ភ្នំពេញ ៖ គ្រោះថ្នាក់ចរាចរណ៍នៅទូទាំងប្រទេស កាលពីថ្ងៃទី០៣ ខែសីហា ម្សិលមិញ បានបណ្ដាលឲ្យស្ដ្រីម្នាក់ និង បុរស ០៣ ស្លាប់។ នេះបើយោងតាមរបាយការណ៍ពីនាយកដ្ឋានចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ ផ្សាព្វផ្សាយនៅថ្ងៃនេះ។
របាយការណ៍ដដែលបញ្ជាក់ថា ក្រៅពីអ្នកស្លាប់ទាំង ៤នាក់នេះ គ្រោះថ្នាក់ចរាចរណ៍ក៏បណ្ដាលឲ្យ មនុស្សប្រុសស្រី ៧នាក់រងរបួសធ្ងន់-ស្រាល។ ពលរដ្ឋដែលស្លាប់ទាំង ៤នាក់ ២នាក់នៅខេត្ដកំពង់ចាម ម្នាក់នៅខេត្ដបន្ទាយមានជ័យ និងម្នាក់ទៀតនៅខេត្ដពោធិ៍សាត់។
សូមជម្រាបថា រយៈពេល ០៣ថ្ងៃដើមខែសីហា ឆ្នាំ២០១៨នេះ គ្រោះថ្នាក់ចរាចរណ៍បានកើតឡើងចំនួន ២២លើក បណ្ដាលឲ្យមនុស្សស្លាប់ចំនួន ៤នាក់ រងរបួសធ្ងន់ ១៧នាក់ និងរងរបួសស្រាលចំនួន ១៥នាក់៕
