en     km
en     km

ស្ត្រីមានផ្ទៃពោះអាចចាក់វ៉ាក់សាំងកូវីដ១៩បានមិនប៉ះពាល់ដល់សុខភាពកូននោះទេ

Share

(ភ្នំពេញ)៖ លោកជំទាវ ឱ វណ្ណឌីន​ ដែលជារដ្ឋលេខាធិការ និងជាអ្នកនាំពាក្យក្រសួងសុខាភិបាល នៅថ្ងៃទី២៥ ខែតុលា ឆ្នាំ២០២១ បានឱ្យដឹងនៅក្នុងកិច្ចសម្ភាសន៍មួយថា ស្ត្រីមានផ្ទៃពោះ ស្ត្រីត្រៀមយកបុត្រ និងស្ត្រីកំពុងបំបៅដោះកូន អាចចាក់វ៉ាក់សាំងការពារកូវីដ១៩បាន និងមិនប៉ះពាល់ដល់សុខកូននោះទេ មិនតែប៉ុណ្ណោះថែមទាំងអាចការពារដល់ទារកក្នុងផ្ទៃថែមទៀតផង។

លោកជំទាវលើកឡើងដូច្នេះ ក្រោយពីសង្កេតឃើញស្ត្រីមួយចំនួន មានបំណងចាក់វ៉ាក់សាំងការពារកូវីដ តែមិនហ៊ានដោយបារម្ភថា ខ្លាចប៉ះពាល់សុខភាពម្ដាយ និងទារក។ ករណីនេះលោកជំទាវសង្កត់ធ្ងន់ថា មកទល់ពេលនេះ ​អ្នកសិក្សាវិទ្យាសាស្រ្ត មិន​ទាន់​រក​ឃើញថា​មាន​វិបត្តិ ឬការ​បង្ក​ផល​អាក្រក់​ណាមួយ​​ដល់​ប៉ះពាល់ទារក នៅពេលទទួលកា​រចាក់​វ៉ាក់សាំងកូវីដ១៩ ឡើយ។ ផ្ទុយ​ទៅ​វិញ​ការ​សិក្សារកឃើញ​ថា ចំពោះស្រ្តី​មាន​ផ្ទៃពោះ ​ដែលបានចាក់វ៉ាក់សាំងបង្ការ​កូវីដ មានអង់ទីគ័រ ឬហៅថា​កងការពារ ​រហូត​ដល់​ទង​សុក​ទារក​ក្នុង​ផ្ទៃ។

លោកជំទាវបន្តថា បច្ចុប្បន្ន អ្នក​វិទ្យាសាស្រ្ត ​ក៏កំពុង​ជំរុញ​ការ​សិក្សា​មួយ​ទៀតដែរ ថាតើអង្គទីករ​​ដែល​បង្កើត​ឡើង​ដោយ​សរីរាង្គ​របស់​ម្តាយ អាច​ទៅការពារ​ទារកនៅពេល​កើតបាន ​ដែរ​ឬយ៉ាងណា​?

Share

ព័ត៌មានទាក់ទង

Image