loader

អាជ្ញាធរចុះបោសសំអាតរៀបចំសណ្តាប់ធ្នាប់នៅគោលដៅស្ពានអាកាសស្ទឹងមានជ័យ

ភ្នំពេញ៖ រយៈពេលពីរថ្ងៃជាប់ៗគ្នានេះ គឺនៅថ្ងៃទី ២៤ និងទី២៥ ខែកក្ដដា ឆ្នាំ២០២២ អាជ្ញាធរពាក់ព័ន្ធក្នុងសង្កាត់ស្ទឹងមានជ័យទី១ រាជធានីភ្នំពេញ បានចុះធ្វើសកម្មភាពបោសសំអាតសំរាមនិងរៀបចំសន្តិសុខសណ្តាប់ធ្នាប់នៅគោលដៅស្ពានអាកាសស្ទឹងមានជ័យឡើងវិញ ខណៈស្ពានអាកាសមួយនេះ សម្បូរដោយសំរាមនិងមានក្មេងញៀនថ្នាំ និងជនអនាថាយកទីតាំងក្រោមស្ពានធ្វើជាទីជម្រុកនិងសេពថ្នាំញៀន។

នេះបើតាមទំព័រហ្វេសប៊ុករបស់សាលាសង្កាត់ ស្ទឹងមានជ័យ​ ដែលបានបង្ហោះរូបភាពសកម្មភាពចុះបោសសំអាតទីតាំងខាងលើនៅថ្ងៃទី២៤ និងទី២៥ ខែកក្ដដា ឆ្នាំ២០២២។

សកម្មភាពអាជ្ញាធរនិងកម្មករក្រុមហ៊ុនស៊ិនទ្រីចុះសំអាតទីតាំងក្រោមស្ពានស្ទឹងមានជ័យ។រូបភាពពីសាលាសង្កាត់ស្ទឹងមានជ័យ។

 

តាមទំព័រហ្វេសប៊ុកសាលាសង្កាត់ស្ទឹងមានជ័យ កម្លាំងអាជ្ញាធរបានសហការជាមួយក្រុមហ៊ុនស៊ិនទ្រីសម្អាតសំរាម បានចុះទៅប្រមូលសំរាម ​ជម្រះ​ស្មៅ និង​ព្រៃនៅទីតាំងស្ពានអាកាសស្ទឹងមានជ័យ។ ប្រតិបត្តិការនេះ បើតាមសាលាសង្កាត់ស្ទឹងមានជ័យ គឺដើម្បីកាត់ផ្តាច់ភាពអាណាធិបតេយ្យ ដែលកើតឡើងដោយក្មេងញៀនថ្នាំ យកទីតាំងនោះលាក់ពួកសំងំសេព និងចែកចាយលក់ដូរថ្នាំញៀន។ ជាងនេះសកម្មភាពនេះ ក៏ជាផ្នែកមួយជួយកាត់បន្ថយនូវជនអនាថាដែលតែងយកទីតាំងក្រោមស្ពានជាកន្លែងស្នាក់នៅផងដែរ។

ក្រៅពីសកម្មភាពខាងលើ សាលាសង្កាត់ស្ទឹងមានជ័យនៅព្រឹកនេះ​ បានចុះពង្រឹងសន្តិសុខសណ្តាប់ធ្នាប់ពិសេសការលក់ដូររបស់ប្រជាពលរដ្ឋនៅទីនោះឲ្យមានរបៀបរៀបរយ ពោលគឺមិនឱ្យមានការរំលោភបំពានលើផ្លូវមិនផ្លូវសាធារណៈផងដែរ៕​

 

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ADB ព្យាករណ៍កំណើនសេដ្ឋកិច្ចកម្ពុជានៅរក្សាក្នុងរង្វង់ ៥ ភាគរយក្នុងឆ្នាំ២០២២នេះ

ភ្នំពេញ៖ ធនាគារអភិវឌ្ឍន៍អាស៊ី(ADB)បានរក្សាការ[...]

លោក ខៀវ សំផន ត្រូវតុលាការសម្រេចដាក់ពន្ធនាគារអស់មួយជីវិត

លោក ខៀវ សំផន ត្រូវតុលាការសម្រេចដាក់ពន្ធនាគារអស់មួយជីវិត

ថ្ងៃព្រហស្បតិ៍ ទី២២ ខែកញ្ញា ឆ្នាំ២០២២

ភ្នំពេញ៖ អង្គជំនុំជម្រះវិសាមញ្ញក្នុងតុលាការកម[...]

កម្ពុជាគ្រោងចុះបញ្ជី នំបញ្ចុក គុនល្បុក្កតោ និងព្រះរាជពិធីបុណ្យអុំទូកជាសម្បត្តិអរូបីយនៅ UNSCO

ភ្នំពេញ៖  ថ្លែងក្នុងសន្និសីទសារព័ត៌មានស្ដីពី [...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x