loader

កម្ពុជានឹងមានភ្លៀងធ្លាក់រយៈពេលមួយសប្ដាហ៍ខាងមុខ

កម្ពុជានឹងមានភ្លៀងធ្លាក់រយៈពេលមួយសប្ដាហ៍ខាងមុខ

ភ្នំពេញ៖ ព្រះរាជាណាចក្រកម្ពុជានឹងអាចមានភ្លៀងធ្លាក់ស្ទើរទូទាំងប្រទេសនៅចន្លោះពីថ្ងៃទី ២៧ ខែកក្ដដា ដល់ថ្ងៃទី០២ ខែសីហា ឆ្នាំ២០២២ ខាងមុខនេះ។ នេះបើយោងតាមសេចក្តីជូនដំណឹងរបស់ក្រសួងធនធានទឹកនិងឧតុនិយមចេញផ្សាយនៅថ្ងៃទី២៦ ខែកក្ដដា ឆ្នាំ២០២២នេះ។
បើតាមក្រសួងធនធានទឹកដដែល ពីថ្ងៃទី២៧ ដល់ថ្ងៃទី០២ ខែសីហា កម្ពុជានឹងទទួលឥទ្ធិពលសម្ពាធខ្សោយ និងប្រព័ន្ធសម្ពាធទាប ITCZ និងខ្យល់មូសុងនិរតីកម្រិតខ្សោយ។
ប្រការនេះ បើតាមក្រសួងធនធានទឹកបញ្ជក់ថា កម្ពុជានឹងមានភ្លៀងធ្លាក់ពីកម្រឹតខ្សោយទៅមធ្យម លាយឡំបាតុភូត ផ្គរ រន្ទះ និងខ្យល់កន្ត្រាក់ តាមបណ្តាលតំបន់ទំនាបកណ្ដាល តំបន់ខ្ពង់រាប និងតំបន់មាត់សមុទ្រ។
យោងតាមរបាយការណ៍ក្រសួងធនធានទឹកបញ្ជក់ថា ក្នុងខែកក្ដដានេះកម្ពុជាបានទទួលរងឥទ្ធិពលសម្ពាធទាបពីប្រទេសនានា ដែលអាកាសធាតុបែបនេះបណ្តាលឱ្យខេត្តក្រុងរាជធានីមួយចំនួនរងនូវភ្លៀងធ្លាក់បង្កជាជំនន់ទឹកភ្លៀង។
ផ្អែកតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយឱ្យដឹងថា ជំនន់ទឹកភ្លៀងបានធ្វើឱ្យប៉ះពាល់ផ្ទះពលរដ្ឋចំនួន ៥៤គ្រួសារក្នុងខេត្តព្រះសីហនុ។ ដោយឡែកខេត្តកោះកុងវិញ ប៉ះពាល់ពលរដ្ឋចំនួន ៤០គ្រួសារ លិចសម្ទូង ៥ហិកតា។ បន្ថែមពីនេះ ជំនន់ទឹកភ្លៀងបានធ្វើលិចផ្ទះពលរដ្ឋ ០៥គ្រួសារ បាក់ក្បាលស្ពាន នៅក្នុងស្រុកសំឡូត ខេត្តបាត់ដំបង។ ហើយខេត្តពោធិ៍សាត់វិញ ជំនន់ទឹកភ្លៀង បានបណ្ដាលឱ្យពលរដ្ឋបីនាក់ស្លាប់ផងដែរ។
ចំពោះមុខស្ថានភាពនេះ ក្រសួងអំពាវនាវឱ្យពលរដ្ឋបង្កើនការប្រុងប្រយ័ត្ន ដើម្បីអាចជៀសវាងបានពីគ្រោះថ្នាក់ដែលកើតឡើងជាយថាហេតុ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ADB ព្យាករណ៍កំណើនសេដ្ឋកិច្ចកម្ពុជានៅរក្សាក្នុងរង្វង់ ៥ ភាគរយក្នុងឆ្នាំ២០២២នេះ

ភ្នំពេញ៖ ធនាគារអភិវឌ្ឍន៍អាស៊ី(ADB)បានរក្សាការ[...]

លោក ខៀវ សំផន ត្រូវតុលាការសម្រេចដាក់ពន្ធនាគារអស់មួយជីវិត

លោក ខៀវ សំផន ត្រូវតុលាការសម្រេចដាក់ពន្ធនាគារអស់មួយជីវិត

ថ្ងៃព្រហស្បតិ៍ ទី២២ ខែកញ្ញា ឆ្នាំ២០២២

ភ្នំពេញ៖ អង្គជំនុំជម្រះវិសាមញ្ញក្នុងតុលាការកម[...]

កម្ពុជាគ្រោងចុះបញ្ជី នំបញ្ចុក គុនល្បុក្កតោ និងព្រះរាជពិធីបុណ្យអុំទូកជាសម្បត្តិអរូបីយនៅ UNSCO

ភ្នំពេញ៖  ថ្លែងក្នុងសន្និសីទសារព័ត៌មានស្ដីពី [...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x