loader

សម្ដេច ហ៊ុន សែន ត្រូវបានមេដឹកនាំវៀតណាមអញ្ជើញទៅកាន់វៀតណាម

ក្រសួងការបរទេស វៀតណាមបានជូនដំណឹងថា នាយករដ្ឋមន្ត្រីកម្ពុជា គឺសម្ដេច ហ៊ុន សែន នឹងដឹកនាំគណៈប្រតិភូជាន់ខ្ពស់កម្ពុជាជាច្រើនរូបមកធ្វើទស្សនកិច្ចជាផ្លូវការនៅប្រទេសវៀតណាម ចាប់ពីថ្ងៃព្រហស្បតិ៍ ដល់ថ្ងៃសៅរ៍ ក្នុងសប្ដាហ៍នេះ។

តាមសារព័ត៌មានវៀតណាម VNS ចុះផ្សាយនៅថ្ងៃអង្គារ ទី ៤ ធ្នូនេះ  គឺ ទស្សនកិច្ច របស់សម្ដេចហ៊ុនសែនធ្វើឡើងតាមការអញ្ជើញរបស់នាយករដ្ឋមន្ត្រីវៀតណាម ង្វៀនស៊ុនផុក ។

ទំនាក់ទំនងការទូតកម្ពុជា-វៀតណាម បានបង្កើតឡើងតាំងពីឆ្នាំ ១៩៦៧។ ប្រទេសទាំងពីរបានដោះដូរទស្សនកិច្ចនឹងគ្នាគ្រប់កម្រិតទាំងអស់។

វៀតណាមបានបញ្ជូនកងទ័ពរបស់ខ្លួនជាច្រើនម៉ឺននាក់ជួយកងទ័ពខ្មែរមួយក្រុមដឹកនាំដោយ សម្ដេច ហ៊ុន សែន សម្ដេច ជាស៊ីម សម្ដេច ហេង សំរិន ដោយផ្ដួលរំលំរបបកម្ពុជាប្រជាធិបតេយ្យ ហៅរបបខ្មែរក្រហមនៅថ្ងៃទី ៧មករា ឆ្នាំ ១៩៧៩។

មេដឹកនាំ កម្ពុជា និងបក្សប្រជាជនកម្ពុជា បានហៅជ័យជមន្នះលើរបបខ្មែរក្រហមថា ជាការប្ដូរសាច់ស្រស់ ឈាមស្រស់ នៃយុទ្ធមិត្តរួមអាវុធរបស់កងទ័ពនៃប្រជាជនវៀតណាម។

កម្ពុជាក្រោមការដឹកនាំរបស់បក្សប្រជាជនកម្ពុជាមិនអាចភ្លេចបានឡើយ គុណតម្លៃរបស់កងទ័ពស្ម័គ្រចិនវៀតណាម ដែលបានពលីជីវិត ដើម្បី ប្រជាជនកម្ពុជារស់រៀនមានជីវិតឡើងវិញ។

របបកម្ពុជាប្រជាធិបតេយ្យក្រោមការដឹកនាំរបស់អតីតនាយករដ្ឋមន្ត្រី និងជាអគ្គលេខាបក្សកុម្មុយនិស្ត ខ្មែរក្រហម គឺលោក សាឡុតស ហៅប៉ុល ពត បានបណ្ដាលឱ្យពលរដ្ឋខ្មែរ ជិត ២លាននាក់ស្លាប់ ដោយការសម្លាប់ ការធ្វើទារុណកម្ម ការបង្អត់អាហារ និងការស្លាប់ដោយគ្មានថ្នាំព្យាបាល។ របបអាវខ្មៅនេះ មាននិន្នាការស៊ីជម្រៅជាខ្លាំងជាមួយ របបរបស់ជនបដិវត្តន៍ ម៉ៅ សេងទុង មេដឹកនាំបក្សកុម្មុយនិស្តចិន៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x