បើតាមអគ្គនាយកដ្ឋានគយវៀតណាម ឱ្យដឹងថា ការនាំចេញផលិតផលផ្លាស្ទិកមានតម្លៃ១,៤៣ ពាន់លានដុល្លារក្នុងឆមាសទី ១ ដើមឆ្នាំនេះ ដែលមានកំណើន ២០ ភាគរយ។នេះបើតាមសារព័ត៌មានវៀត ណាម។
ការនាំចេញផលិតផលផ្លាស្ទិកទៅប្រទេសជប៉ុនមានតម្លៃ ៣១២,៥ លានដុល្លារ កើនឡើង ១៥.៧ ភាគរយ។ ការដឹកជញ្ជូនតាមកាប៉ាល់ទៅសហរដ្ឋអាមេរិកមានតម្លៃ ២២៣,៧ លានដុល្លារ ខណៈដែលអ្នកបញ្ជាទិញសំខាន់នៅប្រទេសហូឡង់ ៧៥,៩ លានដុល្លារ ហើយកូរ៉េខាងត្បូង ៧៥,៣ លានដុល្លារ។
ការនាំចេញផលិតផលផ្លាស្ទិកទៅកាន់ទីផ្សារបរទេស រួមមានឥណ្ឌា ហុងកុង តួគី ចិន អ៊ុយក្រែន រុស្ស៊ី និងបង់ក្លាដេស។ ការនាំចេញទៅប្រទេសឥណ្ឌា កើនឡើងជាង ១៥៩,៤ ភាគរយ ដែលមានតម្លៃ ១៧,៦ លានដុល្លារ។ ចំណែកការនាំចេញទៅហុងកុងបានកើនឡើង ១៥៨,៨ ភាគរយ មានតម្លៃ ២៩ ដុល្លារ។
