នរណាក៏ដឹងដែរថា លោកមហាធាមហាម៉ាត់ គឺជាអ្នកនយោបាយជើងចាស់កំពូល្បិច។ បុរសវ័យជិត១០០ឆ្នាំនេះ កាន់អំណាចជាង២០ឆ្នាំកាលពីទសវត្ស១៩៨០ រហូតដល់ដើមទសវត្សឆ្នាំ២០០០។ នៅឆ្នាំ២០០៣ លោក បានលាលែងពីនាយករដ្ឋមន្ត្រី ដោយទុកអោយអ្នកនយោបាយជំនាន់ក្រោយ កាន់កាប់ចង្កូតរដ្ឋាភិបាល ជំនួសលោក។ ប៉ុន្តែមុននឹងនោះប៉ុន្មានឆ្នាំគឺលោក បណ្ដេញ ឧបនាយករដ្ឋមន្ត្រីម្នាក់របស់លោកពីតំណែង គឺលោកអាន់ងវ៉ាអ៊ីប្រាហ៊ីម ដោយសារទំលាស់នឹងការកែទម្រង់សេដ្ឋកិច្ច ប្រទេស។ លោកអាន់វ៉ាបានបង្កើតប្រឆាំង ហើយ មិនយូរប៉ុន្មានលោក ត្រូវបានចាប់ខ្លួន ក្រោមបទរំលោភប្រពៃណីសាសនា ឥស្លាម។ ក្រោយពីលោកសម្រាកពីនយោបាយ បានជិត២០ឆ្នាំ បុរសវ័យ៩៤ឆ្នាំរូបនេះ ក៏បានសម្ដែងការសោកស្ដាយ ការលោកធ្វើអោយលោកអាន់វ៉ាមានទោស ។ការសោកស្ដាយរបស់លោក គឺបន្ទាប់ពីលោកអាន់វ៉ា ត្រូវរដ្ឋាភិបាល លោកណាជីពរករឿងលោកជាថ្មីទៀត ករណីលោកស្រឡាញ់បុរសដូចគ្នា ហើយក៏ធ្វើលោកអាន់វ៉ាអ្នកនយោបាយមានប្រជាប្រិយកាន់តែខ្លាំងមានទោស ម្ដងទៀត។ នៅពេលនោះ សម្រាប់លោកមហាធាក៏ឆក់យក ប្រជាប្រិយភាពពីលោកអាន់វ៉ាមកឱបនឹងខ្លួនលោក ធ្វើអោយលោកត្រូវបានសម្ព័ន្ធភាពលើកអោយឡើងធ្វើជានាយករដ្ឋន្ត្រីម្ដងទៀត គឺនាយករដ្ឋមន្ត្រីចេញពីការបោះឆ្នោតសភាខែឧសភាឆ្នាំ២០១៨ ដែលពិភពលោក ចាត់ទុកលោកមហាធា កំពូលអ្នកនយោបាយ ដែលចេះយកអំណាចបាននៅពេលខ្លួនមានវ័យ៩២ឆ្នាំ ។ គេអាចប្រៀបលោកមហាធា ដូចជាម្ចាស់អាទិទេពអំណាចម៉ាឡេស៊ី គឺប្រាថ្នាអ្វីបានហ្នឹងគឺបានដូចចិត្ត។ តែសម្រាប់ពេលនេះ ត្រូវបានមើលឃើញថាការប្រាថ្នាក្លាយជាអាទិទេពនៃអំណាម៉ាឡេស៊ីនៃបុរសខ្លាំងរូបនេះជួបរឿងបរាជ័យហើយនៅពេលនេះ។
តើកត្តាអ្វីខ្លះនាំអោយលោកមហាធា បរាជ័យដូចនេះ?
សូមស្ដាប់ការបកស្រាយរបស់លោកនួនបូរិន៖
