loader

ឪម៉ាល់ទិចកុមារម្នាក់ស្លាប់ តែគ្រួសារសពថាមន្ទីរពេទ្យខេត្តស្វាយរៀងមិនយកចិត្តទុកដាក់

ស្វាយរៀង៖ គ្រួសារសពកុមារី ធឿន ចន្ថា ដែលត្រូវសត្វឱម៉ាល់ទិចប្រហែលជា៣០ទ្រនិច បានសម្តែងការមិនពេញចិត្តនឹងសេចក្តីបំភ្លឺរបស់មន្ទីរពេទ្យខេត្តស្វាយរៀង ដោយចោទមន្ទីរពេទ្យថាមិនព្រមបញ្ជូនអ្នកជំងឺទៅកាន់មន្ទីរពេទ្យគន្ធបុប្ផាភ្នំពេញឲ្យទាន់ពេលវេលា។

នារសៀលថ្ងៃពុធ ទី២៤ ខែសីហា ឆ្នាំ២០២២ ម្តាយក្មេងស្រីជនរងគ្រោះឈ្មោះ ហ៊ូ ស៊ីណាង រស់នៅភូមិមេលោង សង្កាត់ចេក ក្រុងស្វាយរៀង ខេត្តស្វាយរៀង បានប្រាប់វិទ្យុស្ត្រីថា មន្ទីរពេទ្យខេត្តស្វាយរៀង បានបកស្រាយយកត្រូវតែខ្លួនឯង តែតាមសកម្មភាពរបស់ពេទ្យ មើលទៅមិនយកចិត្តទុកដាក់នឹងកូនរបស់ពួកគាត់។

អ្នកស្រីបន្តថា៖ «ពេទ្យមិនសូវយកចិត្តទុកដាក់នឹងកូនខ្ញុំទេ គាត់ដើរទៅមកៗមកសួរកូនខ្ញុំអូនម៉េចហើយ ឈឺនោមអត់ កូនខ្ញុំជួនឆ្លើយជួនគ្រវីក្បាល។ ខ្ញុំឃើញគាត់[ក្រុមគ្រូពេទ្យ]និយាយគ្នាក្នុងបន្ទប់កញ្ចក់ធម្មតា កាយវិការមិនយកចិត្តទុកដាក់ជាមួយកូនខ្ញុំទេ ប្រសិនគាត់យកចិត្តទុកដាក់សង្គ្រោះតែបន្តិចមិនអីទេ តែគាត់[គ្រូពេទ្យ]នៅតែថាតាមដានៗ»។

 

អ្នកស្រីបន្ថែមថា« ពេទ្យមួយឲ្យបញ្ជូនទៅពេទ្យមន្ទីរពេទ្យកុមារជាតិ ឬមន្ទីរពេទ្យគន្ធរបុប្ផា ស្រាប់តែពេទ្យមួយទៀតមកថា ចាំតាមដាន១ម៉ោងទៀត រហូតទុកកូនរបស់ខ្ញុំហួសពេល បាត់បង់ជីវិតពេលទៅដល់មន្ទីរពេទ្យគន្ធរបុប្ផានៅភ្នំពេញ»។

ជាមួយគ្នានេះដែរ វិទ្យុស្ត្រីមិនអាចសុំការឆ្លើយបំភ្លឺពីលោកវេជ្ជបណ្ឌិត កែរ រដ្ឋាជាប្រធានមុន្ទីរសុខាភិបាលខេត្តស្វាយរៀងបានទេ ដោយទូរសព្ទ័របស់លោកពុំអាចទាក់ទងបាន។

ដោយឡែកបើតាមសេចក្តីបំភ្លឺរបស់រដ្ឋបាលមន្ទីរពេទ្យខេត្តស្វាយរៀងបានឲ្យដឹងថា ក្មេងស្រីរងគ្រោះត្រូវបានសង្រ្គោះបឋមពេលបញ្ជូនមកមន្ទីពេទ្យ ដោយខាងមន្ទីរពេទ្យដាក់អុកស៊ីសែន ព្យួរសេរ៉ូម ថ្នាំ និងបន្តការតាមដាន។ ស្ថានភាពជំងឺក្មេងស្រីរូបនេះក្រោយពីសង្គ្រោះបឋម បាន២ម៉ោងមក គ្រូពេទ្យបានពិនិត្យឃើញថាស្ថានភាពពិសឪម៉ាល់បានជ្រាបចូលតាមប្រព័ន្ធសំខាន់ៗនៃរាងកាយរួមមាន តម្រងនោម ខួរក្បាល បេះដូង ប្រព័ន្ធដកដង្ហើម ជាហេតុបង្កឲ្យសភាពអ្នកជំងឺធ្ងន់ធ្ងរទៅជាលំដាប់។

 

 

សូមបញ្ជាក់ថា ក្មេងស្រីរងគ្រោះបានជិះកង់តាមផ្លូវប៉ះនឹងធាងត្នោតដែលមានសបុកឪម៉ាល់ ជាហេតុបណ្តាលឲ្យឪម៉ាល់ដេញទិច។ នេះបើតាមការបញ្ជាក់ពីម្តាយក្មេងស្រីរងគ្រោះ។

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

យុវជន៣០នាក់ធ្វើយុទ្ធនាការជិះកង់ជំរុញរដ្ឋាភិបាលពង្រឹងសិទ្ធិមនុស្សលើគ្រប់វិស័យ

យុវជនចំនួន ៣០នាក់ បាននឹងកំពុងធ្វើយុទ្ធនាការជិ[...]

កម្ពុជាបញ្ជូនទ័ពមួកខៀវ២កងមានទ័ពនារីជាង៤០នាក់ទៅបំពេញការងារក្រោមឆត្រUNនៅប្រទេសម៉ាលី

នៅរាត្រីពីថ្ងៃទី ០៥ ខែធ្នូ ឆ្នាំ២០២២ ម្សិលមិញ[...]

លោក ហ៊ុន ម៉ានី ច្រានចោលករណីចោទថាយកឈ្មោះសមាជិកខ្លួនទៅក្រសួងអប់រំលៃលកឱ្យជាប់បាក់ឌុប

លោក ហ៊ុន ម៉ានី ច្រានចោលការចោទប្រកាន់ដែលថាលោកប[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x