ចិនបានធ្វើការទិតៀនយ៉ាងខ្លាំងទៅលើសហរដ្ឋអាមេរិកដោយភ្ជាប់ការព្រមានអ៊ីស្រាអែល លើបញ្ហាវិនិយោគទុនពីក្រុមហ៊ុនបច្ចេកវិទ្យារបស់ចិនគឺក្រុមហ៊ុន Huawei និងZTE Corp តែគេថាទង្វើរនេះ«គួរឲ្យអស់សំណើច»។
អ្នកនាំពាក្យក្រសួងការបរទេសចិនលោកស្រី Hua Chunying បានធ្វើការពន្យល់ កាលថ្ងៃចន្ទនៅក្នុងទីក្រុង Beijingនៅពេលលោកស្រីថ្លែងក្នុងសនិ្នសីទសារព័ត៌មានម។លោកស្រីថាសហរដ្ឋអាមេរិកបានកំពុងរំលោភលើគោលការណ៍សន្តិសុខជាតិ ដោយបង្ខូច ទៅលើសកម្មភាពធ្វើពាណិជ្ជកម្មរបស់សហគ្រាសជនជាតិចិន។ លោកស្រីថាសហរដ្ឋអាមេរិកបានច្រានចោលនូវការពិតហើយមើលទៅដូចជា មានបញ្ហាសតិអារម្មណ៍។
ករណីនេះបាននាំអោយសហរដ្ឋអាមេរិកបានបញ្ចេញក្ដីព្រួយបារម្ភយ៉ាងខ្លាំងអំពីការធ្វើវិនិយោគទុនបរទេសនៅក្នុងប្រទេសអ៊ីស្រាអែលជាពិសេសនោះគឺពីប្រទេសចិនតែម្ដង គឺចំពេលសង្រ្គាមពាណិជ្ជកម្មរវាងប្រទេសមហាអំណាចសេដ្ឋកិច្ចធំៗពីរនេះ។ ជាការពិតទៅកង្វល់នោះទាក់ទងជាពិសេសជុំវិញក្រុមហ៊ុន Huawei ហើយនឹង ZTE កំពុងធ្វើវិនិយោគ នៅក្នុងដែនដីកំពង់ផែនៃ Haifaធ្លាប់ជាមូលដ្ឋានកងនាវាទីប្រាំមួយរបស់សហរដ្ឋអាមេរិក។
ដោយឡែកសហរដ្ឋអាមេរិកបានស្នើឲ្យមានការចាប់បញ្ជូនខ្លួនអគ្គនាយកហិរញ្ញវត្ថុនៃក្រុមហ៊ុនទូរសព្ទ័ Huawei គឺលោកស្រី Meng Wanzhou ដែលការចាប់ខ្លួននេះបានធ្វើឲ្យមានកង្វល់ និងជម្លោះជាខ្លាំងខាងផ្លូវទូតរវាងប្រទេសចិន និងប្រទេសកាណាដាព្រោះការដាណាបានខ្លួនស្រ្តីរូបនេះតាមការស្នើរបស់អាមេរិក។
បន្ទាប់ពីមានការចាប់ខ្លួនលោកស្រីម៉េងមក ចិនចាប់ខ្លួនជនជាតិកាណាដាពីរនាក់ដោយគ្មានភស្តុតាងច្បាស់លាស់លើបញ្ហាគំរាមសន្តិសុខជាតិ ហើយបានកាត់ទោសពិរុទ្ធជនម្នាក់ទៀតជាថ្មីទាក់ទងនឹង ការជួញដូរគ្រឿងញៀនខុសច្បាស់ហើយឈានដល់ការផ្ដន្ទាទោសប្រហារជីវិត។
ប្រសិនបើមេដឹកនាំកាណាដាមានទំនួលខុសត្រូវចំពោះប្រជាជន និងសាច់ញ្ញាតិជាមួយប្រទេសចិន គឺគួរតែបញ្ឍប់ ប៉ុន្ដែផ្ទុយទៅវិញគួរតែពិនិត្យទៅលើចំនុចសំខាន់ៗនៃរឿងដែលកើតមាន និងធ្វើសកម្មភាពជាក់ស្ដែងដើម្បីស្វែងរកដំណោះស្រាយដ៏សមហេតុផលមួយជាមួយនឹងប្រទេសចិន។ នេះបើតាមប្រសាសន៍របស់អ្នកស្រី Hua អ្នកនាំពាក្យសក្រួសួងការបរទេសចិន។
ការចាប់ខ្លួនជនជាតិកាណាដា បានធ្វើឲ្យមានជម្លោះកាន់តែខ្លាំងឡើង ហើយធ្វើអោយភ័យខ្លាចក្នុងមុខជំនួញ។សម្រាប់លោក ស្rIHua ប្រទេសជាច្រើនធ្វើដំណើរមានការប្រុងប្រយត្ន័ជាងមុន ជាពិសេសជុំរុញឲ្យប្រជាជនកាណាដាមានការប្រុងប្រយត្ន័ខ្ពស់នៅក្នុងពេលមកកាន់អាស៊ី។ តែលោកស្រីថា ប្រទេសចិនសូមស្វាគមន៍ជនបរទេសទាំងអស់ឲ្យមកធ្វើវិនិយោគពោលគឺរាល់សកម្មភាពនៅក្នុងប្រទេសគឺមានដំណើរការជាធម្មតា។
ពួកមន្ត្រីកាណាដាជាផ្លូវការកាលពីសប្ដាហ៍មុនបានបង្កើនការព្រមានអំពីវិធានការរបស់ប្រទេសចិន។
រដ្ឋមន្រ្ដីក្រសួងការបរទេស Chrystia Freeland បាននិយាយថាកាណាដាកំពុងតែមានជម្លោះជាមួយចិនដែលវាជាសញ្ញាមួយគឺ «ជាការគំរាមកំហែងទៅកាន់ប្រទេសទាំងអស់»។
ឯកអគ្គរាជទូតកាណាដាប្រចាំនៅ ចិន គឺលោកJohn McCallum និយាយថាជម្លោះបានធ្វើឲ្យមានការអន្ដរាយ មានកេរិ៍ឈ្មោះរបស់ក្រុងប៉េកាំង និងមានហានិភ័យទៅលើសហគមន័ជំនួញពិភពលោកនៅក្នុងប្រទេសចិន៕