តុលាការាជធានីភ្នំពេញ បានចេញដីកាចាប់ខ្លួនលោកសមរង្ស៊ី និង អចិន្រ្ដៃយ៍បក្សនៃគណបក្សសង្រ្គោះជាតិ ៧រូបទៀត ។
ដីកានេះធ្វើឡើងចំពេលដែលពួគគាត់រៀបចំផែនការសកម្មភាពដើម្បីធ្វើមាតុភូមិនិវត្តន៍របស់លោកសមរង្ស៊ីមកកាន់កម្ពុជាវិញ។ ដីកានេះបានចេញដោយចៅក្រមស៊ើបសួរគឺលោក កួយ សៅ កាលពីថ្ងៃទី១២មិនាហើយត្រូវបានបង្ហោះឱ្យដឹងជាសាធារណៈកាលពីថ្ងៃ១៧ម្សិលមិញ។ ដីកានេះដាក់កម្មវត្ថុចោទអ្នកទាំងប្រាំបីនាក់ពីបទរួមគំនិតក្បត់ និង ញុះញង់ ឱ្យប្រព្រឹត្តបទឧក្រិដ្ឋជាអាទិ៍។អ្នកវិភាគមើលឃើញថា ស្មារតីនៃដីកាចាប់ខ្លួន នេះ ហាក់ដើរផ្ទុយនឹងសហភាពអឺរ៉ុបតែដើរស្របនឹងយុទ្ធសាស្ត្ររបស់នាយករដ្ឋមន្ត្រី។
កញ្ញា ហេង នីទី រាយការណ៍ពត៌មាននេះ៖
សមាជិកអចិន្រ្ដៃយ៍បក្សទាំងប្រាំពីររូបដែលត្រូវបានតុលាការរាជធានីភ្នំពេញចេញដីកាចាប់ខ្លួនគឺមាន លោកស្រី មួរ សុខហួរ លោក អេងឆៃអ៊ាង លោកអ៊ូចាន់រិទ្ធ លោក ម៉ែនសុថាវរិទ្ធ តុវ៉ាន់ចាន់ លោកឡុងរីនិងលោកហូរវ៉ាន់ ។ ពួកគាត់កំពុងស្ថិតនៅប្រទេសអាមេរិកនិងអឺរ៉ុប។ កាលពីថ្ងៃទី១៦មីនា ក្រុមអចិន្រៃ្តយ៍បក្សប្រឆាំងទាំងនេះ បានដាក់ចេញផែនការសកម្មដើម្បីលោក សមរង្ស៊ីត្រឡប់មកប្រទេសវិញ។
លោកឯមសុវណ្ណារ៉ា អ្នកវិភាគនយោបាយកម្ពុជា មើលឃើញថា ដីកាចាប់ខ្លួនថា្នក់ដឹកនាំបក្សប្រឆាំង គឺជាយុទ្ធសាស្ត្រ វាយខ្ទប់រុញឱ្យមានចរន្តចេញមកសុំសិទ្ធិធ្វើនយោបាយ ត្រូវទាន់ពេលវេលា មុនបិទវិញនៅមុនចូលឆ្នាំខែ្មរ។លោកករណីនេះ គឺសញ្ញានៃគំនុំនយោបាយ ទៅវិញទេហើយ មិនបម្រើផលប្រយោជន៍នយោបាយការទូតរបស់ខ្លួនជាមួយសហភាពអឺរុបនោះទេ។
ក្នុងកិច្ចប្រជុំរបស់ក្រុមអចិន្ត្រៃយ៍នៅ ក្រៅប្រទេស ប្រកាសដាត់ណាត់ថា លោកសមរង្ស៊ីពិតជាវិលចូលប្រទេសវិញ នៅឆ្នាំ ២០១៩នេះ ទោះនយោបាយកម្ពុជា ស្ថិតក្នុងស្ថានភាព ណាក៏ដោយ។
អ្នកវិភាគ ឯម សុវណ្ណារ៉ា យល់ថា ដីកានេះ គឺកសាងសំណុំរឿងមួយ ដាក់ក្នុងកន្ត្រក់ តែមួយ។ លោកថា នេះជាលក្ខខណ្ឌនៃការដាក់សម្ពាធដើម្បីជាឧបសគ្គលើអ្នកនយបាយទាំងនេះ។
តែយ៉ាងណា លោកថា អ្នកនយោបាយ មានជំរើសពីររបស់ខ្លួនទីមួយត្រូវនៅជនអ្នកគាំទ្រខ្លួនទីពីរបន្តនៅឆ្ងាយ។
