កើតនៅក្នុងភូមិអូរញ៉ ឃុំបឹងព្រីង ស្រុកថ្មគោល ខេត្តបាត់ដំបង អ្នកស្រី សែន​ ពិភារ ដែលទើបមានអាយុ២១ឆ្នាំ បានអភិវឌ្ឍខ្លួនពីអ្នកលក់ទំនិញបន្តិចបន្តួចតាមអ៊ិនធើណិត រហូតដល់មានប្រាក់បើកក្រុមហ៊ុនមួយ ដែលមានទុនរាប់ម៉ឺនដុល្លារនៅភ្នំពេញ។ អ្នកស្រីបានអះអាងប្រាប់វិទ្យុស្ត្រីនៃមណ្ឌលព័ត៌មានស្ត្រីកម្ពុជាថា​ រូបអ្នកស្រីបានចាប់ផ្តើមមានឯករាជ្យភាពផ្នែកហិរញ្ញវត្ថុតាំងពីនៅជាសិស្សវិទ្យាល័យ។ ថ្ងៃនេះ ក្នុងបទសម្ភាសជាមួយលោក សារិន សំណាង អ្នកស្រី សែន ពិភារ រៀបរាប់ពីដំណើររកប្រាក់ចាយបានដោយមិនអាស្រ័យលើចំណូលគ្រួសារ។