loader

​លោក ប្រាយុទ្ធ ចាន់អូចា នឹង​បន្ត​ជា​រដ្ឋមន្ត្រី​ការពារជាតិ បន្ទាប់ពីត្រូវតុលាការព្យួរដំណែងនាយករដ្ឋមន្រ្តី

មេដឹកនាំថៃដែលត្រូវបានព្យួរដំណែងនាយករដ្ឋមន្រ្តី លោក ប្រាយុទ្ធ ចាន់អូចា បាននិយាយនៅលើប្រព័ន្ធផ្សព្វផ្សាយសង្គមថា លោកនឹងនៅបន្តតួនាទីជារដ្ឋមន្ត្រីការពារជាតិ បន្ទាប់ពីតុលាការបានព្យួរតួនាទីជានាយករដ្ឋមន្ត្រី។

 

លោក Prayut បានសរសេរនៅលើ Twitter ផ្លូវការរបស់លោកកាលពីល្ងាចថ្ងៃព្រហស្បតិ៍ ២៥ សីហា ថា “ខ្ញុំនឹងបន្តបំពេញកាតព្វកិច្ច និងការទទួលខុសត្រូវរបស់ខ្ញុំក្នុងនាមជារដ្ឋមន្ត្រីការពារជាតិសម្រាប់ប្រជាជន និងប្រទេសថៃជារៀងរាល់ថ្ងៃ។

តុលាការធម្មនុញ្ញកាលពីថ្ងៃពុធ បានសម្រេចស្តាប់ញត្តិដែលដាក់ជូនដោយគណបក្សប្រឆាំង ដោយលើកហេតុផលថាលោក ប្រាយុទ្ធ ធ្វើជាប្រធានរបបយោធា បន្ទាប់ពីលោកបានឡើងកាន់អំណាចក្នុងរដ្ឋប្រហារឆ្នាំ 2014 គួរតែរាប់បញ្ចូលពេលវេលាកំណត់ ដែលរដ្ឋធម្មនុញ្ញថៃបាន​ចែងថានាយករដ្ឋមន្រ្តីមិនអាចកាន់អំណាចលើសពី៨ឆ្នាំ។

 

គេ​នៅ​មិន​ទាន់​ដឹងច្បាស់​នៅ​ឡើយ​ទេ​ថា​តើ​ពេល​ណា​តុលាការ​នឹង​ចេញ​សេចក្តី​សម្រេច​លើ​ញត្តិនេះជាលើក​ចុងក្រោយ។ភាពចម្រូងចម្រាសលើការកំណត់អាណត្តិរបស់លោក ប្រាយុទ្ធ គឺជាដំណាក់កាលចុងក្រោយបំផុតក្នុងរយៈពេលជិតពីរទសវត្សរ៍ នៃភាពចលាចលនយោបាយជាប់ៗគ្នា រួមទាំងរដ្ឋប្រហារចំនួនពីរលើក និងការតវ៉ាដោយហិង្សា ដែលផ្តើមចេញពីការប្រឆាំងទៅនឹងការចូលរួមរបស់យោធានៅក្នុងកិច្ចការ​​នយោបាយ។

 

អ្នកនាំពាក្យរដ្ឋាភិបាលថៃលោក Anucha Burapachaisri បាននិយាយកាលពីថ្ងៃសុក្រទី២៦ សីហាថា គណៈរដ្ឋមន្ត្រីនៅតែបន្តដំណើរការជាធម្មតា ដែលដឹកនាំដោយឧបនាយករដ្ឋមន្ត្រី Prawit Wongsuwan កំពុងកាន់តំណែងជានាយករដ្ឋមន្ត្រីស្តីទីរបស់ប្រទេសថៃ។

ប្រភព៖ C N A ថ្ងៃទី 26 ខែ សីហា ឆ្នាំ 2022

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ប្រជាជនអាហ្វហ្គានីស្ថាន១៦២នាក់ បានស្លាប់ដោយសារអាកាសធាតុត្រជាក់ខ្លាំង

  អាជ្ញាធរអាហ្វហ្គានីស្ថានបានរាយការណ៍កាល[...]

ក្រោមការគ្រប់គ្រងរបស់យោធាភូមាការដាំដុះអាភៀនមានការកើនឡើង

  របាយការណ៍របស់អង្គការសហប្រជាជាតិបានឱ្យដ[...]

សម្តេចសង្ឃកាតូលិកអំពាវនាវ​ឱ្យ​លុបចោលនូវច្បាប់​ប្រឆាំង​នឹងក្រុម​អ្នកស្រឡាញ់​ភេទ​ដូចគ្នា

  សម្តេចសង្ឃកាតូលិកបានចេញមុខបដិសេធច្បាប់[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x