loader

បេក្ខជន​ប្រឡង​បាក់​ឌុ​ប​អវត្តមាន​ជាង​១៨០០​នាក់​និង​បញ្ហា​សុខភាព​២៨​ករណី​

ភ្នំពេញ​៖​ ក្រសួង​អប់រំ​ យុវជន​ និង​កីឡា​ ប្រកាស​ថា​ បេក្ខជន​ប្រឡង​សញ្ញាបត្រ​មធ្យមសិក្សា​ទុតិយភូមិ​ នៅ​ថ្ងៃ​ទី​ ២១​ ខែសីហា​នេះ​ អវត្តមាន​ជាង​១៨០០​នាក់​ ហើយ​បេក្ខជន​មាន​បញ្ហា​សុខភាព​ពេល​ប្រឡង​ប្រមាណ​២៨​ករណី​។​

បេក្ខជន​ប្រឡង​សញ្ញាបត្រ​មធ្យមសិក្សា​ទុតិយភូមិ​ នៅ​ថ្ងៃ​ទី​ ២១​ ខែសីហា​នេះ។ មានបញ្ហាសុខភាព។ រូបភាពៈ ក្រសួងអប់រំ យុវជន និង កីឡា​



​ក្នុង​ទំព័រ​ហ្វេ​ស​ប៊ុ​ក​របស់​ក្រសួង​អប់រំ​ យុវជន​ និង​កីឡា​ បង្ហោះ​នៅ​ថ្ងៃនេះ​ថា​ ប្រឡង​សញ្ញាបត្រ​មធ្យមសិក្សា​ទុតិយភូមិ​ ឬ​ប្រឡង​បាក់​ឌុ​ប​ ប្រព្រឹត្តិ​ទៅ​ដោយ​រលូន​ល្អ​ គ្មាន​បាតុកម្ម​មិន​ប្រក្រតី​គួរ​ឱ្យ​កត់សម្គាល់​ទេ​។​

ជាមួយ​គ្នា​នេះ​ ស្ថានភាព​ប្រឡង​នៅ​តាម​មណ្ឌល​នីមួយៗ​ បាន​ដំណើរការ​ដោយ​ស្ងប់ស្ងាត់​ និង​របៀបរៀបរយ​ល្អ​ ដោយ​ពុំ​មាន​សំណៅ​ឯកសារ​ ឬ​ ឧបករណ៍​ហាមឃាត​ឡើយ​។​

​ក្រសួង​បញ្ជាក់​ថា​ បេក្ខជន​ប្រឡង​អវត្តមាន​នៅ​ថ្ងៃ​ប្រឡង​ទី​២​នេះ​ មាន​ចំនួន​ ១៨០៦​ នាក់​។​ក្នុង​នោះ​ស្ត្រី​ ៧២៣​ នាក់​។​ ប៉ុន្តែ​ក្រសួង​ពុំ​បាន​បញ្ជាក់​អំពី​មូលហេតុ​នោះ​ទេ​។​ ក្រសួង​អប់រំ​បន្ថែម​ថា​ បេក្ខជន​មាន​បញ្ហា​សុខភាព​ធ្ងន់ធ្ងរ​មាន​ ២៨​ ករណី​។​ ក្នុង​ចំណោម​នោះ​ បេក្ខជន​ប្រឡង​មិន​អាច​វិល​មក​ប្រឡង​វិញ​មាន​២​ករណី​។​ ជាមួយ​គ្នា​នេះ​ អនុរក្ស​មាន​បញ្ហា​សុខភាព​ ២​ ករណី​ និង​ អ្នក​សង្កេត​ស្ម័គ្រចិត្ត​មាន​ ១​ ករណី​។​

​នៅ​ឆ្នាំ​ ២០១៨​ ដែល​ជា​កំណែ​ទម្រ​ង​ប្រព័ន្ធ​អប់រំ​លើក​ទី​ ៥​ មាន​បេក្ខជន​ប្រឡង​បាក់​ឌុ​ប​សរុប​១១៥២៦៨​ នាក់​។​ក្នុង​នោះ​បេ​ក្ខ​នារី​ប្រឡង​បាក់​ឌុ​ប​មាន​ចំនួន​ ៥៨១៥៨​ នាក់​៕

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត