រដ្ឋមន្ត្រីការបរទេសអាមេរិក Mike Pompeo នៅសប្តាហ៍នេះ នឹងធ្វើដំណើរ មកកាន់តំបន់អាស៊ី ជាពិសេស មកកាន់តំបន់អាស៊ីអាគ្នេយ៍ ដែលតាមសេចក្តីរាយការណ៍ លោកមានគោលដៅ ជម្រុញឲ្យតំបន់ អាស៊ីអាគ្នេយ៍ មានភាពសេរី។
តាមសេចក្តីរាយការណ៍របស់បណ្តាយផ្សាយព័ត៌មាន Channel NewsAsia លោក ត្រូវទៅកាន់ប្រទេសចិន មុនលោកមកកាន់ប្រទេសម៉ាឡេស៊ី សិង្ហបុរី និង ឥណ្ឌូនេស៊ី ក្នុងដំណើរទស្សនៈកិច្ច ដែលៈសេចក្តីរាយការណ៍បានបញ្ជាក់ថា លោក ជម្រុញឲ្យប្រទេសក្នុងតំបន់នេះបើកចំហរ ភាពសេរី ទាំងសិទ្ធិសេរីភាពនិងទស្សនៈ ចម្រុះ នៃយុទ្ធសាស្ត្ររបស់អាមេរិក។
គោលនយោបាយការបរទេសអាមេរិក ក្រោមការដឹកនាំរបស់លោក ដូណាល់ត្រាំ ក៏ដូចអតីតប្រធានាធិតបី លោក អូបាម៉ា ផងដែរចាត់ទុកតំបន់អាស៊ីអាគ្នេយ៍ជាសក្តានុពល ទាំងសេដ្ឋកិច្ច នយោបាយ សម្រាប់សហរដ្ឋអាមេរិក។
សហរដ្ឋអាមេរិក បានភ្ជាប់ទំនាក់ទំនងជិតស្និតឡើងវិញជាមួយប្រទេសក្នុងតំបន់ ជាពិសេស ជាមួយប្រទេស ហ្វីលីពីន ដែលបានងាកទៅរកចិន យ៉ាងខ្លាំងក្នុងរយៈពេលខ្លី។ ចំណែកឯប្រទេសថៃ ដែលមួយឆ្នាំៗ ទទួលជំនួយអាមេរិក ក៏មានទំនាក់ទំនងជិតស្និតឡើងវិញដែរជាមួយក្រុងវ៉ាស៊ីនតោនចាប់តាំងពី លោក ដូណាល់ត្រាំ ឡើងកានតំណែងកាលពីដើមឆ្នាំ ២០១៧។
លោក ដូណាល់ត្រាំ បានអញ្ជើញ លោកប្រាយុទ្ធចាន់អូចារ នាយករដ្ឋមន្ត្រី ថៃ លោក ណាជីព រ៉ាហ្សាក់ អតីតនាយករដ្ឋមន្ត្រី ម៉ាឡេស៊ី និង លោក ប្រធានាធិបតី ហ្វីលីពីន ឌូទើតេ បានទៅជួបលោក នៅសេតវិមាន ដោយ មេដឹកនាំទាំងនេះ សុទ្ធតែសន្យាពង្រឹងទំនាក់ទំនងជាមួយអាមេរិកកាន់តែស្និទ្ធស្នាលថែមទៀត៕
