំង

សម្ដេច ហ៊ុន សែន បញ្ជាឱ្យរដ្ឋមន្ដ្រីក្រសួងវប្បធម៌ លោកស្រី ភឿង សកុណា ចាត់វិធានការលើរឿងប្រឡងបវរកញ្ញា Miss Grand Cambodia ឆ្នាំ២០២២ ក្រោយទទួលរងការរិះជនខ្លាំងលើឈុតតំណាងក្រុង និងការស្លៀកពាក់ស៊ិចស៊ីជ្រុលរបស់បេក្ខនារីប្រកួត។ យ៉ាងណា ក្រសួងចំនួន៣ នឹងហៅអ្នកដឹកនាំកម្មវិធីប្រឡង​សម្រស់ ជួបនៅថ្ងៃទី ០១ កញ្ញា ស្អែកនេះ ។

លោក ឡាក់ ច័ន្ទតារា ជូននូវសេចកក្ដីរាយការណ៍៖

ក្រសួងវប្បធម៌និងវិចិត្រសិល្បៈ ក្រសួងកិច្ចការនារី និងក្រសួងព៍ត៌មាន នឹងហៅអ្នកដឹកនាំកម្មវិធីប្រកួតសម្រស់Miss Grand Cambodia ជួបប្រជុំនៅថ្ងៃទី១ ខែកញ្ញា ឆ្នាំ២០២២ស្អែកនេះ ក្រោយពីរាជរដ្ឋាភិបាល​ កម្ពុជាសម្ដេច ហ៊ុន សែន​ បានបញ្ជាឱ្យក្រសួងវប្បធម៌និងវិចិត្រសិល្បៈ ចាត់វិធានការឡើងវិញ បន្ទាប់ពីរងការរិះគន់យ៉ាងខ្លាំងពីមហាជន ក្នុងការយកល្បែងបៀ និងអាប៉ោង ធ្វើជាឈុតតំណាងឱ្យក្រុងបាវិត និងក្រុងប៉ោយប៉ែត និងករណីស្លៀកស៊ិចស៊ីជ្រុលហួសហេតុ របស់បេក្ខនារី តំណាងឱ្យខេត្តស្ទឹងត្រែង។

ការបញ្ជារបស់រាជរដ្ឋាភិបាលធ្វើឡើងនៅថ្ងៃទី៣១ ខែសីហា ឆ្នាំ២០២២ ក្នុងឱកាសសម្ពោធសាងសង់ស្ពានអាកាសចំនួន២ក្នុងរាជធានីភ្នំពេញ។ សម្ដេចបានលើកឡើងថា

លោកស្រី ភឿង សកុណា  រដ្ឋមន្ដ្រីក្រសួងវប្បធម៌ និងវិចិត្រសិល្បៈ បានឱ្យដឹងថា នៅថ្ងៃទី១ ខែ កញ្ញា ឆ្នាំ២០២២នេះ ក្រសួងវប្បធម៌និងវិចិត្រសិល្បៈ ក្រសួងកិច្ចការនារី និងក្រសួងព័ត៌មាន នឹងហៅអគ្គនាយកផលិតកម្មមហាហង្ស របស់លោក អ៊ិន សុភិន ដែលទទួលសិទ្ធិរៀបចំកម្មវិធីប្រឡងសម្រស់បវរកញ្ញានេះ ចូលជួបប្រជុំជាថ្មី។

លោកស្រីថា ក្រសួងធ្លាប់បានឱ្យមន្ដ្រីចុះពិនិត្យដល់ទីតាំងនៃការប្រកួតផ្ទាល់នៅថ្ងៃប្រកួតបញ្ចប់ និងណែនាំរួចម្ដងហើយ តែកំហុសដែលកើតឡើងវាធ្ងន់ធ្ងរ ដូច្នេះនឹងត្រូវជួបប្រជុំសារជាថ្មីម្ដងទៀត។

