loader

ក្រុមកីឡាការិនី​ប៉េតង់កម្ពុជាដណ្ដើមបានមេដាយមាស​លើទឹកដីអាមេរិក

ភ្នំពេញ៖ កីឡាការិនី​ប៉េ​តង់​កម្ពុជាគឺ អ៊ុក ស្រីមុំ និង អ៊ុន ស្រីយ៉ា ដណ្ដើមបានមេដាយមាសជូនជាតិមាតុភូមិទៀតហើយ បន្ទាប់ពីពួកគេបានវាយជាគូនារី ២នាក់ ទល់ ២នាក់ យកឈ្នះលើកីឡាការិនីជនជាតិបារាំងក្នុងព្រឹត្តិការណ៍កីឡាពិភពលោក World Games ២០២២ នៅសហរដ្ឋអាមេរិក នៅថ្ងៃទី១៤ខែកក្ដដាឆ្នាំ២០២២នេះ។

នេះបើតាមទំព័រហ្វេសប៊ុករបស់ក្រសួងអប់រំ យុវជន និងកីឡា នៅថ្ងៃទី១៤ ខែកក្ដដា ឆ្នាំ២០២២នេះ។

ក្រុមការងារកីឡាប៉េតង់កម្ពុជាអបអរសាទរកីឡាការិនីអ៊ុក ស្រីមុំ និង អ៊ុន ស្រីយ៉ា ដែលទទួលបានមេដាយមាស។រូបភាពពីក្រសួងអប់រំ

 

បើតាមក្រសួងអប់រំដដែល មេដាយនេះជាមេដាយមាសទី ២️ ដែលក្រុមកីឡាការិនីប៉េតង់កម្ពុជា ដណ្ដើមបានសម្រាប់ការចូលរួមលើកដំបូងក្នុងព្រឹត្តិការណ៍កីឡាពិភពលោក បន្ទាប់ពីកីឡាការិនី អ៊ុក ស្រីមុំ ដណ្ដើមបានមេដាយមាស ១គ្រឿង លើវិញ្ញាសាវាយយកពិន្ទុនារីកាលពីម្សិលមិញ។

សម្រាប់ក្រសួង នេះជាមោទកភាពជាតិដែលទង់ជាតិកម្ពុជាត្រូវបានបង្ហូតឡើងជាថ្មីម្តងទៀតលើទឹកដីសហរដ្ឋអាមេរិក។

សូមបញ្ជក់ថា កីឡាការិនី អ៊ុក ស្រីមុំ និង អ៊ុន ស្រីយ៉ា បានវាយយកឈ្នះលើកីឡាការិនីបារាំង Nadege BAUSSIAN និង Caroline Marie BOURRIAUD ក្នុងវិញ្ញាសា ២នាក់ ទល់ ២នាក់ ដោយលទ្ធផល ៦ទល់នឹង៤ ក្នុងវគ្គផ្ដាច់ព្រ័ត្រ៕

 

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជាបានប្រារព្ធជាថ្មីក្រោយកូវីដ១៩

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជា[...]

កម្ពុជាឈ្នះក្តីពីគណៈកម្មការអឺរ៉ុបដែលដកហូតការអនុគ្រោះពន្ធ សម្រាប់ការនាំចូលអង្ករពីកម្ពុជា

ភ្នំពេញ៖ កម្ពុជាបានឈ្នះក្តីលើបណ្តឹងតវ៉ា ចំពោះ[...]

សម្តេច  ហ៊ុន សែន៖ បណ្ដាញទីក្រុងឆ្លាតអាស៊ាន (ASCN)  កំពុងរួមចំណែកសំខាន់ ឈានទៅសម្រេចនូវចក្ខុវិស័យអាស៊ាន២០២៥ និងផែនការអភិវឌ្ឍទីក្រុង

សម្តេច ហ៊ុន សែននាយករដ្ឋមន្ដ្រីនៃកម្ពុជាបញ្ជាក[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x