ចាប់ពីចុងទសវត្សរ៍៦០ ដល់ដើមទសវត្សរ៍៩០ កម្ពុជាបានឆ្លងកាត់សង្គ្រាមជាង៣០ឆ្នាំ។ ក្នុងសង្គ្រាមនេះ កម្ពុជាខូចខាតទាំងធនធានមនុស្ស ទាំងធនធានធម្មជាតិ និងធ្លាក់ចុះអន់ថយទាំងខាងសេដ្ឋកិច្ច ធ្វើឲ្យកម្ពុជាជំពាក់បំណុលបរទេសគ្រប់ទិសទី។ ទីបំផុត បណ្ដាប្រទេសដែលពាក់ព័ន្ធនឹងភាគីជម្លោះខ្មែរ បានជិនណាយនឹងសង្គ្រាម ហើយបង្ខំឲ្យភាគីជម្លោះខ្មែរទាំង៤ក្រុម ចូលតុចរចា បង្កើតកិច្ចព្រមព្រៀងសន្តិភាពក្រុងប៉ារីស ថ្ងៃ២៣ ខែតុលា ឆ្នាំ១៩៩១។ ប៉ុន្តែថ្មីៗនេះ បក្សកាន់អំណាចបានព្រមានជារឿយៗ ពីលទ្ធភាពកើតមានសង្គ្រាម បើខ្លួនចាញ់ឆ្នោត។ ករណីនេះ អ្នកស្រាវជ្រាវជនជាតិអាមេរិកាំងពីរនាក់ ដែលមានកេរ្តិ៍ឈ្មោះល្បីខាងស្រាវជ្រាវប្រវត្តិសាស្ត្រខ្មែរ ក៏ចាប់អារម្មណ៍លើការព្រមានពីសង្គ្រាមនេះដែរ។
ចង់ដឹងថា តើសហគមន៍អន្តរជាតិបណ្ដោយឲ្យកម្ពុជាមានសង្គ្រាមវិញទេ? សូមស្ដាប់បទសម្ភាសន៍រវាងលោកណុល ដារ៉ា អ្នកគ្រប់គ្រងផ្នែកព័ត៌មាននៃវិទ្យុស្ត្រី FM១០២ នៃ WMC ជាមួយ លោកឯម សុវណ្ណារ៉ា សាស្ត្រាចារ្យវិទ្យាសាស្ត្រនយោបាយ និងជាអ្នកស្រាវជ្រាវនយោបាយ ដូចតទៅ៖