កំពង់ធំ៖ អ្នកស្រី ធីណា និងស្វាមី ជាប្រជាជនរស់នៅភូមិបាណក ឃុំបារាយណ៍ ស្រុកបារាយណ៍ ខេត្តកំពង់ធំ បានប្រកបរបរដាក់លាន់រកអន្ទង់ ដែលធ្វើឱ្យជីវភាពគ្រួសារធូរធាជាងមុន។ ឧបករណ៍លាន់អន្ទង់នេះគឺមានភាពងាយស្រួលធ្វើនិងងាយស្រួលប្រើប្រាស់ដើម្បីរកអន្ទង់។ លាន់អន្ទង់មានប្រវែងមួយម៉ែត្រកន្លះ។

របៀបធ្វើគេយកបំពងជ័រប្រហោងបិទកជើង ហើយសាច់សំណាញ់ក្រឡាល្អិតនិងកងដែកសំរាប់ធ្វើព្រើសរបស់វា។ ខ្សែលិញឡុងនិងខ្សែអំបោសសម្រាប់ចងនិងដេរ។ ចំណែកនុយដែលដាក់ក្នុងលាន់ មានដូចជាខ្យង(យកសាច់) ក្ដាម ជន្លេន ត្រី(យកទៅស្ងោ)និងមាននុយផ្សេងៗទៀត។ ទីតាំងសម្រាប់ដាក់លាន់អន្ទង់ គឺនៅតាម បឹង ស្ទឹង ព្រែក ស្រះ ត្រពាំង រឺអូរ ជាដើម ដែលជាកន្លែងមានទឹកដក់ ពិសេសមិនអោយលិចចុងលាន់នោះឡើយ ព្រោះខ្លាចអន្ទង់ចេញរួច។

អ្នកស្រី ធីណា ឱ្យដឹងថា សព្វថ្ងៃអន្ទង់ធំមានតម្លៃ ២៥០០០រៀលក្នុងមួយគីឡូ ហើយអន្ទង់តូចមានតម្លៃ ១៥០០០រៀលក្នុងមួយគីឡូ។

អត្ថបទ៖ ហុក ដេប៉ូ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលស្តីពីអក្ខរកម្មព័ត៌មាន និងប្រព័ន្ធផ្សព្វផ្សាយ(MIL) របស់មណ្ឌលព័ត៌មានស្រ្តីកម្ពុជា(WMC) ក្រោមជំនួយពីស្ថាប័នសារព័ត៌មានអាឡឺម៉ង់ DW។