ព្រៃវែង៖ ក្មេងស្រី អាយុ ៧ឆ្នាំម្នាក់ បានស្លាប់ ខណៈនាងដើររើសពងទាតាមមាត់បឹង ។
តាមការចុះផ្សាយរបស់អគ្គស្នងការដ្ឋាននគរបាលជាតិនៅថ្ងៃទី២៤ ខែកក្កដា ឆ្នាំ២០១៨ ឱ្យដឹងបន្ថែមថា ក្មេងស្រី រ៉ាត់ ដានី រស់នៅភូមិតាហ៊េលខ ឃុំរាធរ ស្រុកព្រះស្តេច បានលង់ទឹកបឹង ស្លាប់ ខណៈដែលក្មេងស្រីនោះបានដើររើសពងទាតាមមាត់បឹង ពេលឪពុកម្តាយរវល់ធ្វើការងារនៅផ្ទះ ។
ហេតុការណ៍នេះបានកើតឡើង កាលពីថ្ងៃទីទី២៤ ខែកក្កដា ឆ្នាំ២០១៨ វេលាម៉ោង១០និង៣០នាទី នៅចំណុចបឹងអន្លង់តូចខាងជើង ចំងាយ៤០០ម៉ែត្រពីភូមិ ឋិតនៅភូមិតាហ៊េលខ ឃុំរាធរ ស្រុកព្រះស្តេច ខេត្តព្រៃវែង ។
បញ្ជាក់ផងដែរថា ឪពុកក្មេងរងគ្រោះមានឈ្មោះ អុល រ៉ាត់ អាយុ ៣១ឆ្នាំ និងម្តាយឈ្មោះ ព្រិន ណន អាយុ ៣៧ឆ្នាំ រស់នៅភូមិឃុំ កើតហេតុខាងលើ។ បច្ចុប្បន្ន សាកសពប្រគល់ជូនក្រុមគ្រួសារធ្វើបុណ្យតាមប្រពៃណី ៕
