អ្នកភូមិយ៉ាងហោចណាស់បានស្លាបបាត់បតជីវិតចំនួនពីរនាក់ជាបន្តបន្ទាប់ និង២០ នាក់ទៀតកំពុងតែសង្គ្រោះបន្ទាន់នៅមន្ទីពេទ្យ សង្ស័យករណីពុលស្រាស ស្ថិតនៅក្នុងភូមិចារថ្នោល ឃុំសំបូរ ស្រុកសំបូរ ខេត្តក្រចេះ នាព្រឹកថ្ងៃទី២៣ ខែ វិច្ឆិកា ឆ្នាំ ២០១៥នេះ។
បើយោងតាមអគ្គស្នងការដ្ឋានគរបាលជាតិ យ៉ាងហោចមានអ្នកភូមិចំនួនជាង៣០នាក់ រស់នៅក្នុងភូមិចារថ្នោល ឃុំសំបូរ ស្រុកសំបូរ ខេត្តក្រចេះ មានអការៈក្អួតចង្អោរ វិលមុខ ទន់ដៃទន់ជើង ស្រវាំងភ្នែក បណ្តាលឲ្យស្លាប់បាត់បងជិវិតចំនួន២នាក់ និង២០នាក់ផ្សេងទៀត កំពុងតែសង្គ្រោះបន្ទាន់នៅមន្ទីពេទ្យ បន្ទាប់ពីពួកគេបានចូលរួមកម្មវិធីកំដររោងបុណ្យសពមួយក្នុងភូមិខាលើ ហើយពួកគេនាំគ្នាហូបចុកម្ហូបអាហារ និងផឹកស្រាស កំដររោងបុណ្យ កាលពីថ្ងៃទី២០ ខែវិច្ឆិកា ឆ្នាំ ២០១៥។
តាមអគ្គស្នងការដ្ឋានគរបាលជាតិដដែលបានឲ្យដឹងទៀតថា ក្រោយពីមានអ្នកភូមិស្លាប់ និងកំពុងតែសង្គ្រោះបន្ទាន់ អាជ្ញាធរស្រុកសំបូរបានបង្កើតគណៈកម្មាកធិការ ភ្លាមៗ ដើម្បីធ្វើកោសល្យវិច្ច័យលើម្ហូបអាហារ និងស្រាស ក្រោយពីសង្ស័យថា ហេតុការណ៍នោះបណ្តាលមកពីសារធាតុពុលនៅក្នុងម្ហូបអាហារ ឬស្រាសដែលអ្នកភូមិបានផឹក។
អធិការរងនគបាលស្រុកសំបូរ លោកឈិន សំបូរ បានឲ្យដឹងបន្ថែមថា ក្រៅពីមានអ្នកភូមិពីរនាក់បានស្លាប់ បន្ទាប់ពីកើតមានអការៈធ្ងន់ធ្ងរ ក្អួតចង្អោរ វិលមុខស្រវាំងភ្នែក ទន់ដៃជើង ក៏មានអ្នកភូមិផ្សេងទៀតជាង២០នាក់ កំពុងតែសង្គ្រោះបន្ទាន់នៅមន្ទីរពេទ្យ ក្នុងនោះមានអ្នកភុមិពីរនាក់កំពុងតែស្ថិតក្នុងសភាពធ្ងន់ធ្ងរ ជាងគេ។
សូមបញ្ជាក់ថា អ្នកភូមិទាំងពីរនាក់ដែលបានស្លាប់មានឈ្មោះ ប៉ែន ផាង អាយុ៤៥ឆ្នាំ រស់នៅក្នុងភូមិ ចារថ្នោល ឃុំសំបូរ ស្រុកសំបូរ ត្រូវបានស្លាប់កាលពីថ្ងៃទី២១ ខែវិច្ឆិកា និងបុរសម្នាក់ទៀតឈ្មោះឈឺម ឆោម អាយុ៣០ឆ្នាំរស់នៅក្នុងភូមិជាមួយគ្នាបាន ស្លាប់នៅថ្ងៃទី២២ ខែវិច្ឆិកា ក្រោយពីផឹកស្រាស កំដរបុណ្យសពបានរយះពេល២ថ្ងៃប៉ុណ្ណោះ៕
