ក្រុងភ្នំពេញ៖ ថ្មីៗនេះ សង្គ្រាមពាក្យសម្តីរវាង លោក ដូណាល់ ត្រាំ ប្រធានាធិបតីសហរដ្ឋអាមេរិក និង លោក ស៊ី ជីង ភីង ប្រធានាធិបតីនៃសារធារណរដ្ឋប្រជាមានិតចិន កំពុងដុតឲ្យឆេះ ធ្វើឲ្យអ្នកសេដ្ឋកិច្ចជុំវិញពិភពលោក ព្រួយបារម្ភថា សង្គ្រាមពាណិជ្ជកម្មនេះ នឹងធ្វើឲ្យសាកលលោក និង ប្រទេសតូចៗ ក្នុងតំបន់ រងគ្រោះដោយសារជម្លោះនយោបាយពាណិជ្ជកម្មនេះ។
ខែក្រោយនេះ អាមេរិក នឹងចាប់ផ្តើមអនុវត្តវិធានការដំឡើងពន្ធទៅលើទំនិញនាំចូលរបស់ចិន មានទឹកប្រាក់ដល់ទៅជាង៥០ពាន់លានដុល្លារ ដោយតម្លើងថ្លៃពន្ធ ២៥% ទៅលើមុខទំនិញដែលនាំចូលពីប្រទេសចិន ប្រមាណ ១៣០០ មុខ។ ដើម្បីជាការសងសឹក ប្រទេសចិនក៏បានបង្ហាញចង្កូមយ៉ាងមុតស្រួចដើម្បីជាការសងសឹក ដោយប្រកាសដំឡើងពន្ធលើទំនិញអាមេរិក គិតជាទឹកប្រាក់ប្រមាណ ៥០ ពាន់លានដុល្លារ ដូចគ្នា ទៅលើ មុខទំនិញ ជាង ១២៨ ប្រភេទ។
ជម្លោះពាណិជ្ជកម្មនេះ បានធ្វើឲ្យពិភពលោកព្រួយបារម្ភថា វាអាចនឹងប៉ះពាល់ដល់សេដ្ឋកិច្ចសាកល។ ដូចគ្នានេះ ថ្មីៗនេះ ប្រមុខរដ្ឋាភិបាលកម្ពុជាសមេ្តច ហ៊ុន សែន បានយកពិធីប្រកាសគោរមងារដល់មន្ត្រីនៅរាជបណ្ឌិតសភាកម្ពុជា ឲ្យធ្វើការសិក្សាពីផលប៉ះពាល់ជម្លោះពាណិជ្ជកម្មនេះ ដល់កម្ពុជាផងដែរ ។
សម្តេច ហ៊ុន សែន បានបង្ហាញការព្រួយបារម្ភថា ជម្លោះពាណិជ្ជកម្មនេះ មិនមែនជាបញ្ហាតូចតាចទេ តែវាជាបញ្ហាប្រឈមដ៏ធំសម្រាប់សេដ្ឋកិច្ចសាកលលោក និង ប្រទេសកម្ពុជា ផ្ទាល់ ។
កត្តានេះ ហើយ អ្នកវិភាគបញ្ហាសង្គម លោក ឯម សុវណ្ណារ៉ា បានផ្តល់បទសម្ភាសន៍ពាក់ព័ន្ធជាមួយជម្លោះពាណិជ្ជកម្មនេះ ថាតើកម្ពុជាគួររក្សាគោលជំហរពាណិជ្ជកម្មទៅ រកបងធំចិន ឬ ក៏បិតាប្រជាធិបតេយ្យ សហរដ្ឋអាមេរិក?
ដើម្បីជា្របកាន់តែច្បាស់សូមនាងកញ្ញាលោក លោកស្រី អញ្ជើញស្តាប់ បទសម្ភាសន៍ រវាង លោក សេរី វឌ្ឍនៈ និង លោក ឯម សុវណ្ណារ៉ា អ្នកវិភាគបញ្ហាសង្គមដូចតទៅ៖
