loader

អ្នកជំនាញសេដ្ឋកិច្ច៖ គ្មានប្រទេសណាចំណេញច្រើនពីសង្រ្គាមពាណិជ្ជកម្មក្រៅពីវៀតណាមឡើយ

ក្រុងភ្នំពេញ៖ វៀតណាមបានក្លាយជាប្រធានបទយ៉ាងក្តៅគគុក ក្នុងការជជែកវែកញែកពីផលប្រយោជន៍នៃសង្គ្រាមពាណិជ្ជកម្ម ខណៈដែលក្រុមហ៊ុន APPLE របស់សហរដ្ឋអាមេរិកកំពុងពិចារណាផលិតIPhone ជំនាន់ក្រោយនៅលើទឹកដីអាស៊ីអាគ្នេយ៍មួយនេះ។ អ្នកវិភាគសេដ្ឋកិច្ចបានចាត់ទុកថា ឥរិយាបទជំនួញវៀតណាមគឺជាប្រទេសដែលពូកែឆាបយកអត្ថប្រយោជន៍ នៅពេលដែលប្រទេសចិនកំពុងជួបវិបត្តិ ។

ជូនសេចក្តីប្រែសម្រួលដោយ៖ សេរី វឌ្ឍនៈ

ក្រោយជំនួបចុះហត្ថលេខាជាមួយសហភាពអឺរ៉ុបលើកិច្ចព្រមព្រៀងពាណិជ្ជកម្មសេរី(FTA) រួចមក របាយការណ៍ជាច្រើនរបស់រដ្ឋាភិបាលវៀតណាមបានបង្ហាញឲ្យដឹងថា ក្រុមហ៊ុនប្រមាណ ៤០០​ បានសម្រុកវិនិយោគលើវិស័យបច្ចេកវិទ្យា និង ប្រព័ន្ធអគ្គីសនី ជាមួយរដ្ឋកម្មុយនីស្តមួយនេះ។ នេះបើតាមរបាយការណ៍ដែលចុះផ្សាយដោយរដ្ឋាភិបាលវៀតណាមកាលពីថ្ងៃទី ២២​ ខែ កក្កដា ឆ្នាំ ២០១៩។

Image result for Vietnam apple company

របាយការណ៍ដដែលនេះបានបង្ហាញឲ្យឃើញថា ក្រុមហ៊ុនជាង ១៥០ មកពីប្រទេសកូរ៉េខាងត្បូងដែលក្រុមហ៊ុនទាំងនោះផ្តោតលើការវិនិយោគនៅក្នុងកណ្តាលទីក្រុងហូជីមិញតែម្តង។

អគ្គកុងស៊ុលកូរ៉េខាងត្បូងនៅវៀតណាម លោក លីម ជែហ៊ូន បានប្រាប់ទៅកាន់អ្នកសារព័ត៌មានក្នុងតំបន់ថា លោកបានមើលឃើញពីសក្តានុពល និង តម្រូវការចាំបាច់របស់វៀតណាម លើប្រព័ន្ធអគ្គីសនី ដែលក្នុងមួយឆ្នាំៗ កើនឡើងប្រមាណ ១០​ភាគរយក្នុងមួយឆ្នាំ។

លោកថាក្រុមហ៊ុនកូរ៉េខាងត្បូងបោះទុននៅវៀតណាមលើចំណុចបីសំខាន់នោះគឺ ឧបករណ៍អេឡិចត្រូនិច និង ប្រព័ន្ធប្រើប្រាស់ភ្ជាប់ពីអគ្គីសនីទៅឧបករណ៍អេឡិចត្រូនិច។

សូម្បីតែក្រុមហ៊ុនយក្សរបស់កូរ៉េខាងត្បូង​ Samsung ក៏មានវត្តមាននៅលើទឹកដីភាគខាងជើងប្រទេសនេះផងដែរ។

បើតាមការចុះផ្សាយរបស់កាសែតអាមេរិក The New York Time បានចុះផ្សាយថា ប្រសិនបើឃើញ Iphone របស់អ្នកដាក់ថាផលិតនៅវៀតណាម កុំចាំបាច់ឆ្ងល់អី ពោលមានន័យថាវៀតណាមបានក្លាយជាគោលដៅទីផ្សារទី២ បន្ទាប់ពីចិនដែលពិភពលោកសម្លឹងឃើញ។

ក្រុមអ្នកជំនាញស្រាវជ្រាវផ្នែកសេដ្ឋកិច្ចវៀតណាមក៏យល់ឃើញថាការដែលពិភពលោកហក់មកចាប់អារម្មណ៍វិនិយោគជាមួយវៀតណាមគឺជារឿងត្រឹមត្រូវបំផុត។ ទាំងសមត្ថភាពកម្លាំងពលកម្ម និង ភូមិសាស្រ្តនយោបាយសមុទ្រចិនខាងត្បូង គឺវៀតណាមមានប្រៀបជាងគេ។ ​

អ្នកសិក្សាស្រាវជ្រាវបញ្ហាសង្គម លោក បណ្ឌិត មាស នី បានប្រាប់មកកាន់វិទ្យុស្រ្តីថា ឥរិយាបទវៀតណាមដ៏ឆ្លាតវៃទាំងវិស័យពាណិជ្ជកម្ម និង ទំនាក់ទំនងការទូត បានផ្លាស់ប្តូវៀតណាម ៣៦០ដឺក្រេ បន្ទាប់ពីសង្រ្គាមពាណិជ្ជកម្មអាមេរិក-ចិនបានចាប់ផ្តើមកាលពីឆ្នាំមុន។

