ភ្នំពេញ៖ រដ្ឋាភិបាលផ្តល់សច្ចាប័នលើកិច្ចព្រមព្រៀងស្តីពីការចៀសវាងការយកពន្ធត្រួតស៊ីគ្នានិងការគេជពន្ធប្រាក់ចំណូលរវាងកម្ពុជានិងវៀតណាម។
រដ្ឋាភិបាលទាំងពីរបានចុះហត្ថលេខាជាផ្លូវការក្នុងកិច្ចប្រជុំមហាអនុតំបន់ទន្លេមេគង្គលើកទី៦ និងកិច្ចប្រជុំកំពូលអភិវឌ្ឍន៍តំបន់ត្រីកោណ កម្ពុជា ឡាវ និង វៀតណាម លើកទី ១០ នៅទីក្រុងហាណូយ កាលពីចុងខែ មិនា។នេះបើតាមសារព័ត៌មានវៀតណាម។
តាមប្រភពដដែល ទំនាក់ទំនងសេដ្ឋកិច្ច និងពាណិជ្ជកម្ម រវាងកម្ពុជា វៀតណាម មានការរីកចម្រើនក្នុងប៉ុន្មានឆ្នាំចុងក្រោយនេះ។ ពាណិជ្ជកម្មទ្វេភាគីឈានដល់ ៣, ៨ ពាន់លានដុល្លារនៅឆ្នាំ ២០១៧ កើនឡើង ៣០ ភាគរយ ធៀបទៅនឹងឆ្នាំមុន។
គិតត្រឹមថ្ងៃទី ២០ ខែ មិនា កម្ពុជាមានគម្រោងវិនិយោគចំនួន ១៩ គម្រោងនៅវៀតណាមដែលមានទុនវិនិយោគសរុប ៦៤,៩ លានដុល្លារ។ទុនវិនិយោគកម្ពុជាឈរនៅលំដាប់ទី ៥៦ ក្នុងចំណោម ១២៦ ប្រទេសដាក់ទុនវិនិយោគនៅប្រទេសវៀតណាម។
ចំណែកវៀតណាមមានគម្រោងវិនិយោគចំនួន ១៩០ គម្រោងនៅកម្ពុជា ដែលមានទុនវិយោគសរុបចំនួន ២,៨៩ ពាន់លានដុល្លារអាមេរិក។ភាគច្រើនវៀតណាមវិនិយោគលើផ្នែកកសិកម្ម និងព្រៃឈើ៕ Vietnam News
