ប្រធានាធិបតីអាមេរិក លោកដូណាល់ត្រាំ បានបញ្ជាអោយកងទ័ពបង្កើតកងទ័ពទី៦ ដែលមានមូលដ្ឋានក្នុងលំហអាកាស។
តាមបណ្ដាញផ្សាយព័ត៌មាន BBC លោកត្រាំបាននិយាយកាលពីថ្ងៃ ចន្ទ ថា អាមេរិកត្រូវបង្កើនកម្លាំងសន្តិសុខជាតិថែមទៀតកក្រោមកំណើនសេដ្ឋកិច្ច និងការងារ។ លោក បញ្ជាក់ថា ពិតជាមិនសមល្មមទេដែលមានកងទ័ពនៅលំហអាកាស តែយើងត្រូវតែបង្កើតឡើង។
ក្នុងពេលនេះដែរ លោកត្រាំក៏បានសន្យាថា រដ្ឋាភិបាលនឹងនាំពលរដ្ឋអាមេរិកទៅស្ថានព្រះចន្ទ និងទៅកាន់ភពដទៃទៀត។
ដូណាល់ត្រាំ៖«ខ្ញុំសូមបញ្ជាទៅកាន់ ក្រសួងការពារជាតិ មន្ទី ឬ ប៉ុងតាហ្គោន ឆាប់ចាប់ផ្ដើមសិក្សាដើម្បីបង្កើតកងកម្លាំងទ័ពអាកាសនៃអង្គភាពទី៦ នៃកងទ័ព»។
លោកបន្តថា សូម្បីប្រទេសចិន និង រុស្ស៊ី ក៏បានជាន់ដែនអាកាសដែរ។ តែយ៉ាងនេះក្ដី ផែនការរបស់លោកត្រាំត្រូវតែទទួលបានការយល់ព្រមពីសមាជិកសភាជាមុនសិន៕