ប្រធានស្ដីទីនៃអតីត គណបក្សសង្គ្រោះជាតិ លោក សម រង្ស៊ី កំពុងនិរទេសខ្លួននៅឯបរទេស បន្ទាប់ពីប្រឈមមុខនឹងបណ្ដឹងជាច្រើន ដែលប្ដឹងដោយមេដឹកនាំបក្សប្រឆាំង ក្នុងនោះមានទាំងបណ្ដឹងរបស់លោកនាយករដ្ឋមន្ត្រី ហ៊ុន សែន និងសម្ដេចហេងសំរិន។
ចំណែកឯអតីតតំណាងរាស្ត្របក្សប្រឆាំងទាំង ៧រូបទៀត បាននិរទេសខ្លួនឯងទៅក្រៅប្រទេស ក្រោយពីគណបក្សសង្គ្រោះជាតិ ត្រូវបានតុលាការកំពូលសម្រេចរំលាយចោលកាលពីពាក់កណ្ដាលខែវិច្ឆិកា ឆ្នាំ២០១៧កន្លងមក។ ពួកគាត់សុទ្ធតែមានឈ្នោះនៅក្នុងបញ្ជីឈ្មោះអ្នកនយោបាយ១១៨ រូបហាមធ្វើនយោបាយប្រាំឆ្នាំ។ ទាំងលោកកឹមសុខា និងអ្នកនយោបាយ ១១៨រូប រួមទាំងលោកសមរង្ស៊ី ក្រុមប្រឹក្សាឃុំសង្កាត់ នៃអតីតគណបក្សសង្រ្គោះជាតិ ការស្ដារបក្សនេះអោយរស់ឡើងវិញ គឺលក្ខខណ្ឌដែលសហភាពអឺរ៉ុប បានភ្ជាប់នឹងប្រព័ន្ធអនុគ្រោះពន្ធEBA។ លោកឯមសុវណ្ណារ៉ាយល់ថា រដ្ឋអាចទប់ទល់នឹងលក្ខខណ្ឌក្នុងជំហ៊ាន ដំបូងប៉ុណ្ណោះ។ តែដល់ដំណាក់កាលធ្ងន់ធ្ងរ មិនអាចទប់បានទេ។ លោកទទូចឱ្យមានដំណោះស្រាយសម្រាប់ជាតិទាំងមូល។
ទោះជាមានការពន្យល់បកស្រាយពីអ្នកវិភាគដូចនេះក្ដី សម្រាប់អ្នកនាំពាក្យរាជរដ្ឋាភិបាល លោកផៃស៊ីផាន ចាត់ទុកអ្នកវិភាគរូបនេះ មិនបានឈរលើគោលការណ៍យុត្តិធម៌របស់រាជរដ្ឋាភិបាល។ លោកផៃស៊ីផានបានពន្យល់វិញដោយនិយាយតែលើនីតិរដ្ឋ និងអំណាចតុលាការនៃប្រទេសមួយដែលមិនរណបបរទេសឬសហភាពអឺរ៉ុបឡើយ។លោកពន្យល់ទៀតថា វប្បធម៌សន្ទនា បានដើរបានបន្តិច ក៏រលាយវិញដោយក្រុមប្រឆាំងនេះ គាត់ដើរតួនាទីជាក្រុមឧទ្ទាម ដោយមិនលើកដំកើងនីតិរដ្ឋហើយគិតតែប្រឆាំង។
យ៉ាងណា អ្នកសង្កេតការណ៍ខ្លះមានការរំពឹងថា តាមរយៈជំនួបនៅចុងខែមីនា ធ្វើឡើងដោយ គណៈកម្មការអឺរ៉ុប និងតំណាងរាជរដ្ឋាភិបាល កម្ពុជានៃគណបក្ស កាន់អំណាច អាចនឹងមាន សញ្ញាល្អ សម្រាប់នយោបាយនៅកម្ពុជា ហើយអាចធ្វើអោយធូរស្រាល ចំពោះការ គំរាមដក ប្រព័ន្ធ អនុពន្ធEBA ពីកម្ពុជា។តែអ្នកសង្កេតការណ៍ព្រមានថាបើមិនមានសញ្ញាល្អ គឺ កម្ពុជា ពិតជាប្រឈមនឹងការបាត់EBA ៕
