loader

ព្រះមហាក្សត្រនិងព្រះមហាក្សត្រីព្រះរាជទានព្រះរាជទ្រព្យ ១លាន៥០ម៉ឺនដុល្លារ$ក្នុងការកម្ចាត់មីន

ភ្នំពេញ៖ ព្រះមហាក្សត្រកម្ពុជា ព្រះបាទសម្តេចព្រះបរមនាថ នរោត្តម សីហមុនី និងសម្តេចព្រះមហាក្សត្រី នរោត្តម មុនិនាថ សីហនុ បានព្រះរាជទាននូវព្រះរាជទ្រព្យចំនួន ១លាន ៥០ម៉ឺនដុល្លារសហរដ្ឋអាមេរិកដល់រាជរដ្ឋាភិបាល ដើម្បីចូលរួមចំណែកក្នុងការបោសសំអាតមីននៅទូទាំងប្រទេស។

នេះបើតាមព្រះរាជសាររបស់អង្គព្រះមហាក្សត្រនិងព្រះមហាក្សត្រីមុនិនាថ ចុះព្រះហស្ថលេខានៅថ្ងៃទី២៣ ខែកក្ដដា ឆ្នាំ ២០២២ តែទើបត្រូវបានផ្សព្វផ្សាយលើបណ្តាញសារព័ត៌មាននៅថ្ងៃទី២៥ខែកក្ដដាឆ្នាំ២០២២នេះ។

ជាការកត់សម្គាល់ នៅក្នុងពិធីរំលឹកខួបលើកទី៣០ សម្តេច ហ៊ុន សែន នាយករដ្ឋមន្រ្តីបានប្រកាសគាំទ្រយ៉ាងពេញទំហឹងចំពោះគម្រោងរំដោះមីន និងយុទ្ធភណ្ឌមិនទាន់ផ្ទុះរបស់អគ្គនាយកមជ្ឈមណ្ឌលសកម្មភាពកំចាត់មីនកម្ពុជា ហៅកាត់ថា ស៊ីម៉ាក់ (CMAC)។ ប្រមុខរាជរដ្ឋាភិបាលបានអំពាវនាវដល់ប្រទេសជាមិត្តមានប្រទេស ជប៉ុន សាធារណរដ្ឋកូរ៉េ ចិន សហរដ្ឋអាមេរិក និងបណ្តាប្រទេសនៅអឺរ៉ុបនិងសប្បុរសជនទាំងអស់ចូលរួមវិភាគទានក្នុងបុព្វហេតុបោសសំអាតមីននៅកម្ពុជា។

បើតាមលោក ហេង រតនា អគ្គនាយក CMAC ប្រាប់សារព័ត៌មានក្នុងស្រុកថា អង្គភាពស៊ីម៉ាក់បានទទួលទឹកប្រាក់ពីរាជរដ្ឋាភិបាលក្នុងការបោសសំអាតមីនបានចំនួនជាង ១១ លានដុល្លារគិតត្រឹមដើមខែកក្ដដាឆ្នាំ២០២២នេះ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ADB ព្យាករណ៍កំណើនសេដ្ឋកិច្ចកម្ពុជានៅរក្សាក្នុងរង្វង់ ៥ ភាគរយក្នុងឆ្នាំ២០២២នេះ

ភ្នំពេញ៖ ធនាគារអភិវឌ្ឍន៍អាស៊ី(ADB)បានរក្សាការ[...]

លោក ខៀវ សំផន ត្រូវតុលាការសម្រេចដាក់ពន្ធនាគារអស់មួយជីវិត

លោក ខៀវ សំផន ត្រូវតុលាការសម្រេចដាក់ពន្ធនាគារអស់មួយជីវិត

ថ្ងៃព្រហស្បតិ៍ ទី២២ ខែកញ្ញា ឆ្នាំ២០២២

ភ្នំពេញ៖ អង្គជំនុំជម្រះវិសាមញ្ញក្នុងតុលាការកម[...]

កម្ពុជាគ្រោងចុះបញ្ជី នំបញ្ចុក គុនល្បុក្កតោ និងព្រះរាជពិធីបុណ្យអុំទូកជាសម្បត្តិអរូបីយនៅ UNSCO

ភ្នំពេញ៖  ថ្លែងក្នុងសន្និសីទសារព័ត៌មានស្ដីពី [...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x