អ្នកនាង ហាណាស សានឌូ នៃប្រទេសឥណ្ឌា បានគ្រងមកុដបវរកញ្ញាចក្រវាលទី៧០ កាលពីថ្ងៃអាទិត្យ ដោយបានឈរនៅកំពូលតារាងនៃបេក្ខនារីប្រហែល៨០រូប នៅក្នុងការប្រលងប្រជែង ដែលបានរងផលប៉ះពាល់ដោយនយោបាយនិងជំងឺរាតត្បាត។
បវរកញ្ញាចក្រវាលជំនាន់មុនគឺអ្នកនាង អានឌ្រា ម៉េស្សា នៃប្រទេសម៉ិកស៊ិក បានបំពាក់មកុដឱ្យអ្នកស្នងតំណែងពីអ្នកនាង គឺតារាភាពយន្តបូលីវូដ។ ពិធីនេះបានប្រព្រឹត្តទៅនៅរមណីយដ្ឋានសមុទ្រក្រហមរបស់អ៊ីស្រាអែល។
ការប្រកួតនេះត្រូវបានធ្វើឡើងនៅពាក់កណ្ដាលអធ្រាត្រ ដោយបញ្ចប់នៅម៉ោង៥ព្រឹក ម៉ោងក្នុងតំបន់ ដើម្បីសម្របតាមកាលវិភាគម៉ោងដែលគេទស្សនាច្រើនបំផុតនៅសហរដ្ឋអាមេរិក។
អ្នកនាង សានឌុយ បាននិយាយថា នាងមានអារម្មណ៍ក្តុកក្តួល ព្រោះវាមានរយៈពេល២១ឆ្នាំហើយ ចាប់តាំងពីប្រទេសឥណ្ឌាទទួលបានមកុដបវរកញ្ញាចក្រវាល ហើយវាកំពុងកើតឡើងនៅពេលនេះទៀត៕
—
យោង៖ https://apnews.com/article/coronavirus-pandemic-entertainment-health-boycotts-middle-east-6d138513ac8517cefc89c0588a879c79
