loader

មេដឹកនាំវៀតណាមសរសើរព្រះមហាក្សត្រកម្ពុជាធ្វើឲ្យមានចំណងមិត្តភាពរឹងមាំ

អគ្គលេខាធិការបក្សកុម្មុយនិស្តវៀតណាម និងជាប្រធានាធិបតី លោក គ្វៀន ភូជុង បាននិយាយថា វៀតណាមតែងតែធ្វើឲ្យប្រសើរ និងពង្រឹងជាខ្លាំងនូវចំណងមិត្តភាពជាប្រពៃណីជាមួយប្រជាជនកម្ពុជាដោយឈរលើផលប្រយោជន៍រួមនៃប្រទេសទាំងពីរ នឹងដើម្បីស្ថេរភាពតំបន់ និងពិភព លោក។

សារព័ត៌មានវៀតណាម News បានចុះផ្សាយថា មេដឹកនាំវៀតណាមបានថ្លែងដូចនេះ នៅចំពោះវត្តមានរបស់ព្រះមហាក្សត្រកម្ពុជាព្រះបាទនរោត្តមសីហមុនី ដែលបានយាងធ្វើទស្សនៈកិច្ចនៅទីក្រុងហាណូយកាលពីថ្ងៃទី ២០ធ្នូ ឆ្នាំ ២០១៨។

ក្នុងកិច្ចជំនួបនោះ មេដឹកនាំវៀតណាមបានសាទរសមិទ្ធផលជាច្រើនដែលប្រជាជន និងរដ្ឋាភិបាលកម្ពុជាសម្រេចបានហើយបានចាត់ទុកនេះជាសមិទ្ធផលនៅក្រោមការសោយរាជ្យរបស់ព្រះមហាក្សត្រកម្ពុជា។

ជាមួយគ្នានេះ មេដឹកនាំវៀតណាមបានសន្យាថា នៅបន្ដគាំទ្រនឹងជួយប្រទេសកម្ពុជាជានិច្ច។ មេដឹកនាំវៀតណាមរូបនេះ បានចាត់ទុកព្រះមហាក្សត្រខ្មែរជាមិត្តជិតស្និទ្ធរបស់វៀតណាម។

ក្នុងឱកាសនោះដែរ ព្រះមហាក្សត្រកម្ពុជាបានសម្ដែងការរីករាយចំពោះចំណងមិត្តភាពរវាងប្រទេសទាំងពីរដោយចាត់ទុកវៀតណាមជាមហាមិត្តជិតស្និទ្ធនិងកម្ពុជាជានិច្ចដែលបានជួយគាំទ្រកម្ពុជាគ្រប់កាលៈទេសៈទាំងអស់។

ក្នុងដំណើរទស្សនៈកិច្ចនេះ លោក គ្វៀន ភូជុង បានអមដំណើរព្រះមហាក្សត្រកម្ពុជាទៅទស្សនាវិមានប្រធានាធិបតីហូជីមីញ នៅឯវិមានប្រធានាធិបតីវៀតណាមក្រុងហាណូយ។

សូមជំរាបថាទស្សនៈកិច្ចរបស់ព្រះមហាក្សត្រកម្ពុជានៅវៀតណាមពេលនេះធ្វើឡើងបន្ទាប់ពីសម្ដេចនាយករដ្ឋមន្ដ្រី ហ៊ុន សែន ដែលបានទៅកាន់ទីក្រុងហាណូយកាលពីចុងខែ វិច្ឆិកា ឆ្នាំ ២០១៨។

មានការកត់សំគាល់ថា រយៈពេលចុងក្រោយនេះមេដឹកនាំកម្ពុជាតែងតែទៅធ្វើទស្សនៈកិច្ចនៅវៀតណាម។ កាលពីខែមុនលោករដ្ឋមន្ដ្រីការបរទេសកម្ពុជាប្រាក់សុខុនក៏បានទៅធ្វើទស្សនៈកិច្ចនៅវៀតណាមផងដែរ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មេធាវីលោក ថាច់ សេដ្ឋា រង់ចំាតុលាការបញ្ជូនសំណុំរឿងស៊ើបអង្កេតពន្លឿននីតិវិធីយ៉ាងអន្ទៈសារ

មេធាវីការពារក្ដីឱ្យលោក ថាច់ សេដ្ឋា អនុប្រធានគ[...]

កម្ពុជាលើកបញ្ហាសំណល់ផ្លាស្ទិកជាប្រធានបទខណៈធ្វើជាម្ចាស់ផ្ទះវេទិកាថ្នាក់តំបន់អាស៊ីនិងប៉ាស៊ីហ្វិកលើកទី១១

កម្ពុជាកំពុងរៀបចំកិច្ចប្រជុំវេទិកាថ្នាក់តំបន់[...]

ដើមឈើធំៗដែលក្រុមយុវជននិងព្រះសង្ឃបានបំបួសនៅតំបន់អារ៉ែងត្រូវកាប់បំផ្លាញជាបន្តបន្ទាប់

ភ្នំពេញ៖ ដើមឈើធំៗមួយចំនួនដែលក្រុមអ្នកស្រលាញ់ន[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x