loader

ពួក​អាយ​ស៊ី​ស​ (ISIS)​ ថា​៖​ «​នារី​ដែល​ត្រូវ​បាន​បុរស​ISIS​ ចាប់រំលោភ​ចំនួន​១០​ នាក់​ នឹង​ក្លាយ​ទៅ​ជនជាតិ​មូ​ស្លី​ម​»

Cover-isis
អ៊ី​រ៉ា​ក់​៖​ អង្គុយ​នៅ​លើ​សា​ឡុ​ង​ពណ៌​បៃតង​ដ៏​រយាក​មួយ​ ក្នុង​ទីក្រុង​ម៉ូ​ស៊ុ​ល​ ប្រទេស​អ៊ី​រ៉ា​ក់​ ដែល​គ្រប់គ្រង​ដោយ​ពួក​អាយ​ស៊ី​ស​
(​រដ្ឋ​អ៊ី​ស្លា​ម​នៃ​ប្រទេស​អ៊ី​រ៉ា​ក់​និង​ស៊ី​រី​=ISIS)​ ពួក​ទាហានៗ​ នាំ​គ្នា​ សើច​ដូច​ជា​ពួក​គេ​កំពុង​មើល​រឿង​កំប្លែង​ដ៏​អស់សំណើច​
អ​ញ្ចឹ​ង​។​

​បុរស​មាន​មាឌ​ស្គម​និង​សម្បុរ​ខ្មៅ​ លោក​ ខ្លា​ត​ ជី​ហា​ឌី​ ដែល​កំពុង​បញ្ចេញ​កាយវិការ​ពន្យល់​នៅ​មុខ​កាមេរ៉ា​ថា​៖​ «​ថ្ងៃនេះ​គឺជា​ទិវា​ទីផ្សារ​ទាសករ​ផ្លូវភេទ​នារី​ ដែល​ត្រូវ​បាន​គេ​អនុម័ត​»​។​

​ការ​សន្យា​របស់​អ្នក​ប្រយុទ្ធ​ ISIS​ ម្នាក់​ផ្សេង​ទៀត​៖​ «​ដោយ​មានការ​អនុញ្ញាត​របស់​ព្រះ​អា​ឡា​ហ៍​ ម្នាក់ៗ​នឹង​ទទួល​បាន​នូវ​បាន​ចំណែក​»​។​ រីឯ​បុរស​ម្នាក់​ទៀត​ មាន​ពុកមាត់​ស្រមូម​ និង​កំពុង​ញញឹម​ បាន​ផ្តើមនិយាយ​ថា​៖​ «​តើ​ក្មេង​ស្រី​ យ៉ា​ហ្ស៊ី​ឌី​ (Yazidi)​ របស់ខ្ញុំ​នៅឯណា​»?​

​យ៉ា​ហ្ស៊ី​ឌី​ ជា​មនុស្ស​បុរាណ​ គោរព​តាម​សាសនា​ដែល​មាន​តែ​មួយ​គត់​ ដែល​លាយ​បញ្ចូល​គ្នា​ពី​សាសនា​អ៊ី​ស្លា​ម​ និង​ សាសនា​គ្រី​ស្ទ​សាសនា​។​ ពួក​គេ​មាន​ជំនឿ​ចំពោះ​ព្រះ​ជា​ម្ចាស់​តែ​ មួយ​គត់​ដែល​បាន​បង្កើត​ផែនដី​ និង​ទុក​ឱ្យ​ទេពអប្សរ​ក្ងោក​ Malak​ Ta’us​ ជា​អ្នក​មើលថែ​រក្សា​។​ ប៉ុន្តែ​ជំនឿ​នេះ​ ត្រូវ​បាន​បង្ខូច​តម្លៃ​ដោយ​ពួក​អាយ​ស៊ី​ស​ ថា​ជា​ «​ការ​គោរព​បូជា​ចំពោះ​បិសាច​»​ ដែល​ត្រូវ​បាន​ប្រើ​ដោយ​ពួក​ជ្រុលនិយម​អ៊ី​ស្លា​ម​ក្នុង​ការ​និយាយ​ដោះសារ​ពី​បញ្ហា​ឃាតកម្ម​ ការ​ធ្វើ​ជា​ទាសករ​ និង​ការ​ចាប់រំលោភ​។​

