loader

រាជរដ្ឋាភិបាលលើកទឹកចិត្តគ្រូបង្រៀន និងគ្រូពេទ្យដោយតម្លើងប្រាក់បៀរវត្សសខ្ពស់ជាងគេ

នៅឆ្នាំ២០២៣ រដ្ឋាភិបាលគ្រោងនឹងតម្លើងប្រាក់បៀវត្សដល់មន្ដ្រីរាជការគ្រប់វិស័យ បន្ទាប់ពីខកខានឡើងរយៈពេល២ឆ្នាំ ដោយសារបង្វែរថវិកាទៅទប់ស្កាត់ការឆ្លងរាលដាលជំងឺកូវីដ១៩។ តែការតម្លើងប្រាក់បៀវត្សនេះ ត្រូវបានរាជរដ្ឋាភិបាលទម្លាយអោយដឹងថា នឹងបានទៅលើវិស័យអប់រំ និងសុខាភិបាលខ្ពស់ជាងវិស័យដទៃ។

លោក ឡាក់ ច័ន្ទតារា ជូននូវសេចក្ដីរាយការណ៍៖

ដោយមើលឃើញពីលទ្ធផលការសិក្សារបស់សិស្សទូទាំងប្រទេសនិងភាពហត់នឿយរបស់ក្រុមគ្រូពេទ្យ ដែល​​ជាកងទ័ពអាវស ប្រឆាំងការឆ្លងរាលដាលនៃជំងឺកូវីដ១៩ រាជរដ្ឋាភិបាលបានលើកទឹកចិត្តដល់ក្រុមគ្រូបង្រៀន និងគ្រូពេទ្យ ដោយតម្លើងប្រាក់បៀរវត្សរ៍ខ្ពស់ជាងវិស័យដទៃ  ខណៈ២ឆ្នាំកន្លងមកនេះ មន្ដ្រីរាជការទាំងអស់មិនបានតម្លើងប្រាក់ខែនោះទេ។

ការលើកទឹកចិត្តដល់វិស័យទាំងពីរនេះ ត្រូវបានរាជរដ្ឋាភិបាល សម្ដេច ហ៊ុន សែនប្រកាសកាលពីព្រឹកថ្ងៃទី២៣ ខែសីហានេះ អំឡុងពេលចូលរួមប្រគល់សញ្ញាបត្រ ជូននិស្សិតជ័យលាភីរបស់សាកលវិទ្យាល័យអាស៊ី-អឺរ៉ុបប្រមាណ ៣ពាន់នាក់។

ទោះបីចំនួនសិស្សដែលទទួលបាននិទ្ទេស A កើនឡើង៣ដងបើធៀបមុនមានការឆ្លងកូវីដ១៩ ក៏ដោយ តែរាជរដ្ឋាភិបាលទទួលស្គាល់ថា គុណភាពវិស័យអប់រំនៅកម្ពុជានៅមានកម្រិត ហើយត្រូវធ្វើការកែលំអរ តែសម្ដេចថា ក្រសួងអប់រំបានខិតខំកែលម្អជាខ្លាំងក្នុងការលើកម្ពស់ការអប់រំ។ នេះបើតាមការលើកឡើងរបស់រាជរដ្ឋាភិបាល។

យ៉ាងណា សមាគមគ្រូបង្រៀនកម្ពុជាឯករាជ្យ ធ្លាប់បានលើកឡើងកាលពីថ្ងៃទី៥ ខែតុលា ឆ្នាំ២០២១ នាទិវាគ្រូបង្រៀនឆ្នាំមុនថា វិស័យអប់រំនៅកម្ពុជាមិនទាន់ឆ្លើយតបតាមការចង់បានរបស់អង្គការអន្ដរជាតិទេ។ ក្នុងញត្តិដែលសមាគមនគ្រូបង្រៀនកម្ពុជាបានស្នើទៅរដ្ឋាភិបាលកាលពីឆ្នាំមុន គឺបានស្នើសុំតម្លើងប្រាក់បៀរវត្សគ្រូបង្រៀនឱ្យបានចំនួន ២លានរៀល ក្នុងមួយខែ ដើម្បីកុំឱ្យមានគម្លាតឆ្ងាយពីទំនិញលើទីផ្សារ និងឱ្យទប់ស្កាត់អំពើពុករលួយក្នុងវិស័យអប់រំ។

