loader

កាណាដាលើកទឹកចិត្តឱ្យវិនិយោគិនរបស់ខ្លួនបណ្ដាក់ទុននៅកម្ពុជា

ភ្នំពេញ៖ ឯកអគ្គរដ្ឋទូតកាណាដាប្រចាំកម្ពុជា ថា នឹងពិនិត្យលទ្ធភាពជួយកៀងគរវិនិយោគិនកាណាដាឱ្យបណ្ដាក់ទុនវិនិយោគនៅកម្ពុជា។ 

ការអះអាងបែបនេះ ធ្វើឡើងក្នុងជំនួបពិភាក្សាការងារទ្វេភាគីរវាង លោក ប៉ាន សូរស័ក្កិ រដ្ឋមន្ត្រីក្រសួងពាណិជ្ជកម្ម ជាមួយលោកស្រី ដូនីកា ប៉ូទី (Donica Pottie) ឯកអគ្គរដ្ឋទូតកាណាដាប្រចាំកម្ពុជា នៅទីស្តីការក្រសួងពាណិជ្ជកម្ម កាលពីថ្ងៃទី១៦ ខែតុលា ឆ្នាំ២០១៨។ នេះបើតាមការចុះផ្សាយលើទំព័រហ្វេសបុករបស់ក្រសួងពាណិជ្ជកម្ម។

ក្នុងជំនួបនេះ នាំឱ្យកម្ពុជាបន្តកិច្ចព្រមព្រៀងរវាងប្រទេសនេះ ជាមួយនឹងប្រទេសកាណាដា ស្ដីពីការសម្រួលពាណិជ្ជកម្ម ដើម្បីពង្រឹងកិច្ចសហប្រតិ បត្តិការទ្វេភាគីរវាងប្រទេសទាំងពីរនេះ។

នាឱកាសនោះ លោកស្រី ឯកអគ្គរដ្ឋទូត បានសន្យាថា នឹងពិនិត្យលទ្ធភាពដោយជួយកៀងគរវិនិយោគិនកាណាដា ឱ្យចូលមកបណ្តាក់ទុនលើការកែច្នៃវត្ថុធាតុដើមសំខាន់ៗ ដើម្បីបម្រើការអភិវឌ្ឍឧស្សាហកម្មវាយនភ័ណ្ឌ និងការធ្វើទំនើបកម្មវិស័យកសិកម្មនៅកម្ពុជា។

សូមជម្រាបថា រវាងកម្ពុជា និងកាណាដា បានសម្រេចទំហំពាណិជ្ជកម្មលើទឹកប្រាក់សរុបប្រមាណជាង ១ពាន់លានដុលា្លរអាមេរិកកាលពីឆ្នាំ​ ២០១៧។

ដោយឡែកទំហំទឹកប្រាក់នៃការវិនិយោគពីកម្ពុជាទៅកាណាដាមានចំនួន ១ពាន់លានដុលា្លរអាមេរិក ហើយចំណែកការនាំចូលមកវិញមានចំនួន ៤០ លានដុល្លារអាមេរិក។

បញ្ជាក់ផងដែរថា សម្រាប់ការនាំចេញផលិតផលពីកម្ពុជាទៅកាណាដា មានដូចជា សម្លៀកបំពាក់ ស្បែកជើង គ្រឿងបង្គុំយានយន្ត គ្រឿងសង្ហារឹម ប្លាស្ទីក ផលិតផលក្មេងលេង និងទំនិញកសិកម្ម៕

អត្ថបទ៖ លោក សោម លាភ

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x