Baba​ Sheikh​ ជា​មេដឹកនាំ​ខាង​ផ្លូវចិត្ត​របស់​ក្រុម​យ៉ា​ហ្ស៊ី​ឌី​ បាន​ឲ្យ​ដឹង​ថា​៖​ «​ពួក​ISIS​ យក​ក្មេង​ស្រីៗ​ និង​ ផ្ទះសម្បែង​ ព្រមទាំង​គ្រួសារ​របស់​ពួក​យើង​»​។​

area-isis
អតីត​ទាសករ​របស់​ក្រុម​ចោរ​ ISIS​ និយាយ​ថា​ ពួក​គេ​បោក​បញ្ឆោត​នាង​
Noor​ (​ឈ្មោះ​ប្រឌិត​)​ ជានា​រី​យ៉ា​ហ្ស៊ី​ឌី​វ័យ​ ២២​ ឆ្នាំ​ ត្រូវ​បាន​លក់​ជា​ទាសករ​ និង​ត្រូវ​បាន​ទាហាន​ចាប់រំលោភ​ បន្ទាប់​ពី​ពួក​អាយ​ស៊ី​សបាន​កាន់កាប់​ភូមិ​របស់​នាង​ក្នុង​ខេត្ត​ Sinjar​ ប្រទេស​អ៊ី​រ៉ា​ក់​។​

Noor​ បាន​រៀបរាប់​ប្រាប​ថា​៖​ «​បុរស​ម្នាក់​បាន​បង្ហាញ​ខ្ញុំ​នូវ​ក្រដាស​មួយ​ ហើយ​និយាយ​ថា​ ក្រដាស​នេះ​កត់ចំណាំ​ថា​ នារី​ដែល​ត្រូវ​បាន​បុរស​ISIS​  ចាប់រំលោភ​ចំនួន​១០​ នាក់​ នឹង​ក្លាយ​ទៅ​ជនជាតិ​មូ​ស្លី​ម​។​ នៅ​ទីនោះ​ មាន​ទង់ជាតិ​មួយ​របស់​ពួក​អាយ​ស៊ី​ស​ និង​រូបភាព​មួយ​ សន្លឹក​របស់​ Abu​ Bakr​ Al​ Baghdadi»​។​ បន្ទាប់​ពី​រំលោភ​នាង​ហើយ​ បុរស​ម្នាក់​នោះ​ បាន​រុញ​នាងឱ្យ​ទៅ​មិត្ត​ភក្តិ​១១​ នាក់​ទៀត​ ហើយ​ពួក​គេ​ទាំងអស់​បាន​ចាប់រំលោភ​នាង​។​

វីដេអូស្ដីពីសម្ភាសន៍ស្រ្តីយ៉ាហ្ស៊ីឌីស្ដីពីការលក់ ធ្វើទារុណកម្ម និងចាប់រំលោភ ពីពួកសកម្មប្រយុទ្ធ ISIS


នារីៗ​យ៉ា​ហ្ស៊ី​ឌី​ ត្រូវ​បាន​លក់​ និង​ចាប់រំលោភ​ ព្រមទាំង​ធ្វើ​ជា​ទាសករ​ដោយ​ពួក​អាយ​ស៊ី​ស​

​នៅ​ក្នុង​ដែនដី​ពួក​អាយ​ស៊ី​ស​ ស្ត្រី​យ៉ា​ហ្ស៊ី​ឌី​អាច​ត្រូវ​បាន​ទិញ​និង​លក់​ដើម្បី​លុយ​ ឬ​ត្រូវ​បាន​ ប្ដូរ​ ជា​ទំនិញ​ដោះ​ដូរ​អាវុធ​ ឬ​ក៏​ជា​អំណោយ​ ប៉ុន្តែ​នេះ​មិនមែន​ជា​ការ​ដោះ​ដូរ​គ្នា​ខាង​ពាណិជ្ជកម្ម​ ធម្មតា​នោះ​ទេ​ ពីព្រោះ​ថា​ពួក​ ISIS​ បាន​ចាប់រំលោភ​ និង​ទុក​នារី​ទាំងនោះ​ជា​ទាសករ​ ហើយ​វា​រឿង​ដែល​ពួក​គេ​ចាត់​ទុក​ថា​ ទទួលស្គាល់​តាម​បែប​ជំនឿ​សាសនា​។​

