ភ្នំពេញ ៖ រដ្ឋបាលរាជធានីភ្នំពេញ ដែលដឹកនាំដោយលោក ឃួង ស្រេង អភិបាលរាជធានី នៅថ្ងៃទី២២ ខែវិច្ឆិកានេះ បានរៀបចំពិធីសូត្រ មន្ដ បង្សុកូល និងរាប់បាតព្រះសង្ឃ ដើម្បីឧទ្ទិសកុសលជូនដល់អ្នកដែលបានស្លាប់នៅលើស្ពានឆ្លងចូលកោះពេជ្រ កាលពី ៨ឆ្នាំមុន។ ពិធីសូត្រមន្ដ បង្សុលនៅថ្ងៃនេះក្រៅតែពីមានអាជ្ញាធររាជធានីហើយ ក៏មានវត្ដមានឪពុក ម្ដាយ បងប្អូន សាច់ញាតិដែលបានស្លាប់ចូលរួមផងដែរ។ ពិធីនេះរៀបចំឡើងនៅស្ដូបក្បែរស្ពាននាគ នៃទីក្រុងកោះពេជ្រ។
សូមរំឮកថា កាលពីយប់ថ្ងៃទី២២ ខែវិច្ឆិកា ឆ្នាំ២០១០ អំឡុងនៃព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ថ្ងៃបញ្ចប់មានឧបទ្ទវហេតុ ប្រជាពលរដ្ឋរត់ជាន់គ្នាស្លាប់ ៣៥៣នាក់ និងរងរបួសជាង ៧០០នាក់ នៅស្ពាន នៃតំបន់កោះពេជ្រ៕