ចំណែកក្រសួងកិច្ចការនារីនៅថ្ងៃនះក៏បាន ចេញសេចក្ដីប្រកាសព័ត៌មានដោយថ្កោលទោសយ៉ាងធ្ងន់ធ្ងរ ចំពោះសកម្មភាពរបស់កម្មវិធីប្រឡងសម្រស់បវរកកញ្ញានេះ ដោយថា មិនត្រឹមតែពុំបានរួមចំណែកលើកស្ទួយវប្បធម៌ ប្រពៃណី និងអត្តសញ្ញាណជាតិប៉ុណ្ណោះទេ ផ្ទុយទៅវិញ ទង្វើទាំងនោះ បានធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយស សេចក្តីថ្លៃថ្នូរ និងតម្លៃរបស់ស្រ្តីខ្មែរផងដែរ ។

ផ្អែកតាមផេកផ្លូវការរបស់ Miss Grand Cambodia អគ្គនាយកផលិតកម្មមហាហង្ស ធ្លាប់បានប្រកាសសុំទោសមហាជនពិសេសអាជ្ញាធរ និងពលរដ្ឋរស់នៅក្នុងក្រុងប៉ោយប៉ែត និងក្រុងបាវិត ហើយបានលុបចោលនូវឈុតតំណាងឱ្យក្រុងបាវិត និងក្រុងប៉ោយប៉ែត ដែលយកល្បែងស៊ីសង មាន បៀ និងអាប៉ោង មកធ្វើជាតំណាងចេញពីការប្រកួត។ តែយ៉ាងណា ចំពោះការស្លៀកពាក់ស៊ិចស៊ីរបស់បេក្ខនារីតំណាងឱ្យខេត្តស្ទឹងត្រែង គឺត្រូវបានរដ្ឋបាលខេត្តនេះ ចេញលិខិតឆ្លើយតបថាឈុតតំណាងឱ្យខេត្តរបស់ខ្លួន បង្ហាញលក្ខណៈស្រើបស្រាល លេចលើលេចក្រោមដែលប៉ះពាល់ធ្ងន់ធ្ងរដល់វប្បធម៌ប្រពៃណីរបស់ខ្មែរ និងមិនឆ្លុះបញ្ចាំងពីអត្តសញ្ញាណខេត្តស្ទឹងត្រែងនោះទេ។

ទោះបីបែបនេះក្ដី ប្រមុខរាជរដ្ឋាភិបាល សម្ដេច ហ៊ុន សែន ថា បេក្ខនារីដែលចូលរួមសម្តែង ក្នុងការប្រកួតប្រជែងកម្មវិធី Miss Grand Cambodia 2022 គ្មានកំហុសទេ ព្រោះពួកគេសម្តែង និងស្លៀកពាក់ទៅតាមអ្នករៀបចំកម្មវិធីបានកំណត់ឱ្យ។ ដូច្នេះបេក្ខនារីដែលចូលរួមប្រកួតប្រជែង មិនខុសនោះទេ អ្នកដែលខុស គឺអ្នកដឹកនាំកម្មវិធី៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជាបានប្រារព្ធជាថ្មីក្រោយកូវីដ១៩

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជា[...]

កម្ពុជាឈ្នះក្តីពីគណៈកម្មការអឺរ៉ុបដែលដកហូតការអនុគ្រោះពន្ធ សម្រាប់ការនាំចូលអង្ករពីកម្ពុជា

ភ្នំពេញ៖ កម្ពុជាបានឈ្នះក្តីលើបណ្តឹងតវ៉ា ចំពោះ[...]

សម្តេច  ហ៊ុន សែន៖ បណ្ដាញទីក្រុងឆ្លាតអាស៊ាន (ASCN)  កំពុងរួមចំណែកសំខាន់ ឈានទៅសម្រេចនូវចក្ខុវិស័យអាស៊ាន២០២៥ និងផែនការអភិវឌ្ឍទីក្រុង

សម្តេច ហ៊ុន សែននាយករដ្ឋមន្ដ្រីនៃកម្ពុជាបញ្ជាក[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x