ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ ប្រកាសឱ្យដឹងថា រាជរដ្ឋាភិបាលគ្រោងនឹងអនុវត្តប្រាក់បំណាច់អតីតភាពការងារសម្រាប់កម្មករនិយោជិតចាប់ផ្តើមពីរដងក្នុងមួយឆ្នាំដោយចាប់ពីខែ មិថុនា ឆ្នាំ ២០១៩ តទៅ។
យោងតាមសេចក្តីប្រកាសព័ត៌មានក្រសួងការងារ ឱ្យដឹងថា កម្មករនិយោជិតដែលកំពុងប្រើប្រាស់កិច្ចសន្យារយៈពេលវែងនឹងទទួលបានការទូទាត់ប្រាក់បំណាច់អតីតភាពការងារពីរដងក្នុងមួយឆ្នាំ ដែលនឹងចាប់ផ្តើមនៅខែ មិថុនា និង ខែ ធ្នូ ឆ្នាំ ២០១៩ តទៅ។
ក្រសួងការងារ បន្ថែមថា ចំពោះការទូទាត់បើកប្រាក់រំលឹកបំណាច់អតីតភាពការងាររបស់កម្មករនិយោជិត ដែលមានតំាងពីមុន ឆ្នាំ ២០១៩ ក្រសួងកំពុងពិភាក្សាជាមួយវិស័យឯកជន ដើម្បីកំណត់កាលវិភាគជាក់លាក់។
ក្រសួងអះអាងថា ក្នុងអំឡុងពេលការទូទាត់បើករំលឹកប្រាក់បំណាច់អតីតភាពការងារដោយក្រសួងធានាចំពោះអត្ថប្រយោជន៍ស្របច្បាប់ដល់កម្មករនិយោជិតមាននៅពេលសហគ្រាសគ្រឹះស្ថានក្ស័យធន ឬបិទទ្វារមិនទាន់បានទូទាត់ជូនកម្មករនិយោជិត៕
