នៅថ្ងៃទី២៨ខែឧសភា ម្សិលមិញនេះក្រុមសហជីពស្នើជាថ្មីម្តងទៀតសូមកុំឲ្យរដ្ឋាភិបាលកម្ពុជាអនុម័តលើសេចក្តីព្រាងច្បាប់ស្តី ពីសហជីពពីព្រោះក្រុមសហជីពយល់ឃើញថា សេចក្តីព្រាងច្បាប់នោះ មិនបានផ្តល់សិទ្ធិសេរីភាពដល់កម្មករ និងសហជីពនោះ ទេ។ ផ្ទុយទៅវិញច្បាប់នេះកាន់តែរឹតដ្បិតលើសេរីភាព ពួកគេទៅវិញទេ។ ទោះបីជាបែបនេះក្តីក្រសួងការងារបញ្ជាក់ថា សេចក្តី ព្រាងច្បាប់នេះ ធានាការពារសិទ្ធិ និងផ្តល់ផលប្រយោជន៍កម្មករនិយោជិកបានច្រើនជាង មុន។
ប្រធានសម្ព័ន្ធសហជីពចលនាកម្មករ លោក ប៉ាវ ស៊ីណា បានទទូចជាថ្មីម្តងទៀត កុំឲ្យរដ្ឋាភិបាលកម្ពុជាអនុម័តលើសេចក្តី ព្រាងច្បាប់ស្តីពីសហជីព ព្រោះ សេចក្តីព្រាងច្បាប់នោះ កាន់តែរឹតបណ្តឹងទៅលើសេរីភាពសហជីពទៅវិញទេ។
យ៉ាងណាក៏ដោយលោក ប៉ាវ ស៊ីណា បានឲ្យដឹងថាសេចក្តីព្រាងច្បាប់ ដែលបង្កើតឡើងដោយរដ្ឋាភិបាល នៅពេលនេះមាន លក្ខណអាក្រក់ជាងច្បាប់ចាស់ទៅទៀត ដោយមិនចាំបាច់បង្កើតសេចក្តីព្រាងច្បាប់នេះក៏បានដែរ ព្រោះរដ្ឋធម្មនុញបានបញ្ជាក់ ច្បាស់ពីច្បាប់ស្តីពីការងារ និងលិខិតបទដ្ឋានគតិយុត្តិផ្សេងៗ បានធានាការពារ និងលើកកម្ពស់សិទ្ធិសេរីភាពក្នុងការបង្កើត និងការចូលរួមរបស់សហជីព មានរួចទៅហើយ។
ដូចគ្នានេះដែរ លោក អាត ធន់ ប្រធានសហភាពការងារកម្ពុជា បានឲ្យដឹងដែរថា « ការចេញសេចក្តីប្រកាសព័ត៌មានបំភ្លឺថា សេចក្តីព្រាងច្បាប់ស្តីពីសហជីព មានលក្ខណៈល្អប្រសើរនោះ គ្រាន់តែជាលលេសរបស់ក្រសួងប៉ុណ្ណោះ។ ជាក់ស្តែងសេចក្តី ព្រាងច្បាប់នោះគឺ បានផ្តល់ផលប្រយោជន៍ឲ្យទៅថៅកែររោងចក្រជាជាងផលប្រយោជន៍កម្មករ កម្មការិនី»។ លោកបានឲ្យដឹង ទៀតថា ក្រុមសហជីពរបស់លោក គ្រោងដាក់លិខិតចំនួន៣ច្បាប់ស្នើទៅកាន់ស្ថាប័ន រដ្ឋសភាជាតិក្រសួងការងារ និងតំណាង ក្រុមហ៊ុនធំឲ្យជួយអន្តរាគមន៍កុំឲ្រសភា អនុម័តសេចក្តីព្រាងច្បាប់នេះ។
ទោះបីជាបែបនេះក្តី ក្រសួងការងារបានបញ្ជាក់តាមសេចក្តីប្រកាសព័ត៌មាន នៅថ្ងៃសុក្រនេះថាសេចក្តីព្រាងច្បាប់នេះធានាការ ពារសិទ្ធិ និងផលប្រយោជន៍ កម្មករនិយោជិត រួមទាំងសិទ្ធិសេរីភាពរបស់ កម្មករ និយោជិត និងនិយោជក និងបង្កើនផលិត ភាពនៃការផលិត ព្រមទាំងលើកកម្ពស់ជីវភាពរបស់កម្មករ និយោជិតជាដើម។
សូមបញ្ជាក់ផងដែរថា សេចក្តីប្រកាសព័ត៌មានរបស់ក្រសួងការងារនេះធ្វើឡើងបន្ទាប់ពី ក្រុមសហជីពមួយចំនួនបានផ្ញើរលិខិតទៅតំណាងរាស្រ្តទាំង១២៣រូប តាមរយៈ ប្រធានរដ្ឋសភា លោក ហេង សំរិន ស្នើសុំកុំឲ្យអនុម័តលើសេចក្តីព្រាងច្បាប់ស្តីពី សហជីព នៅថ្ងៃទី២៨ ខែឧស ម្សិលមិញនេះ៕
