ក្រោយពីក្រុមស្វែងរកការពិតមួយនៃគណៈប្រតិភូសហភាពអឺរ៉ុបបានបញ្ចប់បេសកកម្មរបស់ខ្លួនរួចមក បណ្ដាញផ្សាយព័ត៌មានជាច្រើន ចុះផ្សាយ ថា សហភាពអឺរ៉ុបនឹងដកពន្ធអនុគ្រោះពីកម្ពុជា ដែលពន្ធលើទំនិញពីកម្ពុជាទៅទីផ្សារអឺរ៉ុបមានប្រហែល ៦៧៦លានដុល្លារក្នុងមួយឆ្នាំៗ។
ក្រោយពីបញ្ចប់បេសកកម្មភ្លាម គណៈប្រតិភូនេះ បានចេញសេចក្ដីប្រកាសព័ត៌មានដោយបញ្ជាក់ពីការវាយតម្លៃរបស់ខ្លួន ជុំវិញស្ថានភាពសិទ្ធិមនុស្សនិងសិទិ្ធសេរីភាពនយោបាយនៅកម្ពុជា ដែលនាំអោយមានការព្រួយបារម្ភថា ចុងក្រោយសហភាពអឺរ៉ុបអាចដកពន្ធអនុគ្រោះពីកម្ពុជា។
យ៉ាងណាក៏ដោយ អ្នកនាំពាក្យរាជរដ្ឋាភិបាលសង្ឃឹមថា សហភាពអឺរ៉ុបនឹងមិនជ្រើសរើសវិធានការនេះទេ។ តែលោកថា បើមានវិធានការនេះក៏កម្ពុជាមិនព្រួយបារម្ភដែរ។ អ្វីដែលកម្ពុជាសង្ឃឺម គឺ ប្រតិភូសហភាពអឺរ៉ុបនឹងទទួលយកការពន្យល់និងការបង្ហាញរបស់កម្ពុជា។
សូមអញ្ជើញស្ដាប់បទសម្ភាសន៍រវាងលោកនួន បូរិន ជាមួយ លោក ផៃ ស៊ីផាន ដូចតទៅ ៖
