ភាពតានតឹងផ្នែកនយោបាយរវាងក្រុមបក្សប្រឆាំងដឹកនាំដោយលោកជួនហ្គាយដូនិងក្រុមលោកប្រធានាធិបតីនីកូឡាស់ ម៉ាឌូរ៉ូ បានកើនឡើងពីមួយថ្ងៃទៅមួយថ្ងៃ ដែលធ្វើអោយសហគមន៍អន្តរជាតិកាន់តែចង់លូកដៃជួយស្រោចស្រង់ស្ថានភាពប្រទេសនេះឡើងវិញ។ សហរដ្ឋអាមេរិកឈានមុខគេ មានផែនការផ្ដូលរំលំលោកម៉ាឌូរ៉ូ ហើយលើកបន្តុប ក្រុមប្រឆាំង។ ក្រោម កាដាក់ទណ្ឌកម្ម របស់ខ្លួន គឺអាមេរិកបានបង្អាក់សង្វាក់ផលិតកម្មប្រេងក្រុមហ៊ុនមួយចំនួនរបស់អាមេរិក ដែលមានភាគីហ៊ុនជាមួយ ក្រុមហ៊ុនប្រេងរបស់រដ្ឋនៃប្រទេសវេណេហ្សូអេឡា PDVSA គឺ២៣ក្រុមហ៊ុន។
បើតាមសេចក្ដីរាយការណ៍របស់ សារព័ត៌មានរុស្ស៊ី Sputnik គឺកាលពីខែមករា ឆ្នាំ២០១៩នេះ ក្រសួងរតនាគារអាមេរិក បានបង្កកទ្រព្យសម្បត្តិមួយចំនួនរបស់ក្រុមហ៊ុន PDVSA ដែលមានក្នុងទឹកដីអាមេរិក នូវទឹកប្រាក់ ៧ពាន់លានដុល្លារ។ ប្រភពដដដែល បញ្ជាក់ថា ទ្រព្យសម្បត្តិទាំងនោះ ត្រូវប្រគល់អោយក្រុមប្រឆាំង ជាអ្នកកាន់កាប់និងគ្រប់គ្រង។
លោកប្រធានាធិបតីម៉ាឌូរ៉ូបានចោទ សហរដ្ឋអាមេរិកថាជាចោរប្លន់ទ្រព្យសម្បត្តិរបស់ប្រជាជនវេណេហ្សូអេឡាហើយចោទលោកជួនហ្គាយដូថាជាជនក្បត់ជាតិ។
យ៉ាងណានេះក្ដី សេតវិមាន បានចេញសម្រេចថា នឹងបិទការនាំប្រេងចូលសហរដ្ឋអាមេរិក ទាំងស្រុងពីប្រទេសវេណេហ្សូអេឡា នៅថ្ងៃទី២៨មេសា ដែលធ្វើអោយអ្នកសេដ្ឋកិច្ចព្រមានថា សេដ្ឋកិច្ចនៅក្រោមរបបលោកម៉ាឌូរ៉ូនឹងដួលរំលំហើយ បើអាមេរិកសម្រេចដូចនេះព្រោះអាមេរិកជាប្រភពនាំប្រេងធំទីមួយរបស់វេណេហ្សូអេឡា ដែលមួយថ្ងៃ៥សែនធុង៕