បើ​តាម​ឯកសារ​របស់ក្រសួងអប់រំ ​បានបង្ហាញពីប្រាក់ខែ​គ្រូ​បង្រៀន​ សម្រាប់​ក្របខណ្ឌគ្រូបង្រៀនកម្រិតឧត្តមឬហៅថាប្រភេទ (ក) ទទួលបានប្រាក់បៀវត្សអតិបរមាជាង២លានរៀល (២,១៦៥,០០០ រៀល) និងអប្បបរមាប្រហែល១លាន៥សែនរៀល (១,៤៦២,៥០០​រៀល)។ គ្រូកម្រិតមូលដ្ឋានទទួលបានប្រាក់បៀវត្សច្រើនបំផុត ១,៨៤៥,០០០រៀល និងទាបបំផុត ១,៣៤០,០០០​រៀល។ ដោយឡែក​សម្រាប់​គ្រូ​កម្រិតបឋមឬប្រភេទ (គ) ទទួល​បាន​ប្រាក់បៀវត្សពី ១,២៤២,៥០០ រៀល រហូតដល់ ១,៦២៥,០០០ រៀល។

លោករស់ សុវាចា អ្នកនាំពាក្យក្រសួងអប់រំ យុវជន និងកីឡា ក៏ធ្លាប់លើកឡើងថា ប្រាក់បៀវត្សគ្រូបង្រៀននៅឆ្នាំ២០១៥ គឺចន្លោះពី៥សែនរៀល ដល់១លាន២សែនរៀល។ ចំណែកប្រាក់បៀវត្សគ្រូបង្រៀននៅឆ្នាំ២០២២ គឺចន្លោះពី១លាន២សែនរៀល ដល់២លាន១សែនរៀល។

តែយ៉ាងណា បើតាមនាយករដ្ឋមន្ដ្រីដដែលរដ្ឋាភិបាលគ្រោងនឹងតម្លើងប្រាក់ខែមន្ដ្រីរាជការគ្រប់វិស័យទាំងអស់នៅឆ្នាំ២០២៣ខាងមុខ បន្ទាប់ពីខកខានឡើងប្រាក់បៀរវត្សរ៍២ឆ្នាំ។ សម្ដេច ហ៊ុន សែន បញ្ជាក់ថា ដោយសារស្ថានភាពបញ្ចា្រសគ្នា គឺឆ្នាំ២០២០-២១ គឺចំណូលធ្លាក់ចុះ តែតម្រូវការចំណាយកើនឡើង ចំណែកឆ្នាំ២០២២ ចំណូលកើនឡើង ជាមួយចំណាយត្រូវបានកាត់បន្ថយ៕

#គ្រូបង្រៀន និងគ្រូពេទ្យ #ប្រាក់បៀវត្ស

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

យុវជន៣០នាក់ធ្វើយុទ្ធនាការជិះកង់ជំរុញរដ្ឋាភិបាលពង្រឹងសិទ្ធិមនុស្សលើគ្រប់វិស័យ

យុវជនចំនួន ៣០នាក់ បាននឹងកំពុងធ្វើយុទ្ធនាការជិ[...]

កម្ពុជាបញ្ជូនទ័ពមួកខៀវ២កងមានទ័ពនារីជាង៤០នាក់ទៅបំពេញការងារក្រោមឆត្រUNនៅប្រទេសម៉ាលី

នៅរាត្រីពីថ្ងៃទី ០៥ ខែធ្នូ ឆ្នាំ២០២២ ម្សិលមិញ[...]

លោក ហ៊ុន ម៉ានី ច្រានចោលករណីចោទថាយកឈ្មោះសមាជិកខ្លួនទៅក្រសួងអប់រំលៃលកឱ្យជាប់បាក់ឌុប

លោក ហ៊ុន ម៉ានី ច្រានចោលការចោទប្រកាន់ដែលថាលោកប[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x