loader

ស្រូវលើផ្ទៃដីជិត២ម៉ឺនហិតាជួបគ្រោះរាំងស្ងួត

ភ្នំពេញ៖ ដំណាំស្រូវដាំលើផ្ទៃដីជាច្រើនហិតា នៅខេត្តកំពង់ចាមក្នុងនោះមានស្រុកចំនួន ៥ និងឃុំចំនួន​ ៣៨ កំពុងតែជួបបញ្ហាគ្រោះរាំងស្ងួត។ នេះបើយោងតាមការចុះផ្សាយតាមរយៈគេហទំព័ររបស់ក្រសួងមហាផ្ទៃកាលពីថ្ងៃទី ១១ វិច្ឆិកា ម្សិលមិញ។

តាមការចុះផ្សាយនេះបញ្ជាក់ថា ស្រូវលើផ្ទៃដីដែលកំពុងជួបគ្រោះរាំងស្ងួតនេះមានប្រមាណជាង ១៥ ៣១១ ហិតា ក្នុងនោះមានស្រូវវស្សាចំនួន ១៤ ២៣៧ ហិតា និងស្រូវប្រាំងចំនួន ១ ០៧៤ ហិតា។

យ៉ាងណា លោក គួច ចំរើន អភិបាលខេត្តកំពង់ចាម បានបើកកិច្ចប្រជុំភ្លាមៗក្នុងការរកវិធានការសង្គ្រោះស្រូវដែលទទួលរងគ្រោះរាំងស្ងួតនៅតាមមូលរដ្ឋាននោះឡើងវិញ។

ក្នុងកិច្ចប្រជុំនោះ លោក គួច ចំរើន ប្រាប់អោយមន្រ្តីជំនាញរិះរកវិធានការជាបន្ទាន់ ដោយត្រូវយកចិត្តទុកដាក់ពីកន្លែងរាំងស្ងួតដែលគ្មានប្រភពទឹក និងកន្លែងរាំងស្ងួតដែលមានប្រភពទឹកដើម្បីស្វែងរកវិធានការដោះស្រាយភា្លមៗ។

លោក អុំ វិបុល ប្រធានមន្ទីរធនធានទឹក នៃខេត្តកំពង់ចាម បង្ហាញថា ការបូមទឹកជួយសង្រ្គោះស្រូវរាំងស្ងួតមានចំនួន ៦ ៣៤៤ហិតាហើយ។ ដោយឡែកផ្ទៃដីដែលរងគ្រោះមានទំហំច្រើនជាងគេគឺនៅស្រុកព្រៃឈរដែលរងគ្រោះចំនួន ៥ ០៤៩ហិតា ហើយឃុំចំនួន ៥ គឺមិនមានប្រភពទឹក ចំនួន ១ ៥៧១ហិតាផងដែរ។

លោកអភិបាលខេត្តកំពង់ចាមបានលើកឡើងថា ប្រជាពលរដ្ឋកំពុងត្រូវការជំនួយពីអាជ្ញាធរនៅតាមមូលដ្ឋានដូចនេះ អាជ្ញាធរត្រូវត្រូវដោះស្រាយបញ្ហានេះដោយមិនអាចបង្អែបង្អង់បានឡើយ៕

អត្ថបទ៖ លោក សោម លាភ

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មេធាវីលោក ថាច់ សេដ្ឋា រង់ចំាតុលាការបញ្ជូនសំណុំរឿងស៊ើបអង្កេតពន្លឿននីតិវិធីយ៉ាងអន្ទៈសារ

មេធាវីការពារក្ដីឱ្យលោក ថាច់ សេដ្ឋា អនុប្រធានគ[...]

កម្ពុជាលើកបញ្ហាសំណល់ផ្លាស្ទិកជាប្រធានបទខណៈធ្វើជាម្ចាស់ផ្ទះវេទិកាថ្នាក់តំបន់អាស៊ីនិងប៉ាស៊ីហ្វិកលើកទី១១

កម្ពុជាកំពុងរៀបចំកិច្ចប្រជុំវេទិកាថ្នាក់តំបន់[...]

ដើមឈើធំៗដែលក្រុមយុវជននិងព្រះសង្ឃបានបំបួសនៅតំបន់អារ៉ែងត្រូវកាប់បំផ្លាញជាបន្តបន្ទាប់

ភ្នំពេញ៖ ដើមឈើធំៗមួយចំនួនដែលក្រុមអ្នកស្រលាញ់ន[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x