en     km
en     km

កីឡាការិនី ប៉េង សួយ ថា ខ្លួនពុំបានចោទថាមានការរំលោភផ្លូវភេទទេ

Share

តារាកីឡាវាយកូនបាល់ចិន គឺអ្នកនាង ប៉េង សួយ បាននិយាយកាលពីថ្ងៃអាទិត្យថា អ្នកនាងមិនដែលបានចោទប្រកាន់នរណាម្នាក់ពីរឿងរំលោភផ្លូវភេទនាងទេ។

តារាកីឡាវាយកូនបាល់ចិន គឺអ្នកនាង ប៉េង សួយ បាននិយាយកាលពីថ្ងៃអាទិត្យថា អ្នកនាងមិនដែលបានចោទប្រកាន់នរណាម្នាក់ពីរឿងរំលោភផ្លូវភេទនាងទេ។

កីឡាការិនីលំដាប់ជើងឯកពិភពលោករូបនេះថែមទាំងបានថ្លែងទៀតថា មានការយល់ខុស ចំពោះការផ្សាយសារតាមប្រព័ន្ធផ្សព្វផ្សាយសង្គម ដែលអ្នកនាងបានធ្វើកាលពីដើមខែមុន។

សុខុមាលភាពរបស់អ្នកនាងប៉េង បានក្លាយជាកង្វល់របស់សហគមន៍កីឡាវាយកូនបាល់ពិភពលោក ក៏ដូច​ជារបស់បណ្ដាអង្គការសិទ្ធិមនុស្សនានា នៅពេលដែលនាងចេញមុខមកចោទប្រកាន់ថា អតីតឧបនាយករដ្ឋមន្ត្រីចិន គឺលោក ហ្សាង ហ្គោលី បានរំលោភរូបនាងក្នុងអតីតកាល។

បន្ទាប់​ពី​ការផ្សាយសារ​នោះ អ្នកនាង ប៉េង សួយ ​បាន​បាត់​មុខពីទី​សាធារណៈអស់រយៈពេល​ជិត៣​សប្តាហ៍។

អ្នកនាង ប៉េង បានសារសព្ទនៅក្នុងខ្សែវីដេអូមួយ ដែលបង្ហោះដោយប្រព័ន្ធផ្សព្វផ្សាយរបស់ប្រទេសសិង្ហបុរី លៀនហេ ហ្សៅបៅ ថា «ជាដំបូង ខ្ញុំត្រូវគូសបញ្ជាក់លើចំណុចមួយដែលមានសារៈសំខាន់ខ្លាំងណាស់, ខ្ញុំមិនដែលនិយាយ ឬសរសេរថានរណាម្នាក់បានរំលោភបំពានផ្លូវភេទខ្ញុំទេ, ខ្ញុំត្រូវតែសង្កត់ធ្ងន់លើចំណុចនេះឱ្យបានច្បាស់លាស់»។ .

ការ​លើក​ឡើង​របស់កីឡាការិនី ប៉េង សួយ​ កាល​ថ្ងៃ​អាទិត្យនោះ ​គឺជាលើកទី១ ​ដែល​នាង​បាន​និយាយ​រឿង​នេះ​នៅចំពោះមុខម៉ាស៊ីនថត​ជា​សាធារណៈ។

អ្នកនាងបាននិយាយដូច្នេះ នៅពេលមានព្រឹត្តិការណ៍កីឡាជិះស្គីមួយ ក្នុងទីក្រុងសៀងហៃ។

ប៉េង សួយ បាននិយាយថា ការបង្ហោះរបស់អ្នកនាងនៅលើប្រព័ន្ធផ្សព្វផ្សាយសង្គម វ៉ៃប៉ូ ដែលក្រោយមកត្រូវបានលុបចោលវិញយ៉ាងឆាប់រហ័ស គឺជា«បញ្ហាឯកជន»។

ស្ត្រីអាយុ៣៥ឆ្នាំរូបនេះ បានថ្លែងនៅក្នុងខ្សែវីដេអូនោះទៀតថា៖ «មនុស្សម្នាទាំងឡាយមានការយល់ច្រឡំច្រើន» ចំពោះការផ្សាយសារក្នុងគណនី វ៉ៃប៉ូ របស់អ្នកនាង។

ប៉ុន្តែអ្នកនាង ប៉េង សួយ ​មិន​បាន​បញ្ជាក់​អំពីរឿងនេះលម្អិតបន្ថែម​ទេ៕

Share

Image
Image
Image