​ក្រុម​ប្រយុទ្ធ​ ISIS​ បាន​ប្រាប់​យើង​ថា​៖​ «​នេះ​គឺជា​ច្បាប់​របស់​ Abu​ Bakr​ al-Baghdadi​ ហើយ​យើង​ត្រូវ​តែ​ធ្វើ​វា​»​។​ Noor​ ពន្យល់​ថា​៖​ «​អ្នក​ណា​ម្នាក់​ដែល​មិន​ផ្លាស់​ប្ដូរ​ទៅ​ជា​អ៊ី​ស្លា​ម​ទេ​ យើង​នឹង​សម្លាប់​ប្រុសៗ​ ហើយ​និង​រៀប​ការ​ជាមួយ​នារីៗ​។​ ពួក​គេ​ជា​ពិភព​នៃ​សង្គ្រាម​»​។​

នារីៗ​ទាំងនោះ​បញ្ជាក់​ថា​ ពួក​ ISIS​ បង្ខំ​ឱ្យ​ពន្លូតកូន
​ក្នុង​ទស្សនាវដ្តី​ Dabiq​ អន​ឡាញ​ជា​ភាសា​អង់គ្លេស​របស់​ពួក​គេ​ អាយ​ស៊ី​ស​បង្ហាញ​ការ​ដោះសារ​របស់​ខ្លួន​សម្រាប់​អំពើ​ឃោរឃៅ​ប្រឆាំង​នឹង​ពួក​យ៉ា​ហ្ស៊ី​ឌី​ទៅ​លើ​មូលដ្ឋាន​សាសនា​។​

«​ការ​យក​ស្ត្រី​ធ្វើ​ជា​ទាសករ​នៃ​គ្រួសារ​ kuffar​
(​អ្នក​មិន​ជឿ​)​ និង​ការ​យក​ស្ត្រី​ធ្វើ​ជា​សាហា​យ​ គឺជា​ទិដ្ឋភាព​ដែល​បង្កើត​នូវ​គ្រួសារ​មួយ​របស់​ Shariah​ (​ច្បាប់​អ៊ី​ស្លា​ម​)​ ថាបើ​នរណា​ម្នាក់​ត្រូវ​បាន​បដិសេធ​ឬ​សើម​ចំអក​ នោះ​បុរស​នឹង​បដិសេធ​ឬ​ចំអក​នូវ​ឲ្យ​គម្ពីរ​គូ​រ៉ា​ន់​ Qur’an​ និង​ ការ​ពិពណ៌នា​នៃ​ Prophet​។​

​ប៉ុន្តែ​អ្នក​សាសនា​វិទ្យា​ថា​ពិភពលោក​ចង្អុលបង្ហាញ​ថា​សកម្មភាព​របស់​ពួក​អាយ​ស៊ី​សគឺ​មិន​មាន​មូលដ្ឋាន​ក្នុង​សាសនា​អ៊ី​ស្លា​ម​ទេ​។​ Imam​ Ajmal​ Masroor​ ដែល​រស់នៅ​ក្រុង​ឡុ​ង​ដ៍​និយាយ​ថា​៖​ «​ប្រជាជន​ ISIS​ គឺ​មិន​តំណាង​ឱ្យ​អ៊ី​ស្លា​ម​ទាំង​អស់នោះ​ទេ​។​ ការ​ពិត​ បើ​មាន​ គឺ​ពួក​គេ​ប្រឆាំង​ នឹង​អ៊ី​ស្លា​ម​»​។​ «​ពួក​គេ​ប្លន់​យន្តហោះ​ បង្កាច់បង្ខូច​ និង​ប្រមាថ​ជនជាតិ​អ៊ី​ស្លា​ម​»​។​

torture-isis
កន្លែងធ្វើទារុណកម្មរបស់ពួកអាយស៊ីស

«​នៅ​ក្នុង​សាសនា​អ៊ី​ស្លា​ម​ ការ​យក​នរណា​ម្នាក់​ធ្វើ​ជា​ឈ្លើយសឹក​ ការ​ធ្វើបាប​ពួក​គេ​ជា​ទាសករ​ផ្លូវភេទ​ ការ​ធ្វើ​ទារុណកម្ម​និង​ការ​សម្លាប់​ពួក​គេ​ គឺ​ត្រូវ​បាន​ហាមឃាត់​ទាំងស្រុង​»​។​

​នេះ​ជា​អ្វី​ដែល​ព្រះ​ជា​ម្ចាស់​និយាយ​នៅ​ក្នុង​គម្ពីរ​គូ​រ៉ា​ន់​ថា​៖​
«​ប្រជាជន​ទាំងនេះ​ បាត់បង់​សមត្ថភាព​របស់​ពួក​គេ​ក្នុង​ការ​ប្រើ​ខួរក្បាល​ និង​ទស្សនវិស័យ​ពួក​គេ​ក្នុង​ការ​ឃើញ​និង​ឮ​ ពី​ការ​ពិត​ថា​ពួក​គេ​គឺ​អាក្រក់​ជា​សត្វ​ធាតុ​ទៅ​ទៀត​»​។​

