ភ្នំពេញ៖ អគ្គស្នងការដ្ឋាននគរបាលជាតិបានឱ្យដឹងថា ជនជាតិវៀតណាមដែលឆ្លងដែន និងធ្វើការខុសច្បាប់ ចំនួន ២១ នាក់ ក្នុងនោះមានស្រ្ដី ៣នាក់ ដែលគ្មានឯកសារត្រូវបានឃាត់ខ្លួនបញ្ជូនទៅអគ្គនាយកដ្ឋានអន្ដោប្រវេសន៍ដើម្បីអនុវត្តនីតិវិធី។
តាមការចុះផ្សាយរបស់អគ្គស្នងការនគរបាលជាតិដដែល ជនជាតិវៀតណាម ២១នាក់នេះ ត្រូវសមត្ថកិច្ចកម្ពុជាឃាត់ខ្លួននេះ គឺធ្វើឡើងកាលពីថ្ងៃទី ២៤ ខែឧសភា ឆ្នាំ២០១៨ វេលាម៉ោង ៣រសៀល នៅបណ្ដោយផ្លូវលេខ៣៦៩ សង្កាត់ច្បារអំពៅ ខណ្ឌច្បារអំពៅ។
ការរកឃើញនេះ ដឹកនាំការិយាល័យស៊ើបអង្កេតនិងអនុវត្តនីតិវិធីនៃស្នងការដ្ឋាននគរបាលរាជធានីភ្នំពេញ ចុះសហការជាមួយនាយកដ្ឋានស៊ើបអង្កេតនិងអនុវត្តនីតិវិធីនៃអគ្គនាយ
កដ្ឋានអន្ដោប្រវេសន៍ និងកម្លាំងសមត្ថកិច្ចមូលដ្ឋានខណ្ឌច្បារអំពៅ រួមទាំង លោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញនឹងក្រឡាបញ្ជីលោក លឹម ស៊ាងហៃ៕
