រដ្ឋាភិបាលកាណាដាបាននិយាយកាលពីថ្ងៃពុធថា ខ្លួននឹងមិនបញ្ជូនមន្ត្រីរដ្ឋាភិបាលទៅចូលរួមក្នុងព្រឹត្តិការណ៍កីឡាអូឡាំពិកនៅទីក្រុងប៉េកាំងនាឆ្នាំក្រោយទេ។ នេះជាការចូលរួមជាមួយសហរដ្ឋអាមេរិក និងប្រទេសដទៃៗទៀត ក្នុងការធ្វើពហិការផ្នែកការទូតចំពោះការប្រកួតកីឡារដូវរងា ដោយសារតែកំណត់ត្រាមិនល្អរបស់ប្រទេសចិនទាក់ទងនឹងបញ្ហាសិទ្ធិមនុស្ស។
ការប្រកាសរបស់ប្រទេសកាណាដាបែបនេះបានធ្វើឡើង បន្ទាប់ពីប្រទេសអូស្ត្រាលី និងប្រទេសអង់គ្លេសបាននិយាយនៅថ្ងៃពុធដដែលថា ពួកគេក៏នឹងធ្វើពហិការផ្នែកការទូត ស្របតាមការនាំមុខរបស់សហរដ្ឋអាមេរិក។ ប្រធានាធិបតី ចូ បៃឌិន បានប្រកាសជំហររបស់ប្រទេសគាត់ជាផ្លូវការកាលពីថ្ងៃចន្ទ ដោយលើកឡើងពីការរំលោភសិទ្ធិមនុស្សនៅក្នុងតំបន់ស៊ីនជាំង ដែលស្ថិតនៅចុងខាងលិចនៃប្រទេសចិន៕
—
យោង៖ https://english.kyodonews.net/news/2021/12/fa3e668c29b6-canada-joins-diplomatic-boycott-of-beijing-olympics.html?phrase=canada&words=Canada,Canada%27s