នារី​យ៉ា​ហ្ស៊ី​ឌី​រាប់រយ​នាក់​សម្លាប់​ខ្លួន​ក្នុង​ការ​ធ្វើ​ជា​ឈ្លើយសឹក​របស់​ពួក​ ISIS
​មុន​ពេល​ដែល​ក្រុម​ ISIS​ វាយប្រហារ​ខេត្ត​ Sinjar​ ការ​រៀប​ការ​ក្រៅ​ជំនឿ​សាសនា​យ៉ា​ហ្ស៊ី​ឌី​ត្រូវ​បាន​គេ​ផ្ដន្ទាទោស​យ៉ាងធ្ងន់ធ្ងរ​។​ ទាំងនោះ​គឺជា​ការ​ចោទប្រកាន់​ពី​អំពើ​ផិតក្បត់​ និង​សូ​ម្បី​តែ​ជា​ជន​រង​គ្រោះ​ពី​ការ​ចាប់រំលោភ​ ក៏​អាច​ត្រូវ​បាន​គេ​សម្លាប់​ពី​បទ​មិន​ស្មោះត្រង់​ជាមួយ​គ្រួសារ​ផង​ដែរ​។​

Baba​ Sheikh​ បញ្ជាក់​ថា​៖​ «​អ្នក​ណា​ក៏​ដោយ​ក៏​អាច​ត្រឡប់​មក​ផ្ទះ​វិញ​ដោយ​មានការ​ស្វាគមន៍​យ៉ាង​កក់ក្ដៅ​បាន​ដែរ​»​។​ «​ពួក​គេ​គួរតែ​ចៀស​ឱ្យ​ឆ្ងាយ​ពី​បញ្ហា​ទាំងនោះ​។​ ពួក​គេ​មិន​មាន​កំហុស​អ្វី​ទេ​ ហើយ​ពួក​គេ​មិន​គួរ​ព្រួយបារម្ភ​អ្វី​ដែរ​»​។​

​សម្ដី​របស់​គាត់​ គឺជា​ការ​លួងលោម​ផ្លូវចិត្ត​ពី​ទារុណកម្ម​ ទោះជា​ក្រុម​ ISIS​ ប៉ុនប៉ង​បំផ្លាញ​ប្រជាជន​យ៉ា​ហ្ស៊ី​ឌី​ក្នុង​នាម​ជា​សាសនា​ក៏​ដោយ​ ក៏​ជន​រង​គ្រោះ​នៃ​ក្រុម​ភេរវ​ករ​នៅ​តែ​អាច​រក​ការ​ជួយ​នៅផ្ទះ​បាន​ផង​ដែរ​៕


ប្រែ​សម្រួល​ដោយ​៖​ សេង​ វិបុល​  /​ ប្រភព​៖​ CNN

0 0 votes
Article Rating
guest
1 Comment
Oldest
Newest Most Voted
Inline Feedbacks
View all comments
https://www.viagrapascherfr.com/commander-viagra-cialis/

I’ve been surfing on-line more than three hours lately, but
I never discovered any attention-grabbing article like yours.

It is pretty price enough for me. Personally, if all webmasters and bloggers made just right content as you
did, the web will probably be much more useful than ever before.

ព័ត៌មានទាក់ទង

World Cup មានអាជ្ញាកណ្តាលស្ត្រីជាលើកដំបូងក្នុងរយៈពេល៩២ឆ្នាំ

  យោងតាមReuters កីឡាការិនី Stephanie Fra[...]

អ៊ីរ៉ង់​កាត់ទោស​ប្រហារជីវិត​មនុស្ស​បួន​នាក់​ពីបទ​សហការ​ជាមួយ​ទីភ្នាក់ងារ​ស៊ើបការណ៍​សម្ងាត់​អ៊ីស្រាអែល

  ឌូបៃ៖ យោងតាមសារព័ត៌មាន Reuters រាយការណ[...]

អតីតប្រធានាធិបតីចិន លោក Jiang Zemin បានទទួលមរណភាពក្នុងជន្មាយុ ៩៦ឆ្នាំ

ប៉េកាំង៖ ប្រព័ន្ធផ្សព្វផ្សាយរដ្ឋរបស់ចិន បានរា[...]

ព័ត៏មានថ្មី

វីដេអូថ្មីបំផុត

1
0
Would love your thoughts, please comment.x
()
x