លោកថាកត្តាភូមិសាស្រ្តនយោបាយ គឺជាចំណុចលេចធ្លោសម្រាប់ប្រទេសវៀតណាម ដែលអាមេរិកសម្លឹងឃើញពីការទាញយកឥទ្ធិពលនយោបាយលើដែនសមុទ្រចិនខាងត្បូង។

លោកបណ្ឌិត មាស នី មានប្រសាសន៍ថា៖ តាមរយៈសង្គ្រាមពាណិជ្ជកម្មនេះ យើងឃើញថាសូម្បីតែប្រទេសថៃដែលជាដៃគូសម្ព័ន្ធមិត្តរបស់អាមេរិកក៏រអ៊ូថាខាតដែរ តែលើកលែងតែវៀតណាមប៉ុណ្ណោះដែលទទួលបានឱកាសយកផលចំណេញកាន់តែច្រើនឡើងៗពីសង្គ្រាមពាណិជ្ជកម្មនេះ។

លោកបណ្ឌិតបានបន្តសរសើរដល់បរិយាកាស និង ភាពឆ្លាតវៃរបស់វៀតណាមដែលចាប់យកបស្ចឹមប្រទេសមកធ្វើជាខ្នងបង្អែក ខណៈដែលកម្ពុជាហាក់រអិលខ្លួនកាន់តែជ្រៅជាមួយនយោបាយចិននិយម នៅរយៈពេលចុងក្រោយនេះ។

លោកបណ្ឌិតបន្តថា៖ វាជានយោបាយការបរទេសរបស់គេមួយដែលមានភាពរឹងមាំហើយគេបត់បែនទៅតាមកាលះទេសះរបស់គេបាទ! ហើយយើងដឹងឹហើយថា បើប្រៀបវៀតណាមនឹងកម្ពុជា គឺគេមានប្រៀបជាងដែលគេរក្សាទំនាក់ទំនងការទូត ហើយវៀតណាមគឺគេមានភាពឆ្លាតវៃរហូតបាទ។

គួររម្លឹកថា របាយការណ៍រដ្ឋាភិបាលវៀតណាមបាននៅក្នុងខែកក្កដានេះ ក្រៅពីក្រុមហ៊ុនកូរ៉េខាងត្បូង ក៏មានក្រុមហ៊ុនជាង ៣០០ផ្សេងទៀត មកពីអាល្លឺម៉ង់ បារាំង ស្វីស ហូឡង់ ជប៉ុន តៃវ៉ាន់ និង ហុងកុង។

ឥរិយាបថមួយទន់ភ្លន់ជាមួយលោកខាងលិច ត្រូវបានអ្នកវិភាគយល់ថាគឺជាឥរិយាបទដ៏ឆ្លាតវៃក្នុងការរក្សាកំណើនសេដ្ឋកិច្ចក្នុងប្រទេស។  

ថ្មីៗនេះ គេសង្កេតឃើញថា វៀតណាមហាក់ដូចជាឆក់យកឱកាស ប្រឹងប្រែងក្នុងការពង្រឹងពាណិជ្ជកម្មជាមួយលោកសេរី។ នាយករដ្ឋមន្រ្តីវៀតណាម បានបញ្ចុះបញ្ចូលទាក់ទាញអ្នកវិនិយោគ ជប៉ុន និង អាមេរិកកាន់តែច្រើនថែមទៀត។

វៀតណាមត្រូវបានអ្នកសង្កេតការណ៍មើលឃើញថា ជារដ្ឋសង្គមនិយម មួយដែលមានសេដ្ឋកិច្ចខ្លាំងក្លា ហើយ ជារដ្ឋសមាជិកអាស៊ាន ឆ្លាតជាងគេ ដោយចាប់យក ប្រទេសអាមេរិក សហភាព អឺរ៉ុប និងជប៉ុនជាដៃគូសេដ្ឋកិច្ច មិនអាចអត់បាន។ ប្រទេសសង្គមនិយមមួយ នេះ មានភាពបត់បែនជឿនលឿន ដោយគិតថា ដៃគូសេដ្ឋកិច្ចដោយស្មើភាព គឺជាដៃគូយូរអង្វែង សម្រាប់សេដ្ឋកិច្ចវៀតណាម៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ក្រោយរដ្ឋប្រហារ ក្រុមហ៊ុនជប៉ុន ៧០% រក្សានិងពង្រីកអាជីវកម្មនៅភូមា

អង្គការពាណិជ្ជកម្មក្រៅប្រទេសជប៉ុន ហៅកាត់ថា ចិ[...]

កូរ៉េខាងត្បូងគ្រោងចូលក្នុងតំបន់ពាណិជ្ជកម្មសេរីអន្តរប៉ាស៊ីហ្វិក (TPP)

រដ្ឋមន្ត្រីក្រសួងហិរញ្ញវត្ថុកូរ៉េខាងត្បូង លោក[...]

សម្ដេច ហ៊ុន សែន ជំរុញឱ្យបុរសជាប្ដីនាំប្រពន្ធទៅច្រៀងខារ៉ាអូខេផង

នាយករដ្ឋមន្ត្រី ហ៊ុន សែន ក្នុងឱកាសចុះត្រួតពិន[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x