loader

អតីតបុគ្គលិកនៃក្រុមហ៊ុនណាវើលដ៍បានបន្តធ្វើកូដកម្មនៅថ្ងៃចន្ទនេះ ប៉ុន្តែត្រូវបានដឹកចេញភ្លាមៗ 

 

កូដកម្មដោយអហិង្សារបស់អតីតបុគ្គលិកក្រុមហ៊ុនណាហ្គាវើលដ៍នៅរសៀលថ្ងៃចន្ទនេះ ត្រូវកងកម្លាំងក្រុងភ្នំពេញប្រើពេលត្រឹម៣០នាទីប៉ុណ្ណោះ ដើម្បីកៀងពួកគេចូលក្នុងរថយន្តក្រុង និងដឹកពួកគេទៅភាគខាងជើងនៃទីក្រុង។ លោក សារិន សំណាងធ្វើសេចក្តីរាយការណ៍…

 

 

នៅរសៀលនៅច័ន្ទ ទី១៣ ខែមិថុនា ឆ្នាំ២០២២នេះ បុគ្គលិកដែលត្រូវក្រុមហ៊ុនណាហ្គាវើលដ៍័បញ្ឈប់ពីការងារ នៅតែបន្តប្រមូលផ្តុំគ្នាធ្វើកូដកម្មដោយអហិង្សា នៅក្បែអាគារណាហ្គាវើលដ៍២ ទន្ទឹមគ្នានឹងការប្រុងជើងព្រួលរបស់អាជ្ញាធរក្រុងភ្នំពេញ ដើម្បីដឹកក្រុមអ្នកតវ៉ាទាំងនោះទៅដាក់នៅជាយក្រុង។

ក្រុមកូដកម្មករដែលបានប្រមូលផ្តុំគ្នាដើម្បីធ្វើកូដកម្មដោយអហិង្សាត្រូវបានកងកម្លាំងខណ្ឌដូនពេញកៀងបញ្ចូលក្នុងរថយន្ត ដោយក្នុងមួយរថយន្តមានចំនួនកូដករពី ១០ ទៅ ១៥នាក់ ដឹកចេញទៅភាគខាងជើងនៃទីក្រុងភ្លាមៗតែម្តង។

កូដករស្ត្រីម្នាក់និយាយថា៖ «ខ្ញុំមិនមែនមកជិះឡានទេ  ខ្ញុំតវ៉ាឱ្យចៅកែណាហ្គាវើលដ៍គោររច្បាប់ការងារ ។»

ការស្រែករបស់ស្ត្រីអ្នកតវ៉ារូបនេះមិនត្រូវបានអាជ្ញាធរយកត្រចៀកស្តាប់ទេ កម្លាំងសមត្ថកិច្ចក្រុងភ្នំពេញនៅតែកៀងស្ត្រីក្រុមអ្នកតវ៉ាឱ្យចូលក្នុងរថយន្តដែលត្រៀមចាំរួចជាស្រេចដូចសព្វដងដែរ។

 

នៅរសៀលថ្ងៃច័ន្ទ ទី១៣ ខែមិថុនានេះ កម្មករនិយោជិតបានស្រែកពីក្នុងរថយន្តក្រុងធំៗ ដែលកំពុងដឹកពួគេចេញពីទីតាំងធ្វើកូដកម្មថា៖ «ក្រសួងការងារ អសមត្ថភាព, ក្រសួងការងារ អសមត្ថភាព»។ 

កូដកម្មដោយអហិង្សា ដែលបានចាប់ផ្តើមនៅម៉ោង២រសៀល និងចប់ទៅវិញនៅម៉ោង២និង៣០នាទី ថ្ងៃដដែល បានប្រព្រឹត្តទៅដោយមិនមានអំពើហិង្សាណាមួយគួឱ្យកត់សម្គាល់ឡើយ។

សូមរម្លឹកថា ក្រសួងការងារនិងបណ្តះបណ្តាលវិជ្ជាជីវៈ នឹងបន្តបម្របសម្រួលឱ្យភាគីវិវាទបានជួបប្រជុំរកដំណោះស្រាយ នៅថ្ងៃពុធ ទី២២ ខែមិថុនា ឆ្នាំ២០២២ នៅម៉ោង ២ និង ៣០នាទី   រសៀល។ នេះបើតាមសេចក្តីប្រកាសព័ត៌មានរបស់សក្រសួងការងារ សេចក្តីប្រកាសនេះបានបន្តទៀតថា ក្រសួងក៏ស្នើឱ្យភាគីទាំង២ មានការយល់យោគគ្នាខ្ពស់ ក្នុងចូលរួមដោះស្រាយបញ្ចប់វិវាទការងារនេះ។ ក្រសួងការងារបន្ថែទៀតថា បើវិវាទនេះមិនអាចស្វែងរកការផ្សះផ្សាបានទេ នឹងបញ្ជូនករណីនេះទៅតុលាការ ដើម្បីរកដំណោះស្រាយចុងក្រោយ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

កងទ័ពចុះជួយប្រមូលផលស្រូវរបស់ប្រជាពលខេត្តបន្ទាយមានជ័យដែលរងគ្រោះដោយទឹកជំនន់

យ៉ាងហោចណាស់កងទ័ពនិងកងរាជអាវុធហត្ថខេត្តបន្ទាយម[...]

លោក ហ៊ុន ម៉ាណែត ៖ ស្វាគមន៍មតិរិះគន់ដោយសុចរិតតែមិនទទួលការប្រឌិតក្នុងចេតនាទុច្ចរិតករណីភ្នំតាម៉ៅ

ក្នុងឃ្លីបវីដេអូចំនួន១៧នាទីនេះ លោក ហ៊ុន ម៉ាណែ[...]

សម្តេច ស ខេង លើកឡើងថាគ្រោះថ្នាក់ចរាចរនៅតែជាបញ្ហាប្រឈមដដែល

ភ្នំពេញ៖ ក្នុងកិច្ចប្រជុំបូកសរុបលទ្ធផលការងារ [...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x