en     km
en     km

បទល្មើសអកម្ម

Share


សង្គមកម្ពុជា តែងតែកើតមានបទល្មើសជាច្រើនពីមួយថ្ងៃទៅមួយថ្ងៃ ។ យ៉ាងណា អត្ថិភាពនៃបទល្មើស  គឺមានតែខាតនិងខាត ។ ជាក់ស្ដែង ជនដែលប្រព្រឹត្តបទល្មើសនឹងត្រូវជាប់ពន្ធនាគារ ហើយជនរងគ្រោះ គឺអាចនឹងប៉ះពាល់ដល់ជីវិត បូរណភាពរូបកាយ និងប៉ះពាល់ដល់ទ្រព្យសម្បត្តិ រួមទាំងកម្មវត្ថុនៃបទល្មើសអាចប៉ះពាល់ដល់ជាតិថែមទៀតផង ។ យ៉ាងណាមិញ យើងសង្កេតឃើញថា បទល្មើសមានពីសណ្ឋាន គឺទី ១ បទល្មើសសកម្ម និងបទល្មើសអកម្ម ។ ជាការពិតណាស់ កម្ពុជាមានច្បាប់រដ្ឋ សម្រាប់អនុវត្តដែលមានអានុភាពទូទៅ ក្នុងការរក្សាឱ្យបាននូវសណ្ដាប់ធ្នាប់សារធារណៈ ។ ខណៈដែល កម្ពុជាមានច្បាប់ ប៉ុន្តែប្រជាពលរដ្ឋមួយចំនួន ជាពិសេសប្រជាជនដែលរស់នៅតាមជនបទ ។ ជាងនេះទៅទៀត ការដែលដឹងរបស់ពលរដ្ឋទៅលើច្បាប់កម្ពុជា រឹតតែមានកាន់តែតិចទៅទៀត ទៅលើបទល្មើសអកម្ម ។ បើទោះជាបែបនេះក្ដី ពាក់ព័ន្ធការយល់ដឹងរបស់ពលរដ្ឋទៅលើច្បាប់បែបណាក្ដី ក៏មែនជាឧបសគ្គដល់ការអនុវត្តច្បាប់នោះទេ ។ ពោលគឺមានន័យថា មិនអាចមានអ្នកណា អាចអះអាងថាខ្លួនមិនដឹង ឬមិនចេះច្បាប់ ហើយគេចពីការទទួលខុសត្រូវដោយសារបទល្មើសរបស់ខ្លួននោះទេ ។

អត្ថាធិប្បាយដោយ លោក សោម លាភ

 

Share

Image
Image
Image