អតីតប្រធានាធិបតីនៃប្រទេសកោះម៉ាល់ឌិវគឺលោក Abdulla Yameen ត្រូវបានចាប់ឃុំខ្លួនក្រោយសង្ស័យថាកេងប្រវ័ញ្ចលុយកាក់សន្ធឹកសន្ធាប់ក្នុងគំរោងអភិវឌ្ឍន៍ប្រទេសមានភាគហ៊ុនជាមួយចិន ។ ការណ៍នេះធ្វើឡើងភ្លាមៗបន្ទាប់ពីបញ្ចប់សវនាការដ៏តានតឹងក្នុងរយៈពេលជាងពីរម៉ោង កាលពីថ្ងៃអង្គារម្សិលមិញនេះ។
ក្នុងរបបដឹកនាំរបស់លោក Yameen ត្រូវបានគេមើលឃើញថាបានដឹកនាំប្រទេសកោះមហាសមុទ្រឥណ្ឌានេះឱ្យមាននិន្នាការនយោបាយឆ្វេងនិយមទៅរកចិន។ លោកត្រូវបានគេចោទពីបទទទួលយកលុយពីក្រុមហ៊ុនឯកជនចិន១លានដុល្លារដែលពាក់ព័ន្ធទៅនឹកអំពើពុករលួយដោយជួយឱ្យក្រុមហ៊ុននោះអភិវឌ្ឍសណ្ឋាគារតាមរយៈការជួលឯកជន។យ៉ាងណាសារព័ត៌មានរ៉យទ័របានឱ្យដឹងថា រូបលោក យ៉ាមេន បានបដិសេធចំពោះអំពើនេះ។
គេឃើញថាបន្ទាប់ពីសវនាការ២ម៉ោងកន្លះកាលពីថ្ងៃចន្ទនេះ រដ្ឋអាជ្ញាបានទាមទារឱ្យតុលាការចាប់ឃុំខ្លួនអតីតប្រធានាធិបតីនេះជាបន្ទាន់។ តែថាការប្រកាសសាលក្រមជុំវិញករណីពុករលួយរបស់លោក ត្រូវគេរំពឹងថានឹងធ្វើឡើងនៅថ្ងៃណាមួយមិនហួសពីសប្ដាហ៍នេះនោះទេ។
បរិបទនយោបាយបច្ចុប្បន្ននៅម៉ាល់ឌីវ គឺថា មានការបោះឆ្នោតសភានាថ្ងៃ៦មេសាខាងមុខនេះនេះ ហើយយុទ្ធនាការប្រឆាំងអំពើពុករលួយបានកំពុងបញ្រ្ជាបជាខ្លាំង។ មិនតែប៉ុណ្ណោះ កាលពីថ្ងៃសុក្រកន្លងទៅ លោកប្រធានាធិបតីIbrahim Mohamed Solih បានព្យួរតំណែងរដ្ឋមន្រ្ដីនៃរដ្ឋាភិបាលលោកពីររូបទាក់ទងនឹងការបែងចែក ហិរញ្ញវត្ថុដែលជាប់ពាក់ព័ន្ធនឹងពាណិជ្ជករនិងអ្នកនយោបាយដទៃទៀតថាប្រព្រឹត្តខុសនឹងគោលការណ៍ច្បាប់ជាធរមាន។
លោក Abdulla Yameenបានចាញ់ឆ្នោតនៅក្នុងការបោះឆ្នោតប្រធានាធិបតីកាលពីចុងឆ្នាំ២០១៨។ អ្វីដែលធ្វើអោយលោកចាញ់គូប្រកួតរបស់លោកដោយសារបុរសនេះ ដឹនាំប្រទេសជាប់បំណុលចិនរើខ្លួនមិនគឺជាង១៥ពាន់លានដុលា្លរ។ ប្រធានាធិបតី លោក Ibrahim Mohamed Solih កំពុងសើរើបំណុលនេះឡើងវិញបន្ទាប់ពីលោកទទួលប្រាក់កម្ចី១៤ពាន់លានដុល្លារពីឥណ្ឌាដើម្បីទីទាត់ សងចិនវិញ។ ក្នុងប្រាក់បំណុលនេះ មានអតីតរដ្ឋមន្ត្រីជាច្រើនរូបទៀត កំពុងស្ថិតក្រោមការស៊ើបអង្កេត៕
