វណ្ណកម្មជាភាសាបារាំងនៅឆ្នាំ១៩១៣របស់អ្នកនិពន្ធ ហ្សក ហ្គ្រោលីយេ អំពីរឿងរ៉ាវរបស់នារីរបាំកម្ពុជានៅក្នុងសម័យចតុមុខនិងសម័យអង្គរ ត្រូវបានរៀបរៀង និងប្រែសម្រួលមកជាខេមរ ភាសា ដោយលោកជំទាវ ភឿង សកុណា រដ្ឋមន្ដ្រីក្រសួងវប្បធម៌និងវិចិត្រសិល្បះ។ សៀវភៅនេះគឺជាឯកសារដ៏មានតម្លៃមួយដែលស្តីពីប្រភពជីវិត និងប្រវត្តិរបស់នារីរបាំព្រះរាជទ្រព្យឬរបាំក្បាច់បុរាណខ្មែរ ដែលពោរពេញដោយភាពភ្លឺថ្លានិងភាពស្រអាប់របស់ជនជាតិខ្មែរ ចាប់តាំងពីសម័យមហានគរ រហូតដល់សម័យចតុមុខ។ សូមនាង កញ្ញា លោក លោកស្រី អញ្ចើញស្ដាប់បទសម្ភាសរវាងលោក ឡាក់ ច័ន្ទតារា និង លោកជំទាវបណ្ឌិតសភាចារ្យ ភឿង សកុណា ដូចតទៅ៖
