នៅថ្ងៃទី១១ ខែ វិច្ឆិកា ឆ្នាំ២០២១ ក្រសួងធម្មការ និងសាសនា បានចេញសេចក្ដីណែនាំ ស្ដីពី ការបើក ដំណើរការឡើងវិញ នូវពិធីសាសនាការជួបជុំ និងកម្មវិធីបែបសាសនាផ្សេងៗ ដែលគ្រប់សាសនាទាំងអស់ នៅកម្ពុជា អាចជួបជុំប្រមូលផ្ដុំ តែត្រូវមានការរៀបចំតាមបែបគន្លងប្រក្រតីភាពថ្មី ដោយត្រូវមានការសហ ការជាមួយអាជ្ញាធរដែនដីក្នុងការរៀបចំតាមវត្ត វិហារ ស៊ូរ៉ាវ ស្នាក់ការថ្វាយបង្គំ និងកន្លែងប្រតិបត្តិសាសនា ។ ពេលចេញចូលបរិវេណពិធី ត្រូវមិនឱ្យលើសចំនួនកំណត់របស់រដ្ឋបាលរាជធានីខេត្ត ដើម្បីទប់ស្កាត់ការឆ្លងរីករាលដាលនៃជំងឺកូវីដ១៩ ដោយប្រកាន់ខ្ជាប់វិធានការ៣កុំ និង៣ការពារ។
ដោយឡែកសាសនាឥស្លាម សាសនិកអាចចូលរួមថ្វាយបង្គំជុំគ្នា នៅតាមស្នាក់ការថ្វាយបង្គំនៅរៀងរាល់ថ្ងៃសុក្របានផងដែរ។ នេះបើយោងទៅតាមគណៈដឹកនាំជាន់ខ្ពស់នៃសាសនាឥស្លាម ដោយបន្ដឱ្យដឹងថា ត្រូវបង្ហាញកាតចាក់វ៉ាក់សាំង វាស់កម្ដៅ និងលាងសម្អាតដៃឱ្យបានល្អជាមួយសាប៊ូ អាកុលជាដើម។
សូមជម្រាបថា ក្រោយពីមានការឆ្លងរាលដាលនៃជំងឺកូវីដ១៩ កាលពីខែកុម្ភៈ ឆ្នាំ២០២១ មក រដ្ឋាភិបាលបានផ្អាកការជួបជុំផ្សេងៗ ដើម្បីបង្កាការឆ្លងកាន់តែខ្លាំង។ កាលពីដើមខែវិច្ឆិកា រដ្ឋាភិបាលបានប្រកាសបើដំណើរការឡើងវិញស្ទើគ្រប់វិស័យ លើកលែងតែសេវាកម្សាន្ដដូចជា ខារ៉ាអូខេ ក្លឹមកម្សាន្ដ រង្គសាល និងឌីស្កូតែក ដែលនឹងត្រូវបើកដំណើរការឡើងវិញនៅក្រោយថ្ងៃទី៣០ ខែវិច្ឆិកា ឆ្នាំ២០២១ ខាងមុខ៕
