en     km
en     km

ក្រសួងអប់រំកំណត់ថ្ងៃទី២៧ធ្នូជាថ្ងៃប្រលងបាក់ឌុបផ្លូវការ

Share

(ភ្នំពេញ)៖ ក្រសួងអប់រំកាលពីថ្ងៃទី០៥ ខែវិច្ឆិកា ឆ្នាំ២០២១ បានប្រកាសជាផ្លូវការនៅលើទំព័រហ្វេសប៊ុក នូវកាលបរិច្ឆេទប្រលងសញ្ញាប័ត្រមធ្យមសិក្សាទុតិយភូមិឆ្នាំ២០២១ ក្រោយក្រសួងប្រកាសពិចារណាថានឹងលើកពេលប្រលងទៅដើមឆ្នាំ២០២២។

ក្នុងសេចក្ដីប្រកាសក្រសួងសម្រេចយកថ្ងៃទី២៧ ខែធ្នូ ឆ្នាំ២០២១ ជាថ្ងៃដែលសិស្សានុសិស្សថ្នាក់ទី១២ទាំងអស់ត្រូវប្រលងទូទាំងប្រទេស ជំនួសឱ្យថ្ងៃទី០៦ ខែធ្នូដែលជាថ្ងៃកំណត់ដំបូង។ ហើយការប្រលងគឺត្រូវបន្តអនុវត្តន៍គោល ការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាព។

ចំពោះមូលហេតុនៃការប្រែប្រួលកាលបរិច្ឆេទនេះ មិនបានបញ្ជាក់ឱ្យដឹងពីក្រសួងទេ។ តែទោះជាយ៉ាងណា បើតាម លោក ហង់ ជួនណារ៉ុន ដែលជារដ្ឋមន្ត្រីក្រសួងអប់អប់រំយុវជន និងកីឡាកាលពីថ្ងៃទី ០៣ ខែវិច្ឆិកា ធ្លាប់ឱ្យដឹងតាមរយ:ដំណើរទស្សន:កិច្ច និងសម្ពោធវិទ្យាស្ថានស្រាវជ្រាវសេដ្ឋកិច្ចអាស៊ាននៃសាកលវិទ្យាល័យជាតិគ្រប់គ្រងថា គឺដើម្បីទុកឱកាសឱ្យសិស្សានុសិស្សអាចមានពេលវេលាគ្រប់គ្រាន់សម្រាប់ត្រៀមខ្លួនប្រលង។

សូមរំលឹកថា កាលដើមឡើយ ក្រសួងអប់រំបានកំណត់កាលបរិច្ឆេទប្រឡងសញ្ញាប័ត្រមធ្យមសិក្សាទុតិយភូមិឆ្នាំនេះ នៅថ្ងៃទី៦ធ្នូ និងប្រកាសលទ្ធផលនៅថ្ងៃទី២៨និង២៩ ធ្នូឆ្នាំ២០២១៕

Share

ព័ត៌មានទាក់ទង

Image