loader

នាយកដ្ឋានពេទ្យការងារកម្ពុជាស្នើកូរ៉េយកចិត្តទុកដាក់ដល់សុខុមាលភាពពលករកម្ពុជា

ភ្នំពេញ៖ ប្រធាននាយកដ្ឋានពេទ្យការងារ នៃក្រសួងការងារ និងបណ្តុះបណ្តាលវិជ្ជាជីវ: លោក ឡេង តុង បានស្នើទៅភាគីកូរ៉េ ឱ្យជួយយកចិត្តទុកដាក់ឱ្យបានខ្ពស់ដល់សុខមាលភាពពលកម្មករកម្ពុជាដែលកំពុងធ្វើការនៅប្រទេសកូរ៉េ។ នេះបើតាមការចុះផ្សាយលើទំព័រហ្វេសបុករបស់ក្រសួងការងារ និងបណ្ដុះបណ្ដាលវិជ្ជាជីវៈ។

តាមការចុះផ្សាយនេះបញ្ជាក់ថា ការស្នើបែបនេះធ្វើឡើងក្នុងជំនួបជាមួយគណៈប្រតិភូនាយកដ្ឋានអភិវឌ្ឍន៍ធនធានមនុស្ស នៃក្រសួងការងារកូរ៉េ នៅថ្ងៃទី ១២ ខែធ្នូ ម្សិលមិញ នៅនាយកដ្ឋានពេទ្យការងារ នៃក្រសួងការងារ។

កិច្ចជំនួបនេះ ធ្វើឡើងដើម្បីពិភាក្សាអំពីយន្តការនៃការពិនិត្យសុខភាពពលករកម្ពុជា មុននឹងចេញទៅបម្រើការងារនៅសាធារណរដ្ឋកូរ៉េ។

លោក ឡេង តុង មានប្រសាសន៍ថា សុខភាពគឺជាបញ្ហាសំខាន់ដែលយើងទាំងអស់គ្នាត្រូវយកចិត្តទុកដាក់ ជាពិសេសពលករដែលទៅបម្រើការងារនៅសាធារណរដ្ឋកូរ៉េ។ ដូច្នេះទើបលោកស្នើឱ្យភាគីកូរ៉េមានការយកចិត្តទុកដាក់ខ្ពស់ចំពោះសុខុមាភាពរបស់ពលករកម្ពុជាទៅបម្រើការងារនៅសាធារណរដ្ឋកូរ៉េផងដែរ។

យ៉ាងណាមិញ ភាគីកូរ៉េបង្ហាញការគាំទ្រចំពោះកិច្ចសហការជាមួយនាយកដ្ឋានពេទ្យការងារ នៃក្រសួងការងារ និងបណ្តុះបណ្តាលវិជ្ជាជីវ:កម្ពុជា ក្នុងការពិនិត្យសុខភាពពលករ និងរៀបចំជាប្រព័ន្ធ ដើម្បីឱ្យកាន់តែមានភាពងាយស្រួលក្នុងការបញ្ជូនពលករទៅបម្រើការងារនៅសាធារណរដ្ឋកូរ៉េ។

របាយការណ៍បូកសរុបការងាររបស់ក្រសួងកាងារកាលពីខែមីនាបញ្ជាក់ថា ក្រសួងបានផ្ដល់សេវាជួយស្វែងរកការងារនៅកូរ៉េសម្រាប់ឆ្នាំ ២០១៩ មានចំនួនជាងបួននាក់៕

 

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មេធាវីលោក ថាច់ សេដ្ឋា រង់ចំាតុលាការបញ្ជូនសំណុំរឿងស៊ើបអង្កេតពន្លឿននីតិវិធីយ៉ាងអន្ទៈសារ

មេធាវីការពារក្ដីឱ្យលោក ថាច់ សេដ្ឋា អនុប្រធានគ[...]

កម្ពុជាលើកបញ្ហាសំណល់ផ្លាស្ទិកជាប្រធានបទខណៈធ្វើជាម្ចាស់ផ្ទះវេទិកាថ្នាក់តំបន់អាស៊ីនិងប៉ាស៊ីហ្វិកលើកទី១១

កម្ពុជាកំពុងរៀបចំកិច្ចប្រជុំវេទិកាថ្នាក់តំបន់[...]

ដើមឈើធំៗដែលក្រុមយុវជននិងព្រះសង្ឃបានបំបួសនៅតំបន់អារ៉ែងត្រូវកាប់បំផ្លាញជាបន្តបន្ទាប់

ភ្នំពេញ៖ ដើមឈើធំៗមួយចំនួនដែលក្រុមអ្នកស្រលាញ់ន